Араб тілін үйрену تعلم اللغة العربية

Оқылатын тәпсір мәтіні үшеу:

1) Жәләләйн (өте "дақиқ", егжей тегжейлі)
2) Нәсәфи (дәріс беру үшін ең абзалы)
3) Байдауи (ғұламаларды өлтіруші, себебі оны оқып бітіретіндер аз)

Шейх Али Һани

وَمُكَلِّفُ الأَيامِ ضِدَّ طِباعِها * مُتَطَّلِبٌ في الماءِ جَذوةَ نارِ

Күндерден қуаныш күтуші жанның мысалы, судан от күтуші жан секілді.

Күндер саған қуаныш алып келуін күтпе! Себебі адам сынақ пен қиындыққа толы өмірге жаралған. Бұл мағынаны Алла Тағаланың мына сөзі растайды:

لَقَدْ خَلَقْنَا الإنْسَانَ فِي كَبَدٍ

Расында, Біз адамзатты машақат пен сынаққа толы өмірге жараттық. («Бәләд» сүресі, 4-аят.)

Биқағи (Алла оған разы болсын):

“Адам дүние есігін ашып сүт ішкенде, сүттен шыққанда, тіс шыққан уақытта, тісі ауырып қиындық көреді. Ес жетіп мектепке барғанда, ұстаздан таяқ жеп сынақ көреді”, — деген.

Дүние сынақ пен қиындықтан құралған. Бір сәтте қуансаң, көп сәтте қайғырасың. Ақиқатында, сенің шынайы құлшылығың қиындық пен сынақта көрінеді.

Шейх Әли Һәни (хафизаһулла)

Құран Кәрімді біреудің тәржімалаған аудармасымен емес тікелей оқыған кезде түсініп сезіну үшін және Құран Кәрімнің мұғжизасын білу үшін әрбір сөзінің балама емес дәл мағынасын білу керек.

Бір байқағаным, мұсылман емес батыстық ислам дінін қабылдаса, араб тілін оқуға бірнеше жылын арнап жібереді. Ал бізде қалай? Қазір арабша оқысаң, баз біреулер сені араб құл дейтін болды. Өздері бірақ қазақша білмейді.

Құран Кәрімде әр сөз, өз орнында дәлдікпен қолданылған. Сіз бір сөздің орнын басқа сөзге айырбастай алмайсыз.
Сондықтан да ғалымдар Құран Кәрімде синоним сөздер «المرادفات» жоқ деп айтады. Расында солай.

Қазіргі таңда шариғат ілім талап етітін жандар бұл ғылымға немқұрайлы қарайды.

Олар көбінесе

- Нахву ілімін оқиды
(иә ол әлбетте маңызы ғылым)

- Сарф ілімін.
Бірақ бұл ілімді оқитындар өте аз. Бұл ілімде өте маңызды

- Бәләға ілімін.
Бұл ілімді де оқитындар алдыңғысынан да аз. Өкінішке орай көпшілік ілім талап етушілер бұл деңгейге жете бермейді. Бұл ілім да өз кезегінде ең маңыздыларының бірі.

Бірақ одан да маңыздысы Құран Кәрімнің «الألفاظ» сөздерінің дәл мағынасын білу. Бұлда өз кезегінде пән, ғылым өнер болып саналады.

Кез келген ғылымды оқығаның секілді бұл ілімді меңгеру жолы бар.

Көпшілік жандар қазіргі таңда сөздің синоним мағынасын алып келуменен шектеледі.

Мысалы:

- Күмән жоқ «لا ريب» десе «لا شك»

- Келді «جاء» десе «أتى»

- Отырды «جلس» десе «قعد» деумен шектеліп, әр сөздің парқын ажыратып жатпайды.

Тіпті көпшілік тәпсірші ғалымдар тек сөздің балама мағынасын ғана беріп кетеді.

Осы саланы зерттейтін арнайы сөздіктердің өзі дәл мағынасын бере бермейді. Ондай сөздіктер өте аз. Оған тоқталамыз إن شاء الله.

Осы саланы зерттейтін арнайы кітаптарға «غريب القرآن الكريم» деп атау берілген.

Құран Кәрімнің сөздерді әсте жат, бейтаныс емес.
Бәлкім біздің араб тілі мен Құран Кәрімнен алыстаған себепті біз үшін ол сөздер таңсық болды.

Өкінішті-ақ.