Гулчеҳра Айтмуратова

@aytmuratovagulchehra

Kanal geosi va tili: Qozog‘iston, Qozoqcha

Toifa: Kitoblar

Жеке дөретиушилик канал.

Связанные каналы

Kanal geosi va tili

Qozog‘iston, Qozoqcha

Toifa

Kitoblar

Statistika

Saralanganlar

Postlar filtri

O‘chirilganlarni yashirish

Repostlarni yashirish

Гулчеҳра Айтмуратова

29 Jan, 11:14

Тилек
(Кемпир апам Ф.Пердебаеваға)
18-Сентябрде кемпир апам бул дүниядан көз жумды. Оған арнап жазған қосығымды бүгин және бир мәрте оқыдым. Ертең апамның биринши пийшембиси😔. Буйырса ертең менен бир қосық жазылады. Себеби, буннан басқа кемпир апама берерим жоқ. Егер сизге төмендеги қосық унаса апамды бир дуўа қылып қойың, илтимас. Жайы жәнеттен болғай!

Шашлары аппақ болған кемпир апам,
Сөйлегенде тоқтамайтын "ораторсаң".
Кеселликтен кийгендей тонлы шапан,
Асығып сен қайларға баратырсаң.

Жәбрин шектиң сен қанша азаплардың,
Өмириңде қаншама күнлер өткен.
Жөтелиң де тоқтамастан азаплар дым,
Баяғы ден саулығың қайда кеткен.

Сен асығып хәр гәпти баслап турсаң,
Буншелли өмириңнен безгениңбе.
Көз алмастан өзиңе қарап турсам,
Ашынаман "диабет" езгенине.

Қай органда сениң бул кеселлигиң,
Шамам келсе тауларды қопарарем.
Билсем қайсы органың кеселлигин,
Дүньядағы зор врачқа апарарем.

ӘТТЕҢ деген езеди бул жүректи,
Сүймекликке тайынман жүрген жолын.
Өмир суусыз қурытар көп теректи,
Базда пулың жетпейди, базда қолың.

Жетпесликтиң арасында қалған менен,
Кеселликтиң қара қусын биз атамыз.
Өмир өтип шынлық базда жалған менен,
Еле бирге Пәрийиңди узатамыз.

Шөгип қалма кеселликтиң салмағында,
Әй "мамам-ау"* ауырыуға уақытың да жоқ.
Үлкен ВУЗда мен студент болғанымда,
Еле сениң атқаратын тойларың көп.

Аяққа тур пайдалы ауқатлар жеп,
Саған арнап қосық жазсын бул қәлемим,
"Өзиңди асра бәрха шабазым" деп,
Атамда жоллар саған өз сәлемин.

Ул-қызларың, ақлықларың хызметиңде,
Хешқашан сен хассаға таянбайсаң.
Көп жасайсаң перзентлердиң иззетинде,
Ертең таңда ауырмастан оянғайсаң!

*Мамам-ау-мен кемпир апам хәм атамның тәрбиясын алғанлықтан оны апа яки әже деп емес мама деп шақыраман.

13.03.2021 19:25
✍Гулчехра Айтмуратова

29 0 0 1 2

Гулчеҳра Айтмуратова

29 Jan, 11:12

Гулчеҳра Айтмуратова dan repost

Еслеў шәрт емес. Умытпаў керек!
Балалықты, жақсы күнлерди, жақсы инсанларды ҳәм жақсы көргенлериңди умытпасаң оларды еслеўдиң қәжети болмайды....

Г.А

@aytmuratovagulchehra

23 0 0 2

Гулчеҳра Айтмуратова

29 Jan, 11:11

Гулчеҳра Айтмуратова dan repost

Биз жетимбиз.....!

Биз жетимбиз мәмлекет те бақпайтын,
Биз жетимбиз өзин-өзин сақлайтын.
Биз жетимбиз бир қарыннан шықсақ та,
Минез-қулқы бир-бирине жақпайтын.

Биз жетимбиз әкеси жоқ, анасыз,
Қар жаўғанда қалғандаймыз панасыз,
Биз жетимбиз. Ҳайўаннан сәл парқы бар,
Киминде тил, кими қалған санасыз.

Биз жетимбиз. Анамыз ҳәм әкемиз,
Көрип бизди қан жылар ма әкемиз,
Дегим келер перзентиме базыда,
"Баласы бар жетим екен әкеңиз".

Биз жетимбиз. Тарқап кеткен шаңарақ,
Алыс турсақ танымайтын шамалап,
Әкеден соң қара жерге бергенде,
Нәрестемиз жылап қалған "мама"лап,

Биз жетимбиз. Мәмлекет те бақпайтын,
Биз жетимбиз өзин-өзи сақлайтын,
Биз жетимбиз бирин-бири жаманлап,
Биз жетимбиз ҳәмме өзин ақлайтын...!

10.11.2021 21:06
©Гулчеҳра Айтмуратова

22 0 0 1

Гулчеҳра Айтмуратова

29 Jan, 11:10

Гулчеҳра Айтмуратова dan repost

#mánziline_jetalmaǵan_xat

Кеўилдеги жазылмаған хат.
(Кемпир апам Ф.П ға)

Сынбадым! Анажан, қайғырма ҳасла,
Қарама артыңа әрманлар менен.
Не сынақ жазбаған бул жалғыз басқа,
Өмирим оралмақта жалғанлар менен.

Сен мени ойлама, оқыўым жақсы,
Устазлар мақтайды ерке қызыңды.
Сүрткенмен көздеги қайғылы жасты,
Басарма басқалар енди изиңди?.

Мәниссиз қосықтай қәлемим изи,
Жазып, өшириўлер. Қайтадан баслаў.
Он сегиз жылымның қайғылы гүзи,
Үй ҳәм кеўилдеги орның бир басқа-аў.

Бәри түсер әсте избе-изликке,
Күнлер өтер қуўып ай ҳәм қуяшты,
Сабрым жетпей урыс, сиз ҳәм бизликке,
Қыялым сен бетке, сен тәреп қашты.

Бүгин дәртлесиўди қәледим үнсиз,
Хат көтермес, бәлки кеўил азарын.
Қосығым болды деп айтпайман минсиз,
Бирақ, еле де көп саған жазарым.

Сенсиз келип қалды және бир байрам,
(Кәсип байрамың да болғай мүбәрек.)*
Тәғдирдиң исине ақылым ҳайран,
Енди түсиниўге болмайман, ҳәлек.

Арамызды недур турады тосып,
Бирақ, умытпайман аналығыңды.
Бүгин денең менен қәбриңе қосып,
Көмдим!. Мама, бийғам балалығымды.....!

*Кемпир апам 30 жыл мектепте ингилиз тили пәнинен сабақ берген, педагог, ветеран.(Еди...)

02.10.2021 21:58
©Гулчеҳра Айтмуратова

27 0 0 1 2

Гулчеҳра Айтмуратова

25 Jan, 19:50

БеТашАр) dan repost

✨
Тек Жәннатқа жетелейтин қызыңды,
Әке сениң күйеўбалаң жақсы адам...

66 0 2 2

Гулчеҳра Айтмуратова

25 Jan, 19:24

Исмайылов Абдурашид dan repost

#поэзия

Диалектика

Қуяшы жоқ түнди аяйман,
Түнде шыққан қуяшларды да..,
Шөлде өскен гүлди аяйман,
Гүллери жоқ қыя шөлди де..!

Қумға сиңген суўды аяйман,
Суўсыз қалған қумлықларды да..,
Ҳақтан жанған жанды аяйман,
Қәдири жоқ шынлықларды да..!

Отлар жанған қысты аяйман,
Қыстың күни жанған отты да..,
Күл қаплаған қарды аяйман,
Қар үстинде қалған шоқты да..!

Көрген көзлеримди аяйман,
Қәнекей, дым көрмегенимде..!
Сөнген үмитлерди аяйман,
Бирақ
сөнбегенин де..!

Исмайылов Абдирашид
Жазылған сәне: 13.I.2025

@Poeziya_Abdirashit

71 0 3 1

Гулчеҳра Айтмуратова

19 Jan, 00:59

✨

Бахыт - жүрегиңде!
Оны алыстан излеме...

109 0 2 4

Гулчеҳра Айтмуратова

16 Jan, 20:27

Сен тек қарақалпақша сөйлейсең, себеби сен билетуғын жалғыз тил сол.

Мен тек қарақалпақша сөйлеймен, себеби Сен тек қарақалпақша сөйлейсең.

Парқы бар!

142 0 2 2 7

Гулчеҳра Айтмуратова

16 Jan, 20:23

БеТашАр) dan repost

🪔
Қәлбиңиз қандай болса,
Бахтыңыз сондай болсын!

116 0 1

Гулчеҳра Айтмуратова

15 Jan, 20:14

🪔
Ушып кетсем Аспанларға, Айларға,
Қол жетпеген, сөз жетпеген жайларға.
Бирақ та, сен, суў астында жасайсаң,
Көрериң тек суўға келген қойлар-дәә...)

©Г.Ж

162 0 3 4

Гулчеҳра Айтмуратова

31 Dec 2024, 10:49

Жаңа жылыңыз бенен!

201 0 1 1

Гулчеҳра Айтмуратова

22 Dec 2024, 09:13

Гулчеҳра Айтмуратова dan repost

Кешки ой

"Жанымды берейин" демесин саған,
Берсе айтпай берер бир достың болсын!
И.Юсупов

Ойлар салып кеўлиңе ойласарда,
Бир дос болса қасыңда сырласарда.
Душпанлардан шаршадым расы менен,
Дос болмаса жүректи зил басарма?.

Жақсы болып жақсылық тилегенде,
Жаман болса гүнәниң бәри сенде.
Жақсы ҳәм жаманларды қайғы басып,
Жүреги жылағанда билер бенде.

Бир дос болса жақсы яки жаман емес,
Кеўлиңде қалдырмаған жаман елес.
Артыңнан өсек айтса "достым" деме,
Ондайларың "дос" дейтин "адам" емес.

Достың болса қайғыңды тең бөлискен,
Минезиң, пикир-ойың бир, келискен.
Қуўанғанда өтириктен күлип қоймай,
"Бахытың узақ болсын" дейтин иштен.

Дослық-арқан пышаққа кесилмейтин,
Қәте қылсаң өмирлик кеширмейтин.
Урысқанда, өкпелесең, гәп талассаң,
Достың болсын бир мәрте "кешир" дейтин.

Компютер-техникалық заман болсын,
Адамлар жақсы яки жаман болсын.
Ийтшилигин көрместен қуўанатын,
Ең баслысы досларың "Адам" болсын!

07.10.2021 21:24
©Гулчеҳра Айтмуратова

198 0 3 2

Гулчеҳра Айтмуратова

21 Dec 2024, 22:53

🪔
Сөнген екен үмит шамлары,
Жарасыпты жүзиңе қайғы...

158 0 1

Гулчеҳра Айтмуратова

21 Dec 2024, 21:31

Ниетулла dan repost

ГУЛЧЕХРА АЙТМУРАТОВАның
ТҮСЛЕРИМЕ КИРМЕ ИЛТИМАС! қосығына

ӘПИЎ ӘЙЛЕ

Уқтырарсаң қайтпаслығыңды
Сағыныштан сөз баслап қойып
Түсинемен айтпаслығыңды
Айралыққа бараман тойып

Сап ышқымыз болса да минсиз
Сүйиўден ҳеш пайда таппадық
"Жыла!" дести, толғансақ үнсиз
Ал жыласақ көпке жақпадық

Түслериңе киргеним айып
Нәзер алыс, кеўиллер жақын
Болса сениң жүрегиң майып
Қайғырыўға болар ма ҳақым?!

Жүрегимде сақлайман депсең
Ал сен мениң жүрек соғысым
Әпиў әйле, сәл қапа етсем
Жырақластым бәлким сол ушын

Жангелдиев Ниетулла (ойшыл)

20.08.2021 ж
@oyshil_qosiqlari

163 0 3 3

Гулчеҳра Айтмуратова

21 Dec 2024, 21:31

Қарақалпақ Әдебияты dan repost

Сағынғансаң, билемен менде,
Сағынаман. Еслеўим де рас.
Қайталмайман. Қайтпайсаң сенде,
Түслериме кирме! Илтимас.

Пайдасы жоқ. Жолымыз өзге,
Сен меники, мен сенлик емес.
Бахыт несип етпеди бизге,
Түнде келип қыйнайды елес.

Түслериме кирмесең ҳәр түн,
Умытсақ ҳәм басқасын тапсақ.
"Бахытлы" деп ойлайсаң бәлким,
Денем-ғой саў, жүрегим ақсақ.

Сол жүректе сақлайман сени,
Сағынаман, еслеўим де рас.
Жетер! артық қыйнамай мени,
Түслериме кирме илтимас..!

© Автор Гулчеҳра Айтмуратова 16.08.2021

@ADEBIYAT_QR