Реймов Ахмед Мамбеткаримович

💥Xosh xabar!

Rossiya Federaciyasınıń Kazan qalasında ótkerilip atırǵan BRIKS sport jarıslarında qılıshpazlıq sport túrinen Ózbekstan saylandı komandası sıylı III orındı iyeledi. Ózbekstan saylandı komandasınıń bul jeńisine Qaraqalpaqstanlı sportshılar da ózleriniń úleslerin qostı. Atap aytqanda saylandı komanda quramında Berdaq atındaǵı Qaraqalpaq mámleketlik universiteti, Dene mádeniyatı fakulteti studenti Musa Aymuratov bar bolıp, qola medalı menen sıylıqlandı. Sportshımızdıń qolǵa kirgizgen jeńisleri menen qutlıqlaymız hám aldaǵı ótkeriletuǵın jarıslarda tabıslar tileymiz.

👇Bizdi sociallıq tarmaqlarda baqlap barıń:

👉@RektorQMU

⚡️QMUda xalıqaralıq reytingi boyınsha zoom platforması arqalı onlayn seminar bolıp ótti

Usı jıldıń 13-iyun sánesinde Oraylıq Aziya mámleketleriniń Konsalting joybarı aymaqlıq koordinatorı Dara Buxtoyarova tárepinen Joqarı oqıw orınlarınıń QS (Quacquarelli Symonds) xalıqaralıq reytingi pánleri boyınsha zoom platforması arqalı onlayn seminar ótkerildi.

Onda Berdaq atındaǵı Qaraqalpaq mámleketlik universiteti xalıqaralıq baylanıslar boyınsha prorektor basshılıǵında universitettiń barlıq kafedralarınan xalıqaralıq birge islesiw boyınsha tiyisli juwapkerler qatnastı.

Dáslep Dara Buxtayarova óziniń prezentaciyası járdeminde QS reytingi, dúnya júzindegi hám Aziyadaǵı universitetlerdiń reytingleri haqqında maǵlıwmatlar berip ótti. Bunnan soń, Qaraqalpaq mámleketlik universitetiniń iskerligi, QS reytingindegi ornı hám pánler boyınsha jetiskenlikleri haqqında atap ótti.

Tolıq oqıw

Bizdi sociallıq tarmaqlarda baqlap barıń:

👉@RektorQMU

⚡️Koreya Respublikasınıń ilimiy izertlew institutı hám Yon Gin Song kompaniyası wákillerinen ibarat delegaciya aǵzaları Qaraqalpaq mámleketlik universitetinde boldı.

Aldın xabar bergenimizdey, búgin 12-iyun kúni Koreya Respublikası ilimiy izertlew institutı (KBSI) hám Yon Gin Song kompaniyasınıń bir qatar wákilleri Berdaq atındaǵı Qaraqalpaq mámleketlik universitetinde boldı. Dáslep, delegaciya aǵzaların universitet rektorı A.Reymov hám universitet administraciyası kútip alıp, óz-ara sáwbetlesiwler alıp bardı.

Bunnan soń, delegaciya aǵzaları universitettiń Ximiya-texnologiya fakultetindegi laboratoriya imkaniyatları, sonday-aq, jańadan qurılıp atırǵan 1800 orınǵa mólsherlengen oqıw-laboratoriyası imaratınıń qurılısı menen tanıstı. Sonıda ayrıqsha atap ótiw orınlı investiciyalıq joybar sheńberinde universitetke Koreya Respublikası tárepinen zamanagóy ásbap -úskeneler hám qurılmalar alıp keliniwi kútilmekte.

Bizdi sociallıq tarmaqlarda baqlap barıń:

👉@RektorQMU

⚡️QMUda Koreya Respublikasınıń ilimiy izertlew institutı hám Yon Gin Song kompaniyası wákillerinen ibarat delegaciya aǵzaları menen ushırasıw bolıp ótti

Búgin 12-iyun kúni Koreya Respublikası ilimiy izertlew institutı (KBSI) hám Yon Gin Song kompaniyasınıń bir qatar wákilleri Berdaq atındaǵı Qaraqalpaq mámleketlik universitetinde boldı. Dáslep, delegaciya aǵzaların universitet rektorı A.Reymov hám universitet administraciyası kútip alıp, óz-ara sáwbetlesiwler alıp bardı. 

Sáwbetlesiw barısında rektor A.Reymov búgingi kúnde universitette tálim-tárbiya hám ilimiy izertlew boyınsha ámelge asırılıp atırǵan jumıslar, universitettiń Ózbekstan Respublikası hám shet el joqarı oqıw orınları sonıń menen birge, ilimiy izertlew mákemeleri menen birgelikte jumıs alıp barıwı, xalıq aralıq hám milliy reytinglerdegi ornı haqqında aytıp ótti.

Tolıq oqıw

Bizdi sociallıq tarmaqlarda baqlap barıń:

👉@RektorQMU