🇰🇿 Абылайхан Хұсайынов (13-1, 10 КО) ертең Қытайда жергілікті боксшымен жұдырықтасады!

Хайкоу қаласында өтетін бокс кешіндегі Абылайханның қарсыласы жеңілмеген 🇨🇳 Ян Юнцян (16-0, 12 КО) болады. 12 раундқа жоспарланған жекпе-жек жеңіл салмақтағы вакантты WBO Inter-Continental титулы үшін өтеді.

Өз салмағында Қытайдың нөмірі бірінші боксшысы Юнцян барлық айқасын дерлік (15) туған елінде өткізіп, бұған дейін WBO Global және WBO Oriental белбеулерін жеңіп алған.

Былғары қолғап шеберлері салмақ өлшеу рәсімінен (61,23 келі) сәтті өтіп, шайқасқа тастүйін дайын.