🫶🏻Жанкүйерлермен бірге жақсылық жасауды тоқтатпаймыз!


«Елімай» футбол клубының Көкпекті ауданына сапары ақ халатты абзал жандармен кездесуден басталды. Жаз айында Көкпекті ауданы әкімдігімен өзара ынтымақтастыққа келгеннен кейін, ауданның емханасына замануи үлгідегі медициналық жабдықты сыйға тартамыз деп уәде еткен болатынбыз. Бүгін сол уәдені орындау үшін аудан емханасының бас дәрігері Махат Габдуллин бастаған бірқатар дәрігерлердің сұранысын жеткіздік. Ол ана мен балаға арналған өңірімізде көп кездесе бермейтін медициналық апарат. Осылайша Елімайдың үйдегі ойынынан түскен қаражат өңіріміздің медицина саласын дамытуға жұмсалуда. Елімай тек спортшыларды тәрбиелеп қана қоймай, өңіріміздегі адамдардың салауатты өмір салтын нығайта түсетініне сенім мол.