ЖӘННАТТЫҢ КІЛТІ – ЖАНЫҢДА!

Ер адамға бізді бағатын, ақша табатын адам деп қарама. Оған Жәннаттың кілті, менің Жәннатым не тозағым деп қара.
Айтшы, алдыңда Жәннат тұрса, сен оған сөз қайтарасың ба? Оны ренжітіп, өзің ештеңе болмағандай жүре аласың ба?
Жоқ.
Біздің ұмтылатын ең басты нысанамыз – Жәннат емес пе? Біздің мақсат - азаптан құтылып, мәңгілік бақытқа, рахатқа қол жеткізу ғой, солай ма?
Ендеше, сол мүмкіндік біздің қолымызда тұрған жоқ па?

Біреулер Жәннат үшін көп қиындыққа сабыр етіп жүр, ауруымен күресіп, жақсы көретін нәрселерін құрбан етіп жүр.
Біреулер Жәннат үшін көп ақша жұмсап жүр. Дүние-мүлкін сарп етіп, қажылыққа барып жүр.
Ал сенің Жәннатың күнде жаныңда жүр...

Пайғамбарымыз (оған Алланың игілігі мен сәлемі болсын): «Күйеуі разы болған күйде дүние салған әйел - Жәннаттық» деген. Күйеуін разы ете алмаған әйел Алланың разылығын да ала алмайды. Сондықтан Жәннаттың кілті – жарыңда, Жәннаттың кілті – жаныңда екенін бір сәт те ұмытпашы, құрбым?!
_______________
#асыларна #asylarna #asylarnatelekanal #отбасы #ер #әйел #татулық