🏅Саналы ғұмырын «Елімай» футбол клубына жанкүйерлік етуге сарп еткен Саясат Хасенұлы мырза Семей қаласының құрметті азаматы атағына ие болды. Қалалық әкімшілік ғимаратында Семей қаласының әкімі Нұрбол Нұрсағатов арнайы төсбелгіні табыс етті.

«Елімайдың қайта қанат қағуы ел президенті Қасым Жомарт-Тоқаев Кемелұлының Абай облысын құру туралы жарлығымен тікелей байланысты. Өңіріміздің әр түкпіріндегі балалар бүгінгі таңда өзге елдің клубына емес, өз қаласының клубына жанкүйер болып келешекке үлкен үмітпен қадам басуда. 1000-ға жуық бала футболмен еркін айналысып, 10 000-ға жуық көрермен бір уақытта стадионда сүйікті спортын тамашалайды» деді өз сөзінде Саясат Сарсембинов.