ТANISAMIZ.

Əўелемен-дүўелемен

Ойын Қарақалпақстан телерадиоканалы тәрепинен Тахтакөпир районы «Белтаў» аўыл пуқалалар жыйынында сүўретке алынған.

РАМАЗАНДАҒЫ САДАҚА – ЕҢ УЛЛЫ САДАҚА


Аллаҳ таала Өз ғǝзийнесинен бенделерине қанша неъмат берсе де, оннан ҳеш нәрсе кемеймейди. Рәббимиз биз бенделерин де Ѳзиниң сыпатларынан ѳрнек алып, мудамы сақаўатлы болыўға ҳǝм садақа бериўге буйырады. Келиң усы орында тийкарынан “садақа” ѳзи не екенлиги ҳаққында билип алсақ.
“Садақа” дегенде биреўге қандайда материаллық ҳǝм руўхый жǝрдем кѳрсетиў түсиниледи. Бирақ “садақа” сѳзи сѳзликте “жақсылық етиў, жақсы ис кѳрсетиў” мǝнислерин де аңлатады.
Аллаҳ таала Өзиниң уллы кәламы Қураны кǝриймниң бир неше аятларында садақа ҳǝм жақсылық етиўге буйырған. Ибраҳим сүресиниң 31-аятында: “(Ҳәй Муҳаммад!) Сен ийман келтирген бенделериме айт, намазын кәмил оқысын. Саўда-сатық, таныс-билис болмайтуғын Күн (қыямет) келместен алдын оларға Биз ырысқы етип берген нәрселеримизден жасырын ҳәм ашықтан-ашық садақа қылсын!”, деп айтады.
Рамазан бул - меҳир-мүриўбет, сақаўат айы. Усы ай мүнǝсибети менен бүгин Қарақалпақстан мусылманлары қазыяты қазысы Шамсуддин Баҳауддинов Республикалық онкология ҳǝм радиология илимий ǝмелий медицина орайы Қарақалпакстан филиалында емленип атырған 12 жас ѳспиримлерге ойыншықлары ҳǝм азық-аўқат ѳнимлерин берди, олардың ҳалынан хабар алды ҳǝм Аллаҳ тааладан наўқаслардың денсаўлығына шыпа сорап дуўалар қылды.

Қарақалпақстан мусылманлары қазыяты.

@QARAQALPAQMIILLETARIUSHIN

Жоқарғы Кеңес Баслығы Жаслық ППЖ пуқаралары ушын жеке қабыллаўын ѳткерди

Бүгин Жоқарғы Кеңес Баслығы тәрепинен республикамыздың алыс, ең шетки аймақларынан есапланған Қоңырат районының Қарақалпақстан ҳәм Жаслық посёлка пуқаралар жыйынлары, Бостан аўыллық пункти пуқаралары ушын жеке қабыллаўын ѳткериў режелестирилген еди.

Күнниң екинши ярымында Жоқарғы Кеңес Баслығы Жаслық ППЖ турғынларының мүрәжатларын тыңлаў ҳәм оларға шешим табыў мақсетинде аймақта болды.

Қабыллаў даўамында бир қатар мәселелер, соннан, коммуналлық хызмет кѳрсетиў, социаллық қоллап-қуўатлаў, медициналық жәрдем бериў, бәнтлигин тәмийинлеў, турақ жайларын оңлаў, контракт пулларын тѳлеп бериў ҳәм басқа да күнделикли турмысында ушырасып атырған машқалалар бойынша мүрәжатлар билдирилди.

Өз нәўбетинде, барлық билдирилген мүрәжатлар Жоқарғы Кеңес Баслығының қадағалаўына алынып, басым кѳпшилиги орнында шешимин тапты.

Соныда айрықша атап өтиў орынлы"Жаслық" посёлкасына да 450 мың доллар муғдарындағы Социаллық орай қурылысы ушын жойбар тастыйықланды. Социаллық орайда пуқаралар ушын сапалы медициналық хызметлер көрсетиў менен бирге халыққа хызмет көрсетиў орынларын шөлкемлестириў белгиленген. Мәселен, тигиў цехы, оқыў орайы менен кәсипке таярлаў орайлары усылар қатарынан.

Жоқарғы Кеңес Баслығы Аманбай Орынбаев өз сөзинде “Ҳәр бир мүрәжат артында бир инсанның ҳуқықы бар” деп атап өткен еди. Өткерилген қабыллаў арқалы бул сөз өз тастыйығын таўып, олардың ҳуқықлары тийкарында мүрәжатларының шешимин табыў бойынша зәрүрли илажлар көрилди.

Бундай ийгиликли ислер республикамыз бойлап буннан-былайда даўам еттириледи.


Қарақалпақстан Республикасы Жоқарғы Кеңесиниң Мәлимлеме хызмети