Әшкере

🆕 Kaspi Alipay+ сервисінде Kaspi Pay шотынан төлем жасауды іске қосты

Көптеген қазақстандықтар Қытайда сатып алған заттың ақысын 🙃 Kaspi.kz мобильді қосымшасында Alipay+ сервисі арқылы төлейді.

Жеке кәсіпкерлер де бұл сервисті, мысалы, Қытайдан 📦 тауар сатып алу үшін пайдаланатын. Ол үшін алдымен Kaspi Pay бизнес-шотынан Kaspi Gold картасына ақша аудару керек болатын.

Енді жеке кәсіпкер тікелей Kaspi.kz мобильді қосымшасындағы Alipay+ сервисінде Kaspi Pay шотынан төлем жасай алады. Бұл ыңғайлы және валюталық заңнаманың талаптарына толық сәйкес келеді.

Сатып алған заттың ақысын Kaspi Pay шотынан төлеу Kaspi.kz серіктестері – барлық ЖК-ге қолжетімді. Толығырақ серіктестерге арналған Kaspi Гид сервисінен оқыңыз.

#әріптестікнегізде

Бізге тіркелуді ұмытпаңыз👇

📱 Әшкере

Шаталов? Ресейде "қазақтан қысым көрген орыс депутатының" образы қалыптасуда - журналист

Депутат Шаталовтың аңдамай сөйлеген сөзі Қазақстанға қалай соқтығарын білмей отырған Кремльге азық болды жазыпты Ertenmedia.kz.

Журналист Жания Ұранқаеваның пікірінше депутаттың Украина мен Мәскеуге қатысты даулы мәлімдемесі міне, бірнеше күн болды Ресей медиасының күн тәртібінен түспей тұр...

"Орыс пропагандасы "Шаталов қазақтардан қысым көруде", "Қазақ қоғамы қысымға алған депутаттың мұң-зары..." деген мағынадағы контентті бірінен-бірі іліп әкетіп, тоқтаусыз таратуда.

Бұлардың бәрі емін-еркін шекара асып, Қазақстандағы орыстілді аудиторияның ниетін бұзуда.

Украина мен Ресей арасындағы қантөгістің түп-төркіні де осы ақпараттық соғыстан басталған. Ресей телеарналары ондаған жыл бойы Киевті құбыжық қылып көрсетіп, жеккөрушілік сезімін үздіксіз қоздатып келді.

Украина өз кезегінде мұны "мағынасыз шоу" деп санап, көп жағдайда үнсіз қалатын. Соның нәтижесін бүгін бүкіл әлем көріп отыр. Мұндайда үнсіз қалу, үйден бәледен құтылуды білдірмейді.

Шаталовтың "орыс болғаным үшін қысым көрдім" деген сөзі де дәл сол сүрлеумен жайылып барады. РБК, Риа, Лента басылымдары бұл тақырыпты қаузаудан шаршар емес. Олар Шаталовты қуғын-сүргін құрбаны ретінде көрсетуде.

Ресей оқырманының санасында "қазақтан қысым көрген орыс депутатының" образы қалыптасып жатыр.

Ал біздің Министрліктің ақпараттық саясатқа жауапты органдары болса, дәл осы сәтте бұғып, ішкі тірлікпен ғана айналысып, қажетсіз ережелер мен шектеулерді ойлап табумен әуре. Шындығында, дәл қазір Ақпармин дәл осы мәселеге араласуы тиіс.

Мемлекеттік арналар мен сайттар депутат Шаталовты сұхбатқа шақырып, Смирнова сынды тұлғаларды тартып, ашық алаң ұйымдастырғаны жөн.

Олар өз кезегінде қазақтан ешбір қысым көрмегенін, осы елде көйлегі көк, көңілі тоқ, шалқып басып өмір сүретінін жасырмай айтуы керек. Ақиқаты да осы ғой.

Ақпарат – қауіпті құрал. Кішкентай бір ұшқынның өзі үлкен өртке ұласуы мүмкін екенін дәлелдеп тұрған Украина мысалы көз алдымызда. Мемлекет деңгейінде ресейлік медианың арандатуына салғырт қарамай, сауатты жауап қататын уақыт келді. Шаталов оқиғасы ескерту. Осыны ұмытпайық".

Бізге тіркелуді ұмытпаңыз👇

📱 Әшкере

⚡️ Қазыбек Иса шу көтерді! Жемқорлар "Жайлы мектеп" жобасының "қызығын" көріпті...

Әуелде "Жайлы мектеп" деп сүйіншілеген жоба "майлы мектепке" айналып, біреулердің қалтасын қампитып отырғаны әшкереленіп жатыр.

Мәжіліс депутаты Қазыбек Иса нақты фактілерге сүйене отырып, ұлттық жобаның Ұлттық қорды "опырып" жатқанын ашып айтыпты.

Ұлттық қордан осы жобаға 2023-2025 жылдарға бөлінген 1 трлн 493 млрд теңгеге барлығы 217 мектеп салу жоспарланған болатын.

Депутаттың есебіне сүйенсек, осы қаржыға 217 емес, кемі 1000 мектеп салуға болар еді.

"Бір мектептің орнына 4-5 мектеп салатын қаржы қайда кетіп жатыр? Есепсіз миллиардтардың сұрауы кімде?", - дейді мәжілісмен.

Мәселенің түп-тамырында мемлекеттік сатып алу жүйесіндегі жемқорлық жатыр. Әлихан Смайылов басқаратын Жоғары аудиторлық палата "Жайлы мектеп" жобасы аясында тек 2023 жылы 311,9 млрд. теңгенің беталбаты жұмсалғанын анықтаған.

Қазыбек Исаның пікірінше, бағдарлама бөлінген қыруар қаражат "жайлы мектепті" "майлы мектепке" айналдырып отыр.

"Мектептер салу үшін жеке кәсіпкерлерге мемлекет тарапынан жер учаскелері беріліп, олармен сенімді серіктестік қатынас орнатылуы керек", -дейді депутат. Ендігі мәселе – осы миллиардтардың нақты кімдердің қалтасына түсіп жатқанын анықтау.

Депутат осы орайда премьер-министрі Олжас Бектеновке, Бас прокурор Берік Асыловқа сауал жолдапты. Нәтижесін күтеміз.

Бізге тіркелуді ұмытпаңыз👇

📱 Әшкере

⚡️ Ауызашар беру үшін қазақтар қарызға кіріп жатыр - Нұрлан имам

Қазақтар ауызбашар беруді дастархан бәсекесіне айналдырып жіберді. Бұл туралы көпшілік арасында "тиктокер-имам" аталып кеткен Нұрлан Байжігітұлы "Алматы ақшамы" газетіне берген сұхбатында айтыпты.

Имамның айтуынша, ауызашардың негізгі мәні – қарапайымдылықта, адамдардың шынайы ықылас-пейілінде жатыр.

Алайда соңғы кезде ауызашар беру байлық пен әлеуметтік мәртебені көрсетудің құралына айналған.

"Біз ауызашарды жарысқа айналдырып жібердік. Бір күні маған бір облыстың әкімі хабарласып, "700 адамға ауызашар жасаймын" деді. Мен одан: "Сізге жарнама керек пе?" деп сұрадым. Ол "жоқ, керек емес" деді.

Бізде ауызашар берген шенеуніктерді орынсыз дәріптеу, мақтау әдетке айналған. Сонда халықты бір рет тамаққа шақырмаса, олар аштан қатып қалатын сияқты. Шын мәнінде, халық бұл ауызашарға қарап отырған жоқ. Сондықтан мұндай іс-шараны мақтаныш не бәсекеге айналдыру дұрыс емес. Ауызашардың мәні – шынайы ықыласта", – дейді имам.

Нұрлан имам сондай-ақ ауызашар беру үшін халықтың қарызға немесе несиеге батып жатқанына алаңдайтынын жеткізді.

"Бір қарызды жабамын деп, екінші қарызды мойынға ілудің ешқандай сауабы жоқ. Хадисте де: "ауызашарға бір жұтым су мен құрма болса да жеткілікті" деп айтылады. Ауызашардың берекесі дастарханның молдығында емес, адамның шынайы ниетінде", – деді ол.

Имамның сөзінен түсінгеніміз, Рамазан айында ас та төк дастархан емес, қарапайымдылық, шынайы ықылас және имандылық алдыңғы орынға шығуы тиіс. Бұл қазақ халқының төл құндылықтарымен толық үйлесетін көзқарас.

Бізге тіркелуді ұмытпаңыз👇

📱 Әшкере

⚡️ Тасмағамбетов Еуропа елдеріне ескерту жасады...

Иманғали Тасмағамбетов "Известияға" сұхбат беріп, Еуропа мен Украина мәселесінде Мәскеудің сөзін сөйлепті.

Айтуынша, НАТО-ның Украинаға әскер жіберу жоспары өте-мөте қауіпті, әрі аймақтағы жағдайды шайқалтып жіберуі мүмкін. Имекең мұны "Еуропаның үлкен қателігі" деп бағалаған екен.

Батыс Украинаға әскер жіберетін болса, ОДКБ қарсы шара қабылдайтынын айтыпты.

Тасмағамбетов НАТО-ның Финляндия мен Норвегиядағы әскери белсенділігін сынап, "одақтың шекарасы 1500 шақырымға ұзарғанына" алаңдап отыр. Германия мен Францияның "ядролық зонтик" құруына қарсы.

Имекең мұны "аймақтық тұрақтылыққа қауіп төндіреді" деп Кремльдің сүйікті терминологиясымен түсіндіріпті.

"Украинаға әскер кіргізу? Мұндай қадам аймақтық қауіпсіздікке үлкен қатер төндіреді. Экономикалық және әлеуметтік мәселелерден шаршаған Еуропа халқы бұған көне қоюы екіталай.

Егер мұндай бастама жүзеге асса, ОДКБ ұйымға мүше барлық мемлекеттердің келісімімен тиісті шара қабылдауға дайын", – дейді Бас хатшы.

Тасмағамбетов сөз арасында АҚШ пен Еуропа арасындағы қайшылыққа ерекше назар аударыпты. Оның айтуынша, АҚШ пен Еуропаның қорғаныс саясаты ендігі кезеңде екі түрлі траекторияға түсуі мүмкін.

"ОДКБ-ның болашағы? Армения ұйымнан алыстаған жоқ, келесі отырыс 2025 жылдың қараша айында Пішкекте өтеді", - дейді ол.

ОДКБ басшысының қып-қызыл ресейшіл позициясы қазақтілді қауымды алаңдатып отыр.

Бізге тіркелуді ұмытпаңыз👇

📱 Әшкере

⚡️ Құлыбаева ҚБТУ үшін күреске шықты...

Динара Құлыбаева ҚБТУ-дың мемлекет меншігіне қайтарылуына ашық түрде қарсы шықты. Бұған дейін университеттің 100 пайыз акциясы мемлекетке өткен болатын.

Құлыбаева басшылық ететін "Назарбаев білім қоры" бұл әрекетті заңсыз деп санап, сотқа жүгінгелі отыр.

Депозитарий дерегінде "Қазақстан-Британ техникалық университеті" осыған дейін "Назарбаев білім қорына" тиесілі болғаны көрсетілген.

Қордың негізін қалаушы және құрылтайшысы – экс-президенттің екінші қызы Динара Құлыбаева.

"Біз келген сәтте оқу орнының жағдайы мәз емес-тін. Ғимаратқа ұзақ уақыт бойы жөндеу жүргізілмей, техникалық ахуалы сын көтермейтін күйге жеткен. Лифтілер істемей, шатырынан су кетіп, есік-терезелері ескіріп, іріп-шіріп тұрған еді. ҚБТУ-ға соңғы жеті жылда 18 млрд теңге инвестиция құйдық", - дейді қор өкілдері.

Құлыбаева "университетке салынған инвестиция ешқашан коммерциялық мақсатты көздемеді, біз бұған дейін де, қазір де дивиденд алмадық" деп, сотта өз позицияларының дұрыстығын дәлелдемек.

Бізге тіркелуді ұмытпаңыз👇

📱 Әшкере

⚡️ Жақсыбеков жеп отырған нанынан айырылды...

Астана әкімдігі қаладағы ақылы автотұрақтарды толықтай мемлекетке қайтарды.

Осы уақытқа дейін бұл бизнес Назарбаевтың тұсында АП-ны басқарған, "Нұр Отанның" бірінші орынбасары болған, Астана қаласының экс-әкімі Әділбек Жақсыбековтің иелігінде болып келді.

Жақсыбеков иелік еткен компания жүргізушілерден "парковкіге" ақша алғаны болмаса, ешқандай жауапкершілік арқалаған жоқ.

Депутат Нартай Аралбайдың айтуынша, компания көліктердің қауіпсіздігіне жауап бермеген, тіпті тұрақ аумағын тазалауға да, аз-кем абаттандыруға да бас қатырмаған.

"2021-2024 жылдары астаналықтар ақылы автотұрақтарға 726 миллион ақша төлесе, соның 617 миллионы жекеменшік компанияның қалтасына кеткен", - дейді мәжілісмен.

Жақсыбековтың компаниясын "ауадан ақша жасаудың" жарқын мысалы деуге әбден болады. Дәл осындай жағдай Алматыда да болған. Ол кезде Қайрат Боранбаевқа тиесілі A-Parking компаниясы мемлекет меншігіне қайтарылған еді.

Әдекең қазір Қазақстаннан тыс жерде екені айтылады. Қалай десек те, елорда әкімдігі халықтың қалтасынан ақша сору схемасын тоқтатты.

Жақсыбеков талай жыл бойы экс-президенттің сенімі серігі болды.

Назарбаевтың жиені Айсұлтан Әлиев өлерінің алдында: "Президент айналасында осындай адамдардың жүргені және олардың елді жаппай бақылауға алғысы келетіні жиіркенішті. Шексіз билігі бар мұндайлар елдің болашағына қауіпті" деп жазғаны есімізге түсіп отыр.

Бізге тіркелуді ұмытпаңыз👇

📱 Әшкере

⚡️ Трамптың жұмбақ репосты: Ақ үй басшысы Зеленскиймен татуласқысы келетін ыңғай танытты...

Жаңа ғана Truth Social-да жарияланған мәлімдемені тереңірек талдап қарасақ, 🇺🇸 Трамп өте айлакер әрі күрделі стратегиялық жоспарды меңзеп отыр.

Оның айтуынша, Зеленский қазір қиын жағдайда қалған: АҚШ-тың қолдауынан айырылған Украина ұзақ соғыста Ресеймен жалғыз қала алмайды. Демек, оған Трамп ұсынған шарттарға көнуге тура келеді.

Бірақ Трамп мұны Украинаны қорлау немесе әлсірету үшін емес, керісінше, АҚШ-ты соғысқа тартпай, Украинаны қорғаудың тиімді әдісі деп көрсетуде.

Трамптың жоспары былай: егер Украина жеріндегі сирек металдар кен орындарына АҚШ компаниялары инвестиция салып, кен өндіруді бастаса, Ресейдің Украинаға шабуылдауы тікелей америкалықтардың өміріне қауіп төндіреді. Бұл жағдайда АҚШ сөзсіз жауап беруге мәжбүр болады.

Яғни, Путин Украинаны шабуылдай алмай қалады, себебі оның салдары тым ауыр әрі халықаралық деңгейдегі үлкен қақтығысқа айналып кетуі ықтимал.

Шын мәнінде, бұл стратегия АҚШ үшін бір оқпен екі қоян атуға мүмкіндік береді.

Американың тікелей әскери қатысуынсыз-ақ Украинаның қауіпсіздігін қамтамасыз етеді және құнды кен орындарын иелену арқылы экономикалық пайда табады.

Осы тұрғыдан алғанда, Трамп өзін шебер шахматшы ретінде көрсетіп отыр. Зеленскийді мәжбүрлеп, Путинді тығырыққа тіреп, АҚШ-ты соғысқа араластырмай-ақ барлық тарапты өз мүддесіне сай ойнап отыр деуге болады.

Әрине, бұл жоспардың сәтті болатынына ешкім кепілдік бермейді. Бірақ бір нәрсе анық: Трамп бұл саяси шахмат партиясында бірнеше қадам алда келе жатыр. Зеленский үшін ендігі мәселе осы ұсынысқа көну немесе басқа жолмен ұлттық мүддені қорғау.

Ал Путиннің алдында ауыр таңдау тұр – не Украинаны жайына қалдырады, не АҚШ-пен үлкен соғыс қаупіне тап болады.

Айтқандай, бұл Трамптың өз сөзі емес, ол тек Truth Social әлеуметтік желісінде Майкл МакКьюнның жазбасын бөліскен екен. Дөкеңнің мұны өз парақшасында бөлісуі осы пікірмен толық келісетінін білдіреді деп болжаймыз.

Осындай пікірді көпшілік назарына ұсыну арқылы Ақ үй басшысы Украинаға қатысты өзінің саяси ұстанымын анық аңғартып отыр.

Бізге тіркелуді ұмытпаңыз👇

📱 Әшкере

⚡️ Тоқаевтың экс-кеңесшісі: Британия Украина ресурстарын астыртын иемденіп жатыр...

Тоқаевтың экс-уәзірі Олжас Құдайбергенов АҚШ пен Украина арасындағы соңғы шиеленістің астарында Британияның мүддесі жатуы мүмкін деп санайды.

Оның пікірінше, қазіргі саяси жағдайдың логикасы мынаған саяды:

Уашингтондағы сәтсіз кездесуден соң Зеленскийдің бірден Лондонға барып, британдықтармен 2,6 млрд фунт стерлинг көлеміндегі несие келісіміне қол қоюы бекер емес.

Шамасы, Зеленскийдің АҚШ-пен келіссөзі сәтсіз болатыны алдын ала белгілі болған.

Британия Зеленскийді әдейі осындай әрекетке итермелеп, Трамптың командасын тұзаққа түсірген сыңайлы. Бұған дейін британ оппозициясының көшбасшысы Кир Стармердің АҚШ-қа арнайы келіп, корольдің атынан «достық ниет» білдіріп кеткені де кездейсоқтық емес екені анықталып отыр.

Глобалистер Зеленскийге АҚШ-пен ешбір келісімге қол қоймау жөнінде нақты тапсырма берген. Ол бұл нұсқаулықты мүлтіксіз орындады.

Кейбір деректерге сүйенсек, британдықтар Украинадан несие келісімінен басқа, құпия шарттар арқылы жер қойнауындағы пайдалы қазбаларды өз бақылауына алған болуы ықтимал.

Бұған қоса Зеленскийге ішкі немесе сыртқы саяси ахуал күрт шиеленіскен жағдайда, Лондонда бас сауғалайтын кепілдік те берілген болуы мүмкін. Осы тұрғыдан алғанда, Зеленский Ақ үйде әдейі қақтығысқа барған секілді.

Уашингтондағы кездесудің медиадағы реакциясы да қызық. АҚШ-пен келіспей, ашық конфронтацияға барған Украинаның әрекеті "Әміриканың беделіне нұқсан келтірді" деген месседж әлемге тарады. Бір уақытта он шақты еуропалық мемлекет басшылары Twitter-де бірдей мәтінмен Украинаны қолдады.

Бұл да кездейсоқтық емес, Лондонның ақпараттық шабуылы болуы мүмкін.

Британия бөлген қаржы Ресейдің бұғатталған резервтерінен алынғандықтан, бұл мәміле Украинаның ұзақ мерзімді мүддесі тұрғысынан тиімсіз көрінеді. Яғни бұл – патриоттық ұранның астындағы экономикалық қақпан болуы ғажап емес.

Бұған қоса, Дания премьер-министрінің "қазір бейбітшіліктен гөрі соғыстың өзі тиімдірек" деп мәлімдеме жасауы жағдайдың жақын арада тіпті шиеленісіп кетуі мүмкін екенін меңзейді.

Қазір Еуропада шұғыл ұйымдастырылған қауіпсіздік саммитінде АҚШ-тан тәуелсіз еуропалық армия құру мәселесі қаралуда. Бұл НАТО-ның мәні мен мазмұнына қатысты күмәннің күшейгенін білдіреді. АҚШ-тың бұрынғы НАТО-дағы бас қолбасшысы Жейміс Стауридис те: «НАТО-ның соңғы күндеріне жақындап келеміз», – деген болжам айтты.

Осы оқиғалардың барлығы 🇺🇸АҚШ-ты НАТО-дан шығаруға итермелеуі мүмкін. Мұндай сценарийде Британия Трамптың бір қадам алдына шыққаны сөзсіз. Енді АҚШ-тың Ресеймен стратегиялық серіктестігі қалыптасып келеді, келесі қадам – Қытаймен серіктестік болмақ. Егер бұл рас болса, геосаяси ойын ережелері күрт өзгереді деген сөз.

Автордың пікірі мен арнаның ұстанымы үйлесе бермейтінін ескертеміз.

Бізге тіркелуді ұмытпаңыз👇

📱 Әшкере

⚡️Атақты блогер "налоговыйдың" назарына ілікті

Мем.кірістер комитеті Қазақстанда үй ұтысын ойнатып, миллиардтаған қаржы жинаған танымал блогердің салық төлемегенін мәлім етті.

Жеке тұлғалардың кірісін қадағалау басқармасының басшысы Дина Құсайынованың сөзінше, белгілі қазақстандық блогер әлеуметтік желі арқылы тұрғын үй ұтысын жариялап, қомақты қаражат тапқан.

Ұтысқа қатысу үшін әр адам 30 мың теңгеден төлем жасап, нәтижесінде 50 мың адамнан жалпы сомасы 1,5 млрд теңге жиналған.

«Бір блогер әлеуметтік желіде үй ұтысын жариялады. Ойынға қатысу жарнасы 30 мың теңге болып, оған 50 мыңға жуық адам ақша салған.

Қатысушылардан барлығы 1,5 миллиард теңге түсті. Жиналған қаржының 300 миллион теңгесіне блогер ұтысқа қойған үйді сатып алды, ал қалған 1,2 миллиард теңгенің есебін ешкімге берген жоқ.

Біз одан осы қаржының декларациясын талап етіп, хабарлама жібердік. Қазір жауап күтіп отырмыз», – деді Құсайынова.

Мемлекеттік кірістер комитетінің өкілі блогердің нақты аты-жөнін атамады. Дегенмен желі қолданушылары бұл оқиғаның өткен жылы ірі көлемде үй тігіп, желіде ұтыс ұйымдастырған Дархан Жолшыбековке қатысты екенін топшылауда.

Блогер бұған дейін әлемжелілерде сән-салтанатты өмір салтын жариялап, жұрт назарына жиі ілінген болатын.

Бізге тіркелуді ұмытпаңыз👇

📱 Әшкере

⚡️Мәжіліс депутаты: Зеленскийдің қай тұста қателескенін айтайын..

Ақ үйдегі Зеленский мен Трамп арасындағы келіспеушіліктен кейін саясаттағы реализм мен идеализмнің қақтығысын анық байқадық. Шындығында, бұл жағдайды трагедияға немесе жеңіске балауға болмайды.

Ол – АҚШ-тың прагматикалық саясатқа қайта оралғанының дәлелі ғана. 🗽 Уашингтонға қазір Украинадағы шиеленісті тереңдеткеннен гөрі, Қытайдың ықпалын шектеу маңыздырақ.

Демек, Украина мәселесі ендігі жерде америкалықтар үшін басты басымдық болудан қалды.

Осы тұста тарихи аналогия өздігінен туындайды: 70-жылдары Никсон мен Киссинджер Вьетнамдағы батпақтан абыройын сақтап шығып, Маоның Қытайымен мәмілеге келуге асыққан еді. Әмірика бүгін де осы сценарийді қайталап отыр. Трамп үшін Украина соғысынан бас тарту – сайлаушылар алдындағы уәдесін орындаудың амалы ғана.

Бұл жаңа ахуалды Зеленский мен оның командасы дер кезінде сезініп, саяси ұстанымын қайта қарауға тиіс еді.

Соңғы үш жыл бойы Зеленский Батыстың моральдық қолдауына сүйенді. Бірақ жағдай күрт өзгергенде, әсіресе Ақ үйдің иесі ауысқанда, бұл стратегияның ескіргенін мойындау қажет еді.

Қазір Вашингтонға қажеті – Украинаның табиғи ресурстарын игеру. Зеленский болса керісінше, ең алдымен қауіпсіздік кепілдігін талап етуде. НАТО-ға мүше болмаса да, Украинаға тұрақты әскери қолдау кепілдігі ауадай қажет.

АҚШ-тың қазіргі ұстанымы Кремльге тиімді болып шықты. Мәскеу әскери тұрғыдан артықшылықта тұрса да, дипломатиялық икемділік танытуда. Бірлескен жобаларды талқылауға әзір екендігін көрсетті. Осылайша, Ресей бұл тартыста ұпай жинап алды.

🇺🇸 Ақ үйдегі кездесу Украина президентінің саяси коммуникация тұрғысынан осалдығын да ашып берді. Медиа саласындағы әлсіздік пен тілдік бөгет Зеленскийдің саяси ұстанымын түсіндіруге мүмкіндік бермеді. Осының кесірінен, АҚШ қоғамында Украина басшысының талаптары жеткілікті дәрежеде қабылданбай қалды.

Бұл оқиға алдағы уақытта терең саяси өзгерістердің бастауы болуы әбден мүмкін. Әсіресе, АҚШ-тың қолдауынан айырылған жағдайда, Украина прагматикалық саясатқа тез бейімделуі тиіс. Осы сәттен бастап, Киев үшін идеализм емес, нағыз реализм кезеңі басталды деп сеніммен айтуға болады.

Никита Шаталов, Мәжіліс депутаты

Бізге тіркелуді ұмытпаңыз👇

📱 Әшкере

❕ BI Group, Bazis-A және 16 млрд: салық схемаларының сыры ашылды

Құрылыс гиганттары – BI Group пен Bazis-A компаниялары табысын төмендетіп көрсеткені үшін Мемкірістер комитетінің назарына іліккенін кеше жазғанбыз.

Қаржы министрлігі таратқан дерек бойынша, екі компания 2022-2023 жылдары жалпы сомасы 16,5 миллиард теңгеге табысын әдейі жасырып, арнайы салық режимдерін қолдану арқылы төлемдерін азайтып келген.

Министрлік мәліметінше, BI Group табысын 11,9 млрд теңгеге, ал Bazis-A компаниясы 4,6 млрд теңгеге кемітіп көрсеткен.

Қазір екі құрылыс компаниясына да табысын ерікті түрде қайта есептеп, салық бойынша берешегін толық өтеуге ұсыныс жасалды.

Бектенов үкіметі құрылыс саласындағы ірі ойыншылардың салықтық схемаларына шүйлігіп, бюджет алдындағы міндеттемелерін әділ орындауды талап етуде.

Бізге тіркелуді ұмытпаңыз👇

📱 Әшкере

⚡️ Зеленскийге екі-үш минөт шыдап кету керек еді...

Мен Зеленскийдің қатысуымен өткен баспасөз конференциясын толық көріп шықтым. Шын мәнінде, дау басталғанға дейін кездесу 40 минут бойы тыныш, қалыпты жағдайда өтті. Көпшілік тек соңғы он минуттағы шиеленісті көргендіктен, жағдайдың шынайы мәнін дұрыс түсінбей қалды.

Алғашында осы дау-дамайдың қысқа үзіндісін ғана көргенде, менің ойымда «Трамп пен Вэнс Зеленскийді әдейі арандатты, тіпті оны кемсіткісі келді» деген күдік пайда болды. Бірақ толық бейнежазба менің бұл пікірімді өзгертті.

Шын мәнінде, алғашқы 40 минутта әңгіменің ауаны өте салмақты әрі байыпты болған еді.

Вэнс Зеленскийге қатысты ешқандай шабуыл жасамады, тіпті оған қарата ештеңе айтқан жоқ. Дау-дамайды бастаған Зеленскийдің өзі болатын.

Осы уақыт аралығында Зеленский жасалғалы тұрған келісімнен асып түсетін талаптар қойып, үнемі келісілген шеңберден шығып отырды. Трампқа сұрақ қойылғанда, ол «Біз әлі көреміз» деп ұстамды жауап берді. Ал Зеленский болса, Путинмен ешқандай келіссөз болмайтынын, Ресей соғыс үшін өтемақы төлейтінін қатаң түрде мәлімдеді.

Трамп «екі жақтан да адамдардың қаза болып жатқаны – үлкен қасірет» деп пікір білдіргенде, Зеленский оны бірден бөліп, «орыстар – басқыншылар» деп эмоциямен сөзін қайта жалғастырды.

Өз тарапынан Трамп АҚШ-тың Украинаға қару-жарақ жеткізуді жалғастыратынын анық білдірген еді.

Зеленский тек бірнеше минут қана сабырлық сақтаса болғаны – келісім жасалып, Америка тарапынан жаңа міндеттемелерге қол жеткізер еді.

❗️Текетірес Трамптың «Путин жайлы осылай қатты сөйлейтін болсаңыз, бейбіт келісімге қол жеткізу қиын болады» деген ескертуінен басталды. Осы кезде вице-президент Вэнс те әңгімеге араласып, Байденнің де Путинді балағаттағанын, бірақ бұл еш нәтижеге әкелмегенін байыппен айтып берді.

Баспасөз конференциясының атмосферасы сол сәтке дейін тұрақты әрі салмақты еді. Бірақ Вэнс сөз алған кезде, Зеленский оны күтпеген жерден сұрақтың астына алып, әңгіме ауанын жеке текетіреске айналдырды. Ол Путиннің ешқашан келісімді сақтамайтынын қайталап, келіссөздің пайдасыздығын меңзеп, Вэнсқа агрессивті сұрақтар қоя бастады. Осыдан кейін бәріміз куә болған даулы эпизод орын алды.

Зеленский бірнеше минут ішінде жетістікке жетіп, 🇺🇸 Трамп әкімшілігінен маңызды келісім алып шығудың алдында тұрған болатын. Вэнстың ескертуі негізінен Байден мен БАҚ-қа бағытталған еді, бірақ Зеленский мұны өзіне қабылдап, дауды ушықтырып жіберді.

Мен осы уақытқа дейін Зеленскийді жақтаушылардың бірі болдым, бірақ бұл эпизод оның кәсіби біліксіздігін, тіпті эмоциялық тұрақсыздығын ашық көрсетті. АҚШ әкімшілігімен арадағы қарым-қатынасы енді түзеле қоятынына күмәнім бар. Украинаға жаңа басшылық туралы ойланатын уақыт келген сияқты.

Автор: Уәлихан Абай

Бізге тіркелуді ұмытпаңыз👇

📱 Әшкере