TILSHI NEWS

📌1 ақпаннан бастап автогаз бағасы көтеріледі

Энергетика министрінің бұйрығымен автогаздың бөлшек саудадағы шекті бағалары бекітілді.

Жаңа баға (литрі үшін):

🔗Астана – 102 теңге (қазір 82 теңге)

🔗Алматы – 102 теңге (қазір 89 теңге)

🔗Шымкент қаласы, Түркістан облысы – 90 теңге (қазір 70 теңге)

🔗Ақтөбе, Атырау облыстары – 77 теңге (қазір 59 теңге)

🔗Ақмола, Шығыс Қазақстан, Қостанай, Қарағанды, Жетісу, Ұлытау, Абай облыстары – 102 теңге (қазір 84 теңге)

🔗Алматы облысы – 102 теңге (қазір 89 теңге)

🔗Жамбыл облысы – 90 теңге (қазір 78 теңге)

🔗Батыс Қазақстан облысы – 77 теңге (қазір 70 теңге)

🔗Қызылорда облысы – 90 теңге (қазір 70 теңге)

🔗Маңғыстау облысы – 65 теңге (қазір 59 теңге)

🔗Павлодар облысы – 102 теңге (қазір 81 теңге)

🔗Солтүстік Қазақстан облысы – 102 теңге (қазір 89 теңге)

дереккөз: atamekenbusiness

2025 жылғы реформалар мен жаңа өзгерістер: Көлік министрлігі

Авиациялық жобалар

📌 Қазақстанда авиация саласындағы маңызды инфрақұрылымдық жобаларды жүзеге асыру басталды. Мемлекет басшысының тапсырмасына сәйкес, 2025 жылы Қатонқарағай, Зайсан және Кендірлі курорттық аймақтарында жаңа әуежайлар салынады. Қазіргі таңда бұл нысандардың жер учаскелерін рәсімдеу және жобалау жұмыстары жүргізіліп жатыр.

Автомобиль жолдары

🚘 2030 жылға дейін елімізде көлік инфрақұрылымын жақсарту бойынша ауқымды жоба жүзеге асырылады. Жаңа автожолдардың жалпы ұзындығы 4,7 мың шақырым, оның 3,7 мың шақырымы – І санаттағы жолдар.

2025 жылы келесі ауқымды жобалар жүзеге асырылады:

Қызылорда – Жезқазған (208 км)
Ақтөбе – Ұлғайсын (234 км)
Қарағанды – Жезқазған (572 км)
Сарыағаш қаласы айналма жолы (102 км)
Қызылорда қаласы айналма жолы (20 км)
Қызылорда – Сексеуіл (470 км)
Атырау – Доссор (86 км)
Рудный қаласы айналма жолы (16,9 км)
Жаңаөзен – Кендірлі (156 км)
Петропавл қаласы айналма жолы (8 км)
Түркістан қаласы айналма жолы (29,6 км)
Астана – Қостанай – РФ-мен шекара (830 км)
Шымкент қаласы айналма жолы (48 км)
Атырау – Орал (орташа жөндеу, 516 км)
Атырау – Шапай (136 км)
Алматы – Талғар – Бәйдібек би (68 км)
Алматы – Үшқоңыр (48 км)
Бейнеу – Сексеуіл (736 км)
Жайық өзені арқылы өтетін көпір (6,5 км)

🔷  Бұл жобаларды іске асыруға жалпы көлемі 9 трлн-нан астам теңге инвестиция көзделген. Қазір инвесторлар тарту жұмыстары белсенді жүргізіліп жатыр.

Темір жол және су көлігі

🚞 Темір жол көлігі саласында да бірқатар ауқымды модернизация жоспарланған. 2025 жылы 225 жаңа вагон сатып алынады.

✔️ «Достық – Мойынты» жобасы бойынша темір жол құрылысы аяқталады, бұл өткізу қабілетін 5 есеге арттырып, тәулігіне 12-60 пойыз жұбының үздіксіз қозғалысын қамтамасыз етеді. Сонымен қатар «Алматы айналма жолы» жобасы жүзеге асырылады.

Сондай-ақ «Достық – Бескөл» және «Мойынты – Балқаш» учаскелерінде қозғалыс ашу жоспарланған. Бұл шешім көрсетілген учаскелердегі пойыз қозғалысын жақсартуға және жүк тасымалы мәселелерін шешуге көмектеседі.

Теңіз көлігі және Ақтау порты

🚤 Теңіз көлігін дамыту мақсатында Ақтау портында контейнерлік хаб салу жұмыстары басталды, бұл порттың өткізу қабілетін жылына 240 мың ЖФЭ-ге дейін арттырады. Бұл Қазақстанның халықаралық логистикадағы орнын нығайтып, Әзербайжан, Грузия және Түркия арқылы өтетін Транскаспий бағытындағы контейнерлер тасымалы көлемін ұлғайтуға, сондай-ақ Қытайдан Еуропаға жеткізілетін транзиттік жүктердің бір бөлігін қайта бағыттауға мүмкіндік береді.

✔️ Сонымен қатар портта тереңдету жұмыстарын жүргізу жоспарланған. Бұл оның терминалдық қуаты мен контейнерлерді тасымалдаудың тиімділігін арттырады.

⚡️ Ақтөбеде жол белгілеріне бөлінген 272 млн теңге жымқырылған

🌐 Ақтөбе жол қауіпсіздігін қамтамасыз ету және цифрлық технологиялар орталығының директоры бюджет қаражатын жымқырды деген күдікке ілінді, деп хабарлайды Tilshinews.kz қадағалау органына сілтеме жасап.

Орталық директоры қызметін пайдаланып мемлекеттік сатып алу шарттары негізінде 272 млн теңгеге жол белгілерін салу бойынша іс жүзінде орындалмаған жұмыстардың актілерін қабылдаған.

Оның әрекеті ҚК-тің 189-бабы 4-бөлігі 2) тармағы бойынша сараланып (Сенiп тапсырылған бөтен мүлiктi иемденiп алу немесе талан-таражға салу), оған қатысты күзетпен ұстау бұлтартпау шарасы қолданылды.

Қазіргі таңда қылмыстық іс Ақтөбе қаласының №2 сотына мәні бойынша қарау үшін жолданды.

—-▶️—-

Tilshi Podcast YouTube-арнасына тіркелуді ұмытпаңыз!

⚠️ Жәбірленуші 17 млн теңге несие рәсімдеп, алаяқтарға аударған

❗️ Мұндай қылмыстар туралы көптеген ескертулерге қарамастан, азаматтар алаяқтардың құрбаны болуды жалғастыруда.

Бұл алаяқтық схемасында қылмыскерлер өздерін белгілі ұйымдардың (бұл жағдайда "Халық банкі" және "Ұлттық банк") қызметкерлері ретінде көрсете отырып, жәбірленушіні оның жеке деректері несиелер рәсімдеу үшін пайдаланылғанына сендірген және оны тоқтату үшін шұғыл түрде "қауіпсіз" шотқа ақша аударуы керек екендігін айтқан.

🌐 Ер адамның алданып жатқанын түсінбеуі үшін алаяқтар қорқыту мен асықтыру элементтерін қолданып, оған төрт банктен 17 миллион теңге несие рәсімдеткен.

Жәбірленуші өз атына алған несиелерін қылмыскерлердің шоттарына аударған.

Ақтөбе облысы Полиция департаменті ақша аударуды немесе құпия ақпарат беруді талап ететін қоңыраулар немесе хабарламалар алған кезде әрдайым сақ болу қажет екенін еске салады.

Мұндай алаяқтық құрбандары шоттарды бұғаттау және залалды азайту бойынша шаралар қабылдау үшін құқық қорғау органдарына және банктерге дереу хабарласуы керек.

------ 👀 -------

PR Arba Media - жарнама нарығындағы сенімді серігің!
Тел.: +7 778 523 44 96

👀 Қазақстанда метапневмовирус штамы анықталды

Денсаулық сақтау министрлігі метапневмовирустың таралуына қатысты түсініктеме берді.

Ведомствоның мәлімдеуінше, адам метапневмовирусы көптеген елде ұзақ жыл таралған классикалық вирустың бірі. Оның штамы Қазақстанда тұмау өршіген кезде инфекцияның басқа түрімен қатар анықталды. Оны жұқтырғандар саны - 1,6% ғана.

Эпидемиялық маусымның басында елімізде тұмауға жатпайтын вирустардың 8 360 үлгісі зерттелген.

1,8 мың үлгіде вирус табылған. Оның ішінде 9,5%-ы паратұмау, 23,2%-ы РС вирусы, 36,4%-ы риновирус, 6,1%-ы бокавирус, 12,1%-ы аденовирус, 11,1%-ы коронавирус.

✋ Метапневмовирус ауа тамшысы арқылы және аз жағдайда тұрмыстық байланыс арқылы жұғады. Инфекцияның негізгі белгісі - жөтел, мұрыннан су ағу, ентігу, тырысу, бас ауруы. Нақты емі жоқ, симптоматикалық емдеу қолданылады.


дереккөз: qazaqstantv

------ 👀 -------

PR Arba Media - жарнама нарығындағы сенімді серігің!
Тел.: +7 778 523 44 96

☄️ Honda мен Nissan бірігуі мүмкін

👀 Жапондық автокөлік өндірушілері Honda мен Nissan бірігу туралы келіссөздерді бастағанын жариялады.

Бұл қадам олардың Tesla және Қытайдың электр көлік өндірушілерімен бәсекелесу қабілетін арттыруға бағытталған. Егер бірігу жүзеге асса, бұл әлемдегі үшінші ірі автокөлік компаниясын құруы мүмкін, деп хабарлайды businessinsider.com.

Алайда, Nissan-ның бұрынғы бас директоры Карлос Гон бұл жоспарды «үмітсіз қадам» деп атады. Оның айтуынша, екі компанияның арасында айтарлықтай синергия жоқ, және бұл бірігу стратегиялық тұрғыдан негізсіз.

Бұл жаңалықтар жарияланғаннан кейін, Honda акциялары 17%-ға дейін өсіп, сауда күнін 12% жоғары көрсеткішпен аяқтады.

Сонымен қатар, Honda 2025 жылдың желтоқсанына дейін 1,1 триллион иенге дейінгі өз акцияларын кері сатып алу жоспарын мәлімдеді.

Nissan соңғы уақытта пайдасының төмендеуі мен сатылымдарының азаюына байланысты қиындықтарға тап болды. Компания шығындарды азайту мақсатында 9 000 жұмыс орнын қысқартуды жоспарлап отыр.

Егер бірігу жүзеге асса, бұл жапондық автомобиль өнеркәсібіндегі ең ірі ішкі бірігу болмақ.

Дегенмен, сарапшылар бұл қадамның тиімділігіне күмәнмен қарайды, себебі екі компанияның нарықтары мен өнімдері ұқсас, ал синергия мүмкіндіктері шектеулі болуы мүмкін.

2025-те де Сіздермен бірге боламыз деп сенеміз! Жаңа жылда жақсылықта қауышуға жазсын!

💸 Qazaq Air вьетнамдық компанияға сатылды

ℹ️ Central Asia Aviation Holdings Limited (Вьетнам) инвесторлар консорциумымен келісімге қол қойылды.

Мәміле шарттарына сәйкес, әуе компаниясының жаңа иесі алдағы бірнеше жылда 20 Boeing 737 Max 8 немесе Airbus A321 ұшағын сатып алуы керек.

"Транзакция Qazaq Air активтерінің құнын айтарлықтай арттырады және оның Орталық Азиядағы жетекші әуе компаниясы ретіндегі позициясын нығайтады деп сенеміз", - дейді "Самұрық-Қазына" АҚ.

Бұған дейін, Qazaq Air-дың шетелдік компанияға сатылатыны бірнеше рет айтылған еді. 2023 жылы қазақстандық әуе тасымалдаушысының құны 10,2 миллиард теңгеге бағаланған.

дереккөз: 24.kz

☄️ Қазақстанда "Google салығы" бернеше есе артық төленген

2022 жылы Қазақстанда "Google салығы" деп аталатын цифрлық қызмет салығы енгізілді. Бұл салық қазақстандық тұтынушыларға цифрлық қызмет көрсететін халықаралық компанияларға әділ салық салуға бағытталған.

Салықтың идеясы Қазақстан Республикасының резиденттеріне тауарларын немесе қызметтерін онлайн сататын шетелдік (шетелде тіркелген) компаниялар айналымы үшін 12% ҚҚС төлейді. Төлемдер қазақстандық карталармен сатып алу үшін төлейтін немесе тіркеу үшін қазақстандық нөмірді пайдаланатын жеке тұлғаларға сату негізінде есептеледі.

Салық енгізілгеннен бері Қазақстан бюджетіне қомақты кірістер түсіп, жыл санап өсу жалғасуда, бұл ҚР Қаржы министрлігінің мәліметтері бойынша.

Салық түсімдерінің статистикасы

Салықтың бірінші жылы – 2022 жылы Қазақстан бюджетіне 10,4 млрд теңге түсті. 2023 жылы салық түсімдерінің көлемі 24,3 млрд теңгеге дейін өсті. 2024 жылы қазірдің өзінде 23,3 млрд теңгенің кірісі қамтамасыз етілді. Бұл көрсеткіштер әлі де өсе береді, деп сендіреді Қаржы министрлігі.

Google-ге салық енгізілгеннен бері барлығы 58,1 млрд теңге қарастырылған.

Ең ірі салық төлеушілер

Салық салынатын халықаралық компаниялардың арасында сандық технологиялар мен медиа саласындағы әлемдік көшбасшылар бар. Бүгінгі таңда 80-нен астам халықаралық компаниялар тіркелген, мысалы:
Google: Google Play арқылы жарнамалық қызметтерді көрсету, қолданбаларды және медиа контентті сату үшін салық алынады
Apple: компания iTunes және App Store арқылы мазмұнды сатуға, сондай-ақ Apple Music және iCloud қызметтеріне жазылуларға салық төлейді.
Netflix: салық бейне ағынды қызметтеріне қолданылады
Amazon: Amazon Web Services (AWS) платформасы арқылы сандық тауарлар мен бұлттық қызметтерді сату салық салуға жатады.
Биыл Қазақстан Республикасында төлеушілер тізіміне тағы 21 компания қосылды. Бұл Temu, Garmin, IVI сияқты халықаралық алыптар.

Бұған дейін 2024 жылдың қорытындысы бойынша Қазақстан экономикасындағы ШОБ үлесі 38,2 пайызды құрағанын хабарлаған болатынбыз.

дереккөз: zakon.kz

🔼 Kaspi.kz 48 елде Alipay+ арқылы QR-кодпен төлем жасауды іске қосты

Енді Kaspi.kz мобильді суперқосымшасы арқылы QR-кодпен тек Қытайда ғана емес, әлемнің көптеген елдерінде төлем жасауға болады.

"2024 жылдың сәуірінде Alipay+ серіктестігімен біз Қытай бойынша QR-код арқылы төлем жасауды іске қостық. Осы уақыт ішінде қазақстандықтар Қытайда саяхаттай жүріп, сатып алған зат ақысын Kaspi.kz мобильді суперқосымшасы арқылы төлеуге үйренді. Клиенттерімізден көптеген жағымды пікірлер алдық және Alipay+-пен бірге бұл серіктестіктің географиясын 48 елге дейін кеңейтуге шешім қабылдадық. Енді Kaspi.kz мобильді суперқосымшасындағы QR-кодпен қазақстандықтар Австрия, Германия, Ұлыбритания, Малайзия, БАӘ, Оңтүстік Корея, Жапония және әлемнің көптеген басқа елдерінде тауарлар мен қызмет ақысын төлей алады. Біздің серіктесіміз Alipay+-ке қазақстандықтардың саяхаттарын әлем бойынша бұрынғыдан да ыңғайлы етуге мүмкіндік бергені үшін алғыс білдіреміз. Әрбір клиентімізге бізбен бірге болғандарыңыз үшін рақмет!"

Михаил Ломтадзе, Kaspi.kz басшысы және негізін қалаушылардың бірі

дереккөз: zakon.kz

—-▶️—-

Tilshi Podcast YouTube-арнасына тіркелуді ұмытпаңыз!

🚨 Заң бұзған жүргізуші 11 млн теңге айыппұл арқалады

Ақтөбелік полицейлер екі айдың ішінде жол ережесін 308 рет бұзып жылдамдықты асырған жас жігітті ұстады.

Шетелдік нөмірі бар ВАЗ-2114 автокөлігін басқарған 35 жастағы қала тұрғыны облыс орталығының көшелерінде бірнеше рет рұқсат етілген жылдамдықтан асып түсті.

"Қорғау" жүйесінің көмегімен Патрульдік полиция батальонының қызметкерлері жүргізушіні ұстап, оның қыркүйектің ортасынан бастап 300-ден астам жылдамдық режимін асырумен байланысты құқық бұзушылық жасағанын анықтады.

Айыппұлдардың жалпы сомасы 11 млн 573 мың теңгені құрады.

Құрметті азаматтар! Заңды сақтаңыз және қылмыстық немесе әкімшілік жауапкершілікке әкелуі мүмкін әрекеттерді жасамаңыз. Тек бірлескен күш-жігермен, адалдық пен ашықтық арқылы біз тәртіп пен әділеттілік орнаған қоғам құрамыз.

—— 📱 ——

TilshiNews.kz - Ақтөбе өңіріндегі тәуелсіз интернет-басылым! Біздің сайтты күн сайын 3-5 мың адам оқиды.

⚡️ Ақтөбеде шахтерлер мен коммуналдық кәсіпорын қызметкерлеріне жалақы төленбеген

⚠️ Ақтөбе облысы Хромтау аудандық прокуратурасымен «Оңтүстік шахта құрылыс» ЖШС-нің (бұдан әрі - ЖШС) 156 жұмысшыға 165 млн теңгеден астам жалақы төлемеу дерегі анықталды.

Прокуратураның үйлестіруімен құқық қорғау органдарының, жергілікті атқарушы және уәкілетті органдар басшыларының қатысуымен кеңес өткізілді. Бұл жиынға «ҚазХром» ТҰК» АҚ басшылығы мен ЖШС-тің құрылтайшысы да шақырылды.

Қабылданған шаралармен жалақы қарызы толығымен өтелді.

Басқа жағдайда, Шалқар аудандық прокуратурасымен «Ұлы Борсық» КМК-нің 519 қызметкерге 48 млн теңгеден астам жалақы қарызы анықталып, прокурорлық ықпал ету актісімен өтелді.

Осылайша, аталған кәсіпорындардағы 213 млн теңге болатын жалақы қарыздары өтеліп, жұмысшылардың құқықтары қалпына келтірілді.

——- 🌐 ——

Tilshi медиа жобаларында жарнама орналастыруға болады. Тел.: +7 778 523 44 96 (немесе @tilshinews.kz direct-іне жазыңыз)

👏 Қазақстан 2025 жылдан бастап БРИКС ұйымының серіктісі атанады.

ℹ️ Бұл туралы Ресей президентінің көмекшісі Юрий Ушаков айтты. Сөзінше, Қазанда өткен саммитте серіктес елдердің санатын белгілеу және 13 мемлекеттің тізімі туралы келісім жасалды.

Бүгінде тиісті шақыртулар Қазақстаннан бөлек, Беларусь, Боливия, Индонезия, Куба, Малайзия, Таиланд, Уганда және Өзбекстан елдеріне жіберілді. Олар серіктес болуға әзірміз деп жауап қайтарған. Мәліметті еліміздің Сыртқы істер министрлігі де растады.

Айта кетейік, серіктес мәртебесі арқылы мемлекеттер БРИКС саммиттерінің жеке кездесулеріне, сыртқы істер министрлерінің және қауіпсіздік мәселелеріне жауапты жоғары өкілдердің кездесулеріне қатыса алады.

Бұған дейін Ресей Қазақстанға БРИКС-тің толыққанды мүшесі болуға шақырған. Бірақ Ақорда бұдан бас тартты.

Дереккөз: atamekenbusiness

------ 👀 -------

PR Arba Media - жарнама нарығындағы сенімді серігің!
Тел.: +7 778 523 44 96

👀 Жыл басынан бері 18 мыңнан астам этникалық қазақ қандас мәртебесін алды

☄️ 2024 жылы 18 035 этникалық қазақ тарихи отанымен табысып, қандас мәртебесін алды. Жалпы 1991 жылдан бері республикаға 1 млн 146,4 мың этникалық қазақ оралды, деп хабарлайды Tilshinews.kz еңбек министрлігіне сілтеме жасап.

Қазақстанға келген қандастардың 45,4% – Қытайдан, 38,9% – Өзбекстаннан, 6% – Моңғолиядан, 5,8% – Түрікменстаннан, 2,7% – Ресейден және 1,3% басқа елдерден.

Осы жылғы 1 желтоқсандағы жағдай бойынша еңбекке қабілетті жастағы этникалық қоныс аударушылар саны 57,1%-ды, еңбекке қабілетті жастан кіші 33,4%-ды және зейнеткерлер 9,5%-ды құрайды.

Еңбекке қабілетті жастағы қандастардың ішінен білім деңгейі бойынша 17,5%-ы жоғары білімді, 25%-ы орта кәсіби білімді, 54,7%-ы жалпы орта білімді, және 2,8%-ының білімі жоқ.

Қоныс аударған этникалық қазақтар республиканың түрлі өңірлеріне қоныстанды.

Сонымен бірге, қандастарды қоныстандыру үшін келесідей еңбек күші тапшы өңірлер анықталды: Ақмола, Абай, Қостанай, Павлодар, Шығыс және Солтүстік Қазақстан облыстары.

Қоныстандыру өңірлерінде 2024 жылға арналған қандастарды қабылдау квотасы 3 033 адамды құрайды. Биылғы 1 желтоқсандағы жағдай бойынша қоныстандыру өңірлеріне 2 961 қандас қоныс аударды.

Жоғарыда аталған өңірлерде қоныстанған қандастарға көшуге субсидия түрінде мемлекеттік қолдау шаралары ұсынылады – бір мезгілде отағасына және отбасының әрбір мүшесіне 70 АЕК (258,4 мың теңге) мөлшерінде; тұрғын үй жалдауға және коммуналдық қызметтерге ақы төлеуге – бір жыл ішінде 15-тен 30 АЕК (55,3-ден 110,7 мың теңгеге дейін) мөлшерінде.

Жыл басынан бері 2 624 қандасқа түрлі қолдау шаралары көрсетілді. Атап айтқанда, 794 адам тұрақты жұмысқа орналастырылды.

——- 🌐 ——

Tilshi медиа жобаларында жарнама орналастыруға болады. Тел.: +7 778 523 44 96 (немесе @tilshinews.kz direct-іне жазыңыз)

⚡️ Қазақстандағы жергілікті жолдардың 56 пайызына асфальт төселмеген

🚧 Жергілікті маңызы бар жолдардың 56 пайызына немесе 39 мың шақырымға қиыршық тастар мен топырық қана төселген. Асфальт пен бетон жабындысы жоқ. Осылай деген Мәжіліс депутаты Нұртай Сабильянов еліміздегі автожол сапасын бағалау өлшемін өзгерту керек деп ұсыныс айтты.

🗯 «Қалбатау – Майқапшағай» тас жолын жөндеу 2019 жылдан бері бес жылға жуық уақыт жүргізіліп келеді. Бірақ жөндеу жұмыстары әлі күнге дейін аяқталған жоқ. Ұзындығы 412 км болатын республикалық маңызы бар «Қызылорда – Жезқазған» автожолы ең үлкен мәселе болып отыр»,-деді Нұртай Сабильянов.

Сондай-ақ депутат «Қазавтожол» компаниясы бір уақытта екі функицяны атқарып, жолды өзі салып, өзі бақылайтынын айтты.

Дереккөз: qazaqstantv