«Еш нәрсе мәңгі емес»
Әлемге әйгілі актер Арнольд Шварценеггер өзінің қоладан сомдалған мүсінінің жанында жатқан фотосуретін жариялап, «Заман қалай өзгерген» деген пікір қалдырған.
Арнольд Калифорнияның губернаторы болып тұрған кезінде осы жердегі қонақүйдің ашылуына арнайы қатысқан. Сол сәтте мейманхана әкімшілігі Арнольдке: «Сіз кез келген уақытта келіп, біздің қонақүйден орын ала аласыз» деген екен.
Калифорния губернаторы қызметінен кеткеннен соң Арнольд осы қонақүйге келгенде, мекеме әкімшілігі оған тегін бөлме беруден бас тартып, бұл мейманханаға сұраныстың жоғары екенін айтып, төлем талап етеді.
Осыдан соң Арнольд жатын төсек әкеліп, өзінің көшедегі мүсінінің жанына жайғасады да:
«Мен үлкен қызметте болғанда олар мені мақтады. Мен қызметтен кеткенде олар мені ұмытты да берген уәделерін орындамады. Лауазымды қызметіңіз бен ақшаңыздың көлеміне, күштеріңізге де, тіптен, зиялы екендігіңізге де сенім артпаңыздар. Еш нәрсе мәңгі емес» дейді А.Шваценеггер..