Жоғарғы Сот Төрағасы А.Мерғалиевтің Тәуелсіздік күнімен құттықтауы

Құрметті оқырмандар!

Сіздерді Қазақстан РеспубликасыныңТәуелсіздік күнімен құттықтаймын!

Тәуелсіздік жылдарында дербес даму жолын бастаған Қазақстан экономикадағы, әлеуметтік және қоғамдық-саяси өмірдегі елеулі реформаларда толағай табыстарға қол жеткізді.

Еліміздің халықаралық сахнадағы беделі нығайды.

Қазақстан Республикасының Президенті Қасым-Жомарт Тоқаев заң үстемдігін қамтамасыз ету жолында берік бағыт ұстана отырып, азаматтардың құқықтарын тиімді қорғау үшін сот жүйесінің мызғымас құндылықтарын жариялады.

Біз бүкіл әлемдік қоғамдастық сияқты құқықтық мемлекетті қалыптастырудың кепілі ретінде соттардың тәуелсіздігін одан әрі нығайтуға, инновациялық технологияларды жан-жақты дамытуға ұмтыламыз.

Моральдік және кәсіби ұстанымдары жоғары судьялар корпусы сот төрелігін сапалы жүзеге асыруға және сотқа деген сенімді арттыруға бар күш-жігерін салатынына сенімдімін.

Баршаңызға бақ-береке, бейбітшілік пен келісім тілеймін!

Егеменді еліміз – Қазақстан Республикасы өсіп-өркендеп, одан әрі дами берсін!