ТИЛМЕЧ

🔴 ЧЫНЫГЫ ОРОЗО 6 НЕРСЕНИ АТКАРУУ МЕНЕН БОЛОТ

Имам Газали ﴾ رحمہ الله تعالــﮯ ﴿ айтты:
 
«Өзгөчө адамдардын орозосу – бул салих адамдардын орозосу. Ал дене-мүчөлөрдү күнөөлөрдөн тыюу менен ишке ашат жана ал алты нерсени аткаруу менен толук болот:
 
✦ КӨЗДҮ арамдан сактоо, аны жаман нерселерди кароодон, жүрөктү алек кылган жана Аллахты зикир кылуудан алаксыткан бардык нерселерден тыюу.

✦ ТИЛДИ пайдасыз сөздөрдөн, жалгандан, ушактан, чагымчылыктан, душмандыктан, талашып тартышуудан тыюу жана аны унчукпай жүрүүгө, Аллахты зикир кылууга жана Куран окууга көндүрүү.
 
✦ КУЛАКТЫ бардык жаман сөздөрдөн сактоо. Кайсы бир сөздү айтуу арам болсо, анда ага кулак салуу да арам болот. 

✦ КОЛ, БУТ сыяктуу денинин башка мүчөлөрүн жаман иштерден сактоо. 

✦ Ооз ачар маалда КУРСАКТЫ нык тойгузуудан сак болуу. Белгилүү болгондой орозонун максаты – адамдын жанын такыбалык менен кубаттоо үчүн курсакты бош кылуу жана напсини сындыруу болуп эсептелет. 

✦ Ооз ачкандан кийин ЖҮРӨК түпкүрүндө «орозом кабыл болуп, Аллахка жакын адамдардан болдумбу же орозом кабыл болбой, каарга калгандардан болдумбу?» деген коркунуч менен үмүттүн бар болуусу.  📖 "Ихья улуум ад-Диин", 1/21

ТИЛМЕЧ | Эрланбек Кушчубек уулу
 
═════════
➤➤ https://t.me/tilmech
➤➤ https://t.me/tilmech
 
💌 Маалыматты башкалар менен бөлүшүңүз

🔴 ПАЙГАМБАРЫБЫЗ ООЗДУ УШУНДАЙ КЫЛЫП АЧКАН

Эгерде оозду сүннөткө ылайык ачам десеңиз, анда төмөндө айтылган тартипте кылыңыз:

● Ооз ачарга бир аз убакыт калганда отурасыз же турган абалда эле алакан жайып кыргызча эле дуба кылып баштайсыз. Кээ бирлер эмне деп дуба кылам дейт, дуба кылгандан оңой нерсе жок. Кудайдан каалаган нерсени сурай бересиз, мисалы, ырыскы бер, ыйман бер, ийгилик бер, ден-соолук бер, үй-бүлөмө ынтымак, бакыт бер, менин жана жакындарымдын, ошондой эле өтүп кеткен туугандарымдын күнөөлөрүн кечир ж.б.у.с. Дубада жакшы нерселерди суроо керек. Ал эми сураган жактан алганда эч кандай чектөө жок, оюңузга эмне келсе ойлонбостон эле четинен сурай бересиз. Анткени Аллах орозо кармаган адамдын ооз ачар алдында кылган дубасын эртеби-кечпи сөзсүз кабыл кылат, иншаАллах. 
 
● Ооз ачар убактысы киргенде же «Аллаху акбар…» деп азан айтылып баштаганда «бисмиллах» деп курма менен ооз ачасыз, курма жок болсо суу менен ачасыз, суу да жок болсо, анда жеп-иче турган эмне бар болсо, ошону менен ача бересиз. (Эсиңизде болсун, мусулман адам тамак-ашты оң колу менен гана жеп-ичүүсү керек).

● Андан кийин ооз ачарда айтылган «Захабаз-зомаау…» же «Аллахумма лакя сумту…» деп башталган дубалардын кайсынысын билсеңиз, ошонусун айтасыз. Негизи ооз ачардагы дубаны ооз ачкандан кийин айткан жакшы, ага чейин айтса эч нерсе болбойт. Сүннөткө ылайык келгени – ооз ачкандан кийин айтылганы.

● Андан соң эч нерсе жебестен же дасторконго жаялып олтуруп калбастан, барып шам намазын окуу керек. Пайгамбарыбыз ﷺ курма же суу менен ооз ачкандан кийин тамактанбастан, туруп шам намазын окуган. Себеби күндүзү кечкери ачка жүрүп, анан бир отуруп нык тоюу ашказанга жана ден-соолукка зыян. Адам ооз ачарда ичкен аз өлчөмдөгү суу же курма шам намазын окуп бүткөнгө чейин ашказанды даярдайт, ошол арада тамакты сиңирүүчү заттар бөлүнүп чыгат. Кээ бир адамдар бар, ооз ачарга чейин саатты эле тиктеп стартта турушат, убактысы келери менен шашып-бушуп, дем албастан жеп баштайт. Мындай кылуу туура эмес! Биз орозону ачка болуш үчүн тутпайбыз, өзүбүздү тазалаш үчүн, тарбиялаш үчүн тутабыз. Эгерде биз ооз ачууну сүннөткө ылайык кылсак, биринчи жагынан сооп да алабыз, экинчи жагынан ден-соолугубуз да чың болот. Анан ооз ачарда ашыкча тоюу да жакшы эмес. Шашылбастан чеги менен жеш керек. 

● Шам окуп бүткөндөн кийин дасторконго олтуруп «бисмиллах» деп шашпай тамактана бересиз. Сүннөткө ылайык ооз ачуу мына ушундай абалда болот. Пайгамбарыбыз ﷺ ушундай абалда ооз ачкан.
 
Аллах таала баарыбыздын кармаган орозобузду жана ойлогон ой-тилектерибизди кабыл кылсын! Аамиин!

ТИЛМЕЧ | Эрланбек Кушчубек уулу
 
═════════
➤➤ https://t.me/tilmech
➤➤ https://t.me/tilmech
 
💌 Маалыматты башкалар менен бөлүшүңүз

🟢 БУЛ НЕРСЕЛЕР ОРОЗОНУ БУЗБАЙТ

1. Билбестен жеп-ичүү (эгер жеп же ичип жатканда орозо экенин эстесе, анда жеп-ичкенин дароо токтотуп, орозосун уланта берет). 

2. Кулакка дары тамчылатуу, сууга түшкөндө же жуунганда кулакка суунун кирүүсү. 

3. Көзгө дары тамызуу же линза тагуу.
 
4. Косметикалык заттарды колдонуу, макияж кылуу (крем, духи, дезодорант ж.б.) 

5. Жубайлардын бири-бирин өбүүсү же кучактоосу. Ошондой эле жаш баланы өбүү же кучактоо.

6. Жыныстык мүчөдөн суюктуктун (маний, сперма) ыктыярсыз чыгуусу, түшүркөө, жунуп болуу же орозо экенин билбестен аялы менен жыныстык мамиле кылуусу.

7. Мисвак же тиш пастасын колдонуу, эгер жутуп алуу коркунучу болбосо. 

8. Кан анализин тапшыруу, хижама кылдыруу ж.б. жолдор менен кан алдыруу.

9. Гусулу жок болгон абалда ооз жабуу.

10. Укол алуу (инъекция), кан куюу, гемодиализ аппараты менен кан тазалатуу же дары тамчылаткыч (капельница) аркылуу дары алуу.

11. Тиш дарылатуу же жулдуруу, эгер дары, суу, кан жутуп алуу коркунучу болбосо.

12. Хирургиялык же лапароскопиялык операцияларды жасатуу.

13. Кокустан же атайын кусуу, эгер ооз толо куспаган болсо. Ооз толо кусса ооз ачылат.

14. Кусундуну кокустан жутуп алуу же тамакка кетип калуусу.

15. Мурун жана ооз көңдөйү аркылуу чаң же түтүн жутуу.

16. Ооздогу шилекейди, тамактагы какырыкты, мурундагы чимкирикти жутуу.

17. Ваннага түшүү же жуунуу, бирок мурун же ооз аркылуу суу жутуудан сак болуу.

18. Гинекологго текшерилүү жана жыныстык кынга же көтөн чучукка (ануска) дары салуу (тампон, свеча ж.б.) 

19. Кислород түтүкчөсү аркылуу жасалма дем алдыруу.

20. Тамак жасаган адам жутпастан тамактын тузун көрүүсү, андан соң оозун таза чайкоосу керек.

21. Мурун канаса же дененин бир жери кесилип же тытылып кан чыкса.

22. Ымыркайга жутпастан тамак чайнап берүү.

═════════

📌 ОРОЗОНУ БУЗГАН НЕРСЕЛЕРДИ ТӨМӨНКҮ БАРАКЧАДАН ОКУҢУЗ:

➤➤ https://t.me/tilmech
➤➤ https://t.me/tilmech
 
💌 Маалыматты башкалар менен бөлүшүңүз