Бізде кейбір адамдар өзіне қатысы жоқ, білсе пайдасы, білмесе зияны жоқ сұрақтармен басын қатырып жүр. Өзіме қойылған сондай сұрақтардың екеуін айтып өтейін.

Біріншісі "адамға жын кіре ма кірмей ма?", екіншісі "әйел адаммен еркек жын қосылса жүкті бола ма?" деген сұрақ.

Бұл сұрақтардың жауабын жай білгісі келсе мейлі, "екі күннен бері осы сұрақтарды ойлап басым қатып кетті" дейді.

Бұның жауабын білгенде не пайда? Білмесең не зиян?

Жын, сиқыр мәселесінде маңыздысы солардан қалай сақтану, бар болса белгісін анықтау және қорғану жолдары. Болды, осы ғана. Қалғаны бас қатыратын нәрсе емес.

Адам білім алуда маңыздылығына сай реттілік қойып үйрену керек.

Алдымен ақида, фиқһ іліміндеріндегі парыз айндарды білу керек. Сосын уәжіптері, сосын сүндеттері дегендей.

Ең керек нәрселерде білім ақсап тұрып, жын жайлы, тылсым әлем жайлы, уахабилермен тартысты мәселелер жайлы іздену ақымақтықтың, ғафілетте жүргендіктің белгісі.