📌Жалпы пайда үшін:
Имам әл-Ләләкәи өзінің «Шарх усул иғтиқад әһли-Сунна» кітабында, бірде жахмилер АбдуЛлаһ ибн әл-Мубаракка: «Біз Қиямет күні Раббымызды қалай көреміз?», - деген сұрақ қою үшін бір адамды жіберген асарды келтірген (кітапта сұрақ парсы тілінде келген және Раббы "خدا" «Худа» деп жазылған). Бұған АбдуЛлаһ ибн әл-Мубарак: «Көзбен», - деп жауап берді. (691)
Шейх Хайсам Сарханнан (Аллаһ оған есендік берсін) бұл асар туралы, Худах немесе Худай сөздерін (Азия елдерінде Раббы сөзі осылай аталады) қолдануға болады ма деп сұралды. Өйткені АбдуЛлаһ ибн әл-Мубарак әлгі адамды ол бұл сөзді пайдаланғаны үшін сөкпеді.
Бұған шейх былай деп жауап берді (жалпы мағынасы): «Аллаһқа (мұндай сөздермен) жүгіну – рұқсат етілмейді, өйткені Оған тек Оның есімдерімен жүгіну керек.
Аллаһ туралы хабарларға, келсек, адамдар өз тілдеріндегі сөздерді қолдануларында еш қиындық жоқ» (шейхтың сөзінің соңы).
Қорытынды:
1) Біз Аллаһ Тағала дұғалармызда жүгінгенімізде: «Уа Раббы!», «Уа Құдай!», «Уа Естуші!», «Oh My God!» және осы секілді сөздерді қолдануымызға болмайды. Өйткені Аллаһ Тағала былай деген:
وَلِلّهِ الأَسْمَاء الْحُسْنَى فَادْعُوهُ بِهَا
«Ең жақсы есімдер Аллаһқа тән. Оған сол есімдерімен жалбарыныңдар» («әл-Әғраф» сүресі, 180-аят).
Яғни Аллаһ Тағалаға Құран Кәрімде және сенімді Сүннетте келген араб тіліндегі есімдер арқылы ғана жүгіну керек.
2) Егер біз бұл аудармаларды Аллаһ туралы хабарлағанда қолданатын болсақ, онда Аллаһтың есімдерінің әртүрлі тілдердегі мағыналарының аудармаларын пайдаланудың еш қиындығы жоқ. Яғни: «Раббым маған рахым танытты», «Құдайымыз бізге қамқорлық жасайды» және басқа да сөздерді қолдануға болады.
Ал Аллаһ бұл жайлы жақсырақ біледі.