Тиктоктағы, инстадағы трендтерге қарап отырып байқағаным:
біз басқалардың махаббат оқиғаларын қайталағымыз келеді екен. Мысалы, «Наурыз құтты болсын», Aygen пакет толған шоколад.

Меніңше, бұл оқиғалар сол жұптарға ғана тиесілі. Біреудің оқиғасын сен ол жетістікке жеткен соң ғана қайталағың кеп тұр. Ол жұптар мұның үлкен махаббатқа ұласатынын білген жоқ. Тек өзіне сезімін білдірген адамға жүрегін ашты. Егер олар қосылмағанда, қазір оны романтизацияламайтын едік.

“Успех уникален, ошибки одинаковые” деп бекер айтпайды ғой. Қаншама адам болашақта романтикаға айналуы мүмкін оқиғаны елемеді. Сенің де жүрегіңнің есігін біреу қағып тұрған шығар?! Алайда сен біреудің махаббат оқиғасын қайталағың кеп жүр.

Басқалардың махаббат хикаясын қайталауға тырысып жүріп, өз өміріңдегі ерекше сәтті байқамай қалма. Әр махаббат оқиғасы – бірегей. Мүмкін, ең ерекше оқиға дәл қазір сенің өміріңде орын алып жатқан шығар?