Қаржылық сауаттылық

Қазір тұрып жатқан үйім, Сарыарқа базарына жақын. Азық-түлік алуға базарға барамыз. Соңғы уақытта базардан бір дүниені байқап жүрмін: сауданы қолма-қол ақшаға жасасаң, заттың бағасын түсіреді. Егер, банк қосымшасы арқылы аударым жасасаң, заттың бағасын өсіріп айтады.

Себебін сұрап көріп едім, алған жауабым:
"қазір адамдардың 90%-ы банк қосымшалары арқылы төлем жасайды. Біз ол ақшаны шешіп алғанда банкомат бізден пайыз алады. Біз сол пайызды өз қалтамыздан төлемес үшін, заттың бағасына қосып сатуымызға тура келеді" дейді.

| Бұл қазір барлық жерде бар. Гажеттерді де қолма-қол ақшаға алсаң, едәуір бағаға төмен аласың. Мысалы, жақында кәсібіме жеке смартфон керек болып, нарықты зерттедім. Сонда мынадай баға өзгерісін байқадым. Мен алғалы тұрған смартфон 200.000 теңге көлемінде. Әр жерде әртүрлі баға ұсынды:
1. Техникалық маркеттерде (Sulpak, Alser) - 265.000+ теңге.
2. Маркетплейстерде (kaspi) - 245.000 - 260.000 теңге.
3. Шағын техника сататын дүкендерде:
🔸қолма-қол ақшаға алсаң: 199.950 теңге
🔸 несие, бөліп төлеуге алсаң: 245 000+

📍Байқап тұрғаныңыздай, үлкен қаржыны талап ететін заттарға қаржыны жинап алған дұрыс. Егер қаржыны жинамай несиеге немесе бөліп төлеуге алсаңыз, банк пайызын және саудагердің де пайызын сіз төлейсіз. Кей жерлерде инфляция мөлшерін де заттың құнына қосып жібереді.
Қарапайым азық-түліктің өзіне баға қосқанда, техникалық тауарларға шамадан тыс баға қосады.

Қандай зат алсаңыз да, нарықты толық зерттеп, есептеп алыңыз. Алатын затыңызды алдын-ала жоспарлап, соған қаржы жинасаңыз, затты өз құнында ала аласыз. Жылдап несиені төлегеннен, айлап ақша жинаған дұрыс.

Байлық - жылдар бойы қайталанған дұрыс қаржылық әдеттердің нәтижесі. Кайдзеннің мына алтын ережесін ұмытпайық: "Жылдам - бұл баяу, бірақ тұрақты түрде істелетін іс". Байлыққа тез жетудің жолы болса, ол - дұрыс қаржылық әдеттерді тұрақты түрде қайталай беру.

🔹Дұрыс қаржылық әдеттерге үнемдеу, тапқаныңнан аз жарату, кіріс-шығыс есебін жүргізу, қолыңда жоқ ақшаға зат сатып алмау (несие, бөліп төлеу арқылы), табысыңды арттыру жолдарын үнемі ойлау, брокерлік шотқа ақшаның бір бөлігін үнемі салып отыру, акцияларды арзан кезінде сатып алу және қымбаттаған кезінде сату т.б жатады.

~ Д.Жігітбек

#қаржысауаттылығы

Ақшаны жұмсап жүріп, ақша жинау💵
(өте пайдалы. соңына дейін мұқият оқыңыз)

Мүлде ақша жинай алмаймын, ақшаны жұмсап қоя беремін дейтін адамдар көп. Әр адам орташа есеппен айына кемі 150-300 мың теңге ақша жұмсайды. Ақшаны жұмсап жүріп те, кэшбек арқылы ақша жинауға болады.
~ Төлемді ылғи да kaspi аударыммен жасай бермей, кэшбек беретін карталармен, apple pay немесе google pay арқылы төлем жасап, кэшбек жинаған дұрыс.
Сіз бәрібір де сол қаржыны жұмсайсыз, жұмсаған қаржыңыздан көбірек кэшбек алуға тырысыңыз.

💳Кэшбек жинаудың әртүрлі нұсқалары бар. BCC,Home Credit Bank, Halyk Bank, Jusan Bank қолданбалары арқылы айына 5-20% көлемінде кэшбек жинауға болады. Мысалы, BCC банктің картасы арқылы айына 7-10% кэшбек ала аласыз. Айына 200.000 теңге жұмсасаңыз, оның 14-20 мың теңгесі өзіңізге кэшбек болып қайта түседі. Ол жылына шамамен 160-200 мың теңге болады. Депозиттердің өзі сізге бұндай өсім бермейді.

Әрбір қолданбаның өзіне тән ерекшеліктері бар:
🔸Жанармай бекеттерінде бензин құйғанда Halyk QR немесе Home Credit Bank картасы арқылы төлеген дұрыс. 5-7% кэшбек аласыз.
🔸Маркетплейстен зат алсаңыз, ең жоғары кэшбекті halyk және jusan банк ұсынады. Шамамен 15-20%. Затты алмас бұрын барлық маркетплейстен бағаны салыстырып, тиімдісін алған жөн. Егер баға екі жақта да бірдей болса, кэшбекті көп беретініне жүгініңіз.
🔸Онлайн такси шақырсаңыз, jusan және freedom, bcc картасы арқылы төлем жасауға кеңес беремін. 5-7% кэшбек аласыз. BCC картасы арқылы әртүрлі санаттардан да кэшбек алуға болады. Мысалы, киім, мейрамхана, супермаркет т.б.
🔸Айына бір рет әртүрлі банктердің кэшбек төлеу ұсыныстарын қарап тұрыңыз. Кейде 30-35% кэшбек ұсынатын уақыттар да болады.

Бұл кэшбектерді қалай жаратуға болады?
Өзіңізге ақша ретінде аударып алсаңыз да болады. Ең тиімдісі: жиналған кэшбекті инвестицияға құю. Әртүрлі активтерді сатып алуға пайдаланған дұрыс. Акция, облигация, алтын, күміс сатып алып отырыңыз. Мысалы, freedom карталары арқылы сауда жасасаңыз, сізге freedom валютасын сыйға береді. Сіз сол валютаны инвестиция жасауға пайдалана аласыз.
Сол сәтте сіз ақшаны жұмсап жүріп, инвестициялық капитал жинақтайсыз. Ол капитал кейін сізге пассивті табыс әкеледі.

#қаржысауаттылығы
©️ https://t.me/qarjysayaty

💰Ең көп табыс беретін ТОП 5 депозит

5. Halyk Вank
"Барынша жоғары" депозиті. 17% жылдық мөлшерлеме. Ең кемі 6 айға ашуға болады.
Ақшаны шешу және толтыру мүмкін емес. Ең аз толтыру суммасы - 15.000 теңге.

4. Altyn Bank
"Резерв" депозиті. 17,2% жылдық мөлшерлеме. Ең кемі 6 айға ашуға болады.
Ақшаны шешу және толтыру мүмкін емес. Ең аз толтыру суммасы - 15.000 теңге.

3. Freedom Bank
"Капитал" депозиті. 17,5% жылдық мөлшерлеме.
Ақшаны шешу және толтыпу мүмкін емес. Ең аз толтыру суммасы - 15.000 теңге. Ең азы 6 айға ашуға болады.

2. Home Credit Bank
"Сберегательный акционный" депозиті. 17,6% жылдық мөлшерлеме. Ең кемі 6 айға ашуға болады. Ақшаны шешу және толықтыру мүмкін емес. Ең аз толтыру суммасы - 100.000 теңге.

1. Евразийский банк
"TURBO" депозиті. 18% жылдық мөлшерлеме. Ең кемі 6 айға ашуға болады. Ақшаны шешу және толықтыру мүмкін емес. Ең аз толтыру суммасы - 1.000.000 теңге.

⚠️Мәліметті әр банктің ресми сайтынан алдым. Депозиттің шарттары мен пайыздары өзгеріп тұрады. Депозит ашпас бұрын, депозиттің шарттарыммен мұқият танысыңыз.

Телеграм арнамның ашылғанына 1 жыл болды😍

| 2023 жылы 25 қараша күні "қаржылық сауаттылық" телеграм арнамды аштым. 1 жыл ішінде 29 000-ға жуық оқырман арнама қосылды. 1 жылда 297 жазба жарияладым. Бұл жазбаның барлығы қаржы сауаттылығы мен инвестицияға негізделген.

~ Арнама қосылған оқырманның ниетін түсінемін: қаржы сауаттылығын арттырып, қарыздан құтылып, сауатты инвестиция жасағысы келеді.
Осы жауапкершілікті сезініп, тегін 12 сабақ өттім арнамда. 12 сабақты көру

📍арнамдағы тегін 12 сабақты оқып, инвестиция бастап кеткен оқырмандар өте көп. Әлі де бұл telegram арнама қаржы сауаттылығы және инвестиция бойынша ақпараттар жариялап тұрамын.

😊Мені және менің telegram арнамды құттықтап, реакция басып кетіңіздер

Жаман жаңалық – инвестордың ең жақын досы. Бұл акцияны жеңілдікпен сатып алуға мүмкіндік береді

🙋🏻‍♂️нарықтағы нашар жаңалықты акция сатып үшін сәтті пайдаланғандар қол көтерейік!

📍Сіз әлі де акция сатып алуды үйрене алмай жүрсеңіз, осы telegram арнамда тегін 12 сабақ бар. Көріңіз, үйреніп алыңыз. Сабақтарға өту үшін батырманы басыңыз⤵️
тегін сабақтарды көру

Кімнің қайда инвестиция жасағаны дұрыс?

📍Әр адам инвестиция жасамас бұрын өзінің инвестициялық стратегиясын бекітіп алу керек. Мысалы, менің стратегиям - ұзақ мерзімге негізделген. Мақсатым: 45 жасқа дейін капитал жинау. Мен осы мақсатыма сай өз портфелімді жинаймын.

| Мақсат әр адамда әртүрлі болады. Біреу үйлену үшін қаржы жинауы мүмкін, біреу үй алу үшін. Енді бірі болашағы үшін. Сол үшін әркім әртүрлі инвестициялық портфел жинақтайды.

❗Инвестициялық стратегияны құру үшін сіздің мінез-құлқыңыз, мақсатыңыз және жасыңыз маңызды:
👵Сіз зейнет жасына жақындаған болсаңыз, сіздің портфеліңіз облигация және алтын т.б өте тұрақты құралдардан тұруы керек.
👨🏻‍💻Сіз жас әрі сабырлы болсаңыз, портфеліңіздің басым бөлігі акциядан тұрғаны дұрыс.
👨🏻Сіз тәуекелге барғыш, ақшаңызды жоғалтудан қорықпасаңыз, енді өсіп келе жатырған компанияларға, стартаптарға инвестиция жасаңыз.
👩🏻‍🏫Сіз консервативті адам болсаңыз, тәуекелге баруға қорықсаңыз, сізге қорғаныс активтеріне инвестиция жасау керек. Алтын, кор т.б.

©️ https://t.me/qarjysayaty

💵👨🏻‍💻Қаржы сауаттылығы бар адамның әдеттері:

1. Табысының бір бөлігін жинайды. Табысы түскен күні бір бөлігін міндетті түрде жинақтайды.
2. Шығыны табысынан асып түспейді. 200.000 теңге табыс тапса, 180.000-ға өмір сүреді.
3. Үлкен сатылымдарды алдын-ала жоспарлайды. Яғни, смартфон, машина алмас бұрын, қаржыны жинақтап, дайындалады. Айлап қаржы жинайды, жылдап несие төлемес үшін.
4. Кіріс және шығыс есебін жүргізеді.
5. Инвестиция жасайды. Жинақтаған қаржысына инвестиция жасайды.
6. Эмоциямен сатып алмайды. Заттарды эмоциямен сатып алмайды, өзіне нақты не қажет, соны сатып алады.
7. Салық төлейді. Салық жүйесін түсінгесін, салық төлеудің маңызын түсінгесін, салық төлейді.
8. Саяхаттайды, қаржылық білім алады. Экономикалық жаңалықтарды ылғи да бақылап отырады.
9. Кредит, бөліп төлеу, тұтынушылық несиеге жоламайды.
10. Қайырымдылық жасайды.

Сіздің бойыңызда осы 10 қаржылық әдеттің қайысысы бар❓

©️ https://t.me/qarjysayaty