NU-да Deeptech Бәйге өтті: стартаптар инвестиция үшінталасты

Nazarbayev University-де (NU) 15 наурызда ҚР Вице-премьері Ермек Көшербаевтың қатысуымен Deeptech Бәйге конкурсының финалдық питчингі өтті. Deeptech Бәйге – инкубация, акселерация, Jas Venture, Go Abroad және басқалары сияқты NU стартаптарын қолдау бағдарламаларының барлық түлегінің жобаларын біріктіретін алғашқы ірі жергілікті іс-шара. Байқаудың жалпы жүлде қоры 35 млн теңге болды.

Финалда 10 стартап өз жобаларын таныстырды, олармедицинадағы жасанды интеллекттен бастап, ауылшаруашылығындағы озық мониторинг жүйелеріне дейінәртүрлі салаларда инновациялық шешімдер ұсынды. Әр жоба үш минуттық питчингтен өтіп, одан кейін стартаптың негізін қалауышылар қазылар алқасының сұрақтарына жауап берді. Сарапшыларды жобалардың ерекшелігі, нарықтық әлеуеті, әрі қарайғы жоспарлары жәнетаныстырылған технологияларды практикалық қолдану мәселелері қызықтырды.