Экспедитор ЖШС-нің қаражатын заңсыз иемденген: сот қарызды өндіріп алды

◾️ Жамбыл аудандық сотында талап қоюшы ЖШС-нің жауапкер И.-ға қарыз сомасын өндіру туралы азаматтық іс қаралды.

◾️ 2019 жылдың наурыз айында жауапкер И. ЖШС-не экспедитор қызметіне қабылданған. Талап қоюшы мен жауапкердің арасында толықтай материалдық жауапкершілік туралы келісім жасалған.

◾️ 2024 жылдың мамыр айында, бухгалтерлік тексеріс барысында, 1,2 млн. тенге ақшалай қаражаттың жетпейтіндігі анықталған. Жауапкер И. қаражаттың жетіспейтіндігін мойындап, оны өзінің жеке қажеттілігіне жаратқандығын, келтірілген залалды қайтаратынын айтқан. Осыған байланысты, ЖШС құқық қорғау органдарына хабарласпаған, қылмыстық іс қозғалмаған.

◾️ Алайда, жауапкер қарыз сомасының тек 69 мың теңгесін ғана қайтарып, қалған қарызы қайтарылмаған.

◾️ Талап қоюшы ЖШС-і жауапкер И.-дан өзпайдасына 1,1 млн. теңгеден астам қарыз сомасын өндіру туралы талап арызымен сотқа жүгінді.

◾️ Сот талап қою арызды оңайлатылған (жазбаша) іс жүргізу тәртібінде қарады.

◾️ Сот шешімімен талап қою арызы қанағаттандырылды.

◾️ Жауапкерден талап қоюшының пайдасына 1,1 млн. теңге қарыз соммасы және мемлекетік баж салымы өндірілді.

◾️ Сот шешімі заңды күшіне енді.

Жамбыл аудандық сотының баспасөз қызметі

https://t.me/jambyl_sottary