Арал теңизиниң қумы сувенир сыпатында ғалабалық сатыўға шығарылмақта

Нөкис қаласында Қарақалпақстанда туризм тараӯын раӯажландырыӯ бойынша шөлкемлестирилген Муӯапықластырыӯ Кеңесиниң мәжилиси болып өтти. Илажда Қарақалпақстан Республикасында туризм тараӯын раӯажландырыӯ бойынша қабыл етилген норматив-ҳуқықый ҳүжжетлердиң анализ нәтийжелери ҳәм туризмди буннан былай да раӯажландырыӯ бойынша нызамшылыққа жаңа усыныслар киргизиў бағдарында пикирлер тыңланды. Буннан тысқары, мәжилисте “DMO Karakalpakstan” шөлкеминиң жаңа веб сайты ҳәм сувенир өниминиң презентациясы болып өтти.

Атап айтқанда, жаңа 2025-жылдан баслап Арал теңизиниң қумы сувенир сыпатында қайта исленип, ғалабалық сатыўға шығарылыўы режелестирилип атыр. Буннан тийкарғы мақсет – Қарақалпақстанда Арал теңизиниң қурыўы ақыбетинде келип шыққан экологиялық машқаласына дүнья итибарын тартыўдан ибарат.

Толық оқыў

🏢 Өзбекстан Саўда-санаат палатасының Қарақалпақстан Республикасы басқармасының мәлимлеме хызмети.

Каналға ағза болыў: https://t.me/QR_Chamber