Ер адамға берілген ең үлкен нығметтердің бірі – өмірінің ұзақ бөлігін бірге өткізетін, бала-шағасын тәрбиелейтін, абыройын, ар-намысын қорғап, қайғы-мұңын сейілтетін жардың кездесуі.

Бұған қатысты сүйікті пайғамбарымыз: «Мұсылман адам, Аллаға иман келтірген соң, салиқалы әйелден артық еш нәрсе иеленген емес! Егер оған әлдебір нәрсе бұйырса, мойынсұнады, оған қарағанда көзіңді қуантады және күйеуі жоқ кезде өзін және күйеуінің мал-мүлкін қорғайды» - деп Алланың разылығына кенелетін салихалы әйелді бізге баяндап берген.