жауһара

Бес күн демалыста қосымшалар болады ғой деп ешқайда баруды алдын-ала жоспарламап едім, бірақ болмайтынын демалысқа бірер күн бұрын ғана білдік. Сүйтіп бес күніміз жатақханада өтті. Өкінуден пайда жоқ, десек те билеттер арзан болса Оралға барып келуші едім, бәлкім. Неге сонша қымбат екеніне әрқашан таңқалам, ана ақшаның үстіне тағы құттай қоссаң машина алуға болады. Пойызбен баруды ұсынбай-ақ қойыңдар, өйтетін болсам, пойыздан түспей үйдегілермен амандасып қайтадан сол пойызбен Алматыға келу керек боламын. Жылдам пойыз дегеніңнің өзі почти екі күн. Оның бағасы да ұшақтың аржақ-бержағы. Сондықтан Алматыда жүрген батыстық студенттердің көзі неге мөлдіреп жүреді демеңдер.

Көктем ғана болатын жерге қашып кетейікші.

Неге екенін білмеймін, Түркияға деген махаббатым бөлек. Не түріктің сериалдарын өліп көрмедім, не тағамдарының да фанаты емеспін. Бірақ сол жақтан бір жел есіп тұрады. Іштегі шығыс эстетикасына мас тұлға Түркияның ескі қалаларындағы көшелермен жүргісі келеді.

mood: Нұрсұлтан ұстаздың Сира кітабын асыға күту…🫠

Қыз баласын әкесі, бауырлары, күйеуі қызғанбастан бұрын, қыздың өзі өзгелерден өзін қызғану керек. Өзін көзге, сөзге қимау керек, сұлу келбеті мен болмысын өзгеден тығуға асығу керек. «Ол сұлулық көрсетпесе не керек» деген азғын ойдан арылып, жағадағы кім көрінген таптайтын болмашы тас емес, теңіздің ең түбіндегі асыл тастардан болуы тиіс. Сонысымен ғана қыз құнды.

Неше рамазан кетті Құрансыз…?

(с) Нұрсұлтан Рысмағанбет

Жақсылықта жарысайық:)🌸
Ілім жолында жүрген бауырымыздың қажеттерін өтеуге бірге атсалысуға шақырамын.
[бұндай нәрсе сала бермеймін, бірақ бұл маңызды]

+7 775 707 2996
Манат У.

бұл сізге садақа беруді еске түсіріп, амал етуіңізге әсер етсе қуаныштымын, қабыл болсын.

көктем:
ораза
қызғалдақ
әдебиет
театр
күн
☀️🌷🎭📚🍳

-күт, тез келем дейтініңе сенетіндей, Рамазан ба едің?)

ішіме сыймаған соң жаздым, кетіріп тастауым бек мүмкін

Дінтану дейтін сабақ, оқып отырсаң ең жаманы біз сияқтымыз. Бәрі күшті, бәрі адамгершілікті, бәрі махаббатты, бәрі тазалықты, ішкі сезімдер мен қоршаған ортаның арасындағы балансты, гармонияны насихаттайды. Буддизмде де, конфуцианизмде де адамдардың басты мақсаты сол, адам болып қалу. Ешкімге зиянын тигізбеу.
Ұстаз айтады, егер мен осы топтардың қатарында болып, сырт көзбен мұсылмандарға қарайтын болсам не ала аламын. Қай жеріне қызыға аламын дейді?
Өзіміздің арамызда бөлініп, бір-бірімізге тәкаппарлық көрсетіп, дөрекіліктің потологын қойып жүрміз. Тіпті біздің дінімізде тазалықты иманның жартысы деген, үштен бірі емес, бақандай жартысы. Бірақ ол көрінбейді. Жапония ең таза мемлекет болса, ондағы ең лас әжетхана мұсылмандардікі дейді. Европаға барып келген барлық адамның айтатыны ол жақта мұсылмандар жоқ, бірақ ислам бар. Ал Ислам мемлекеттерінде ислам жоқ, бірақ мұсылмандар бар. Шындық осы-,дейді ұстаз.

Менің сөзім елеусіз қалды. Мен, менің ғана тереземнен көрінетін көрініске қарап бүкіл әлемге баға бере алмаймын. Кітаптан оқысақ Исламда сондай, ең таза дін, ең мықты дін, тіпті дін емес, түгел бір өмір сүрудің идеалды жолы. Оларда бізді кітаптан оқыса ең жаманы біз деп ойлайтындай дәрежедеміз. Бізде олардың өз іштерінде не болып жатқанын білмей, бір ғана ракурстан қараған көрінісімізге иман етіп кете бермейтін шығармыз. Европаң туралы үндемейін, нашақорлардың зомбиға ұқсап, не өзгеге не өзіне пайда бере алмайтын күйге еніп, көшеде қатып қалған видеоларын талай көрдік. Дегенмен мен түгел Европа ондай деуге құқылы емеспін. Әлемдегі ең қорқынышты қылмыстарда, ұрлықтарда, адамның табиғатының бұзылуы да сонда орын алып жатыр. Азғындықты қолмен санасақ саусағымыз миллионнан біріне де татымайды. Мұсылмандарда солай, негізі иә, Құран мен сүннетте қалай тұр, сондай өмір сүруіміз керек еді, бірақ басқа Ислам мемлекеттерімен мына біз, дәл осы Қазақстанды олармен салыстыруға да келмейді, біздің дінге бет бұрып, намазды танығанымыз кеше ғана. Жан-жақтан қосылған мәдениет. Намазды ұғынбас бұрын алған тәрбиесі. Оның бәрі діннен бұрын отбасыдан, тарихтан бастау алмай ма? Бірақ бізді тәрбиелеген буын ондай кемелдікке өздері де жетпеді, орыстың, басқаның буымен өсті. Идеалды мінез, идеалды нәтиже шығаратын ұрпақ әлі келмеді. Олар алда…
Ал құндылығы мен мәдениетіне ешкімнің ықпалы енбеген қоғам мен бізді салыстыру мүлде қисынсыз.

Имам Ғазали رحمه الله айтқандай, адамның ең үлкен қателіктерінің бірі – өз қателігін дұрыс іс деп есептеп, оны мойындамауы. Сол себепті ол тәубеге келудің қажеттілігін сезбейді. Сондықтан шайтан ондай адамдармен дәл бала доппен ойнағандай ойнайды.

тағдыр-ақ парақ,
істеріміз-сия.