🎙
Карло Анчелоттидің «Атлетикоға» қарсы матч алдындағы баспасөз мәслихатыБұл екі команда үшін де өте маңызды матч. Біз бұл жарысты жеңу үшін күресіп жатырмыз, ал дерби – әрдайым ерекше ойын. Қарсыласымыз өте мықты, олар тамаша формада және әдеттегідей бәсекеге толы матч өтеді. Бұл жаңа нәрсе емес.
❓Тебастың сөзі туралы ойыңыз?
Бұл тақырыпқа дәл осындай маңызды матч алдында тоқталғым келмейді, бірақ Тебас уайымдамаса да болады: мұнда ешкім ақылынан адасқан жоқ. Адамдар тек болған жайтқа түсініктеме беруді сұрады. Жүйе туралы айтсам, менің естуімше, ешкім оған разы емес. Кейбіреулер бұл жүйе "Реал Мадридке" басымдық береді деп ойлайды, ал "Реал Мадрид" оны өзгертуге тырысқанда, барлығы клубқа қарсы шығады. Бұл мені таңғалдырады.
❓Ертең ұжымдық жұмыстар керек пе?
Құрамға қатысты күмән болды – Лукас пен Камавингаға байланысты, бірақ бүгін бұл мәселе шешілді. Олар дайын. Мен бізге сапа мен тәртіптілік бере алатын негізгі құрамды таңдаймын, себебі бұл – жетістік кілті. Биыл, бәлкім, бізде тәртіптіліктен гөрі сапа басым болды. Біз оларды теңестіру үшін жұмыс істеп жатырмыз.
❓ Қорғанысты жақсарту қажет пе?
Егер сенде мықты қорғаныс болса, шабуыл жұмысы жүрмей жатса да, нәтиже алуға мүмкіндік бар. Шабуылдағы төрттік шамамен 60 гол соқты, бұл бір маусым үшін үлкен көрсеткіш. Бірақ қорғаныстық беріктік тек артқы шептің еңбегі емес, бұл – ұжымдық жұмыс. Шабуылшылар да қорғанысқа көмектесуі керек.
❓«Реал Мадрид» әлі күнге дейін мықты қарсыластарды жеңе алмады, деуге келе ме?
Бізге үш ұпай қажет, одан артық ештеңе емес. Біз бұдан әрі ойламаймыз. Кейбір матчтарда мықты қарсыластарға қарсы ең жоғары деңгейімізді көрсете алмадық, бірақ ертең жеңуіміз керек.
❓Клуб төрешілердің VAR бөлмесіндегі аудио-жазбаларды алды ма?
Жоқ, әлі алған жоқпыз. Неліктен бізге бергілері келмейтінін түсінбедім
❓Шабуылшылар көп гол соғып жатса да, неге кейбіреулер төрт ойыншының бәрін бірдей алаңға шығармауды сұрайды?
Білмеймін. Кей кездері тепе-теңдік жетіспегені рас. Кейбіреулер шабуылдан бір ойыншыны алып тастау мәселені шешеді деп ойлайды. Бірақ олай емес. Қорғаныстағы қиындық – бұл бүкіл команданың мәселесі, оның ішінде шабуылшылар да бар.
Көп адам негізгі ойыншыларымыздан айырылғанымызды ұмытып кетеді – мысалы, Карвахаль мен Милитао. Соған қарамастан, біз барлық турнирде бәсекеге түсіп жатырмыз. Жақында Рюдигер мен Алаба оралады, бірақ қазір маусымның маңызды кезеңінде маңызды қорғаушылардан айырылып қалғанымызды ешкім ұмытпауы керек.
Жағдай тезірек қалпына келеді деп үміттенемін, өйткені менің ойымша, Чуамени қайтадан артқы жартылай қорғаушы, Алаба қорғаушы, ал Карвахаль оң қапталдағы қорғаушы ретінде ойнауы керек. Бірақ біз қиын жағдайдамыз. Әлі ештеңе шешілген жоқ, дегенмен белгілі бір нәтижелерге қол жеткіздік.
❗️Мбаппенің командаға сіңісіп кетуі туралы
Мен бұл туралы бірнеше рет айттым. Ол өте қарапайым, жақсы көңіл-күймен және ешқандай ерекше талаптарсыз келді. Біраз уақыт қажет болды, бірақ ол командаға тамаша бейімделді, ал команда оған бейімделді. Статистика бар, біз одан артық ештеңе сұрай алмаймыз. Біз өте қуаныштымыз.
❓ Вальверденің мүмкіндіктері шексіз бе?
Әрине, біз ойыншылардың жарақатына алаңдаймыз. Бірақ Феде тек ойнауға деген үздіксіз ынтасымен ғана емес, сондай-ақ қазіргі құрамдағы жетіспеушіліктерге байланысты таптырмас ойыншыға айналды. Ол артқы жартылай қорғаушы да, оң қапталдағы қорғаушы да бола алады. Мысалы, бұл Лукасқа демалуға мүмкіндік береді, себебі оның кішігірім жарақаты бар.
❓Себальосдың маусымына қандай баға бересіз?
Оның командадағы рөлі айтарлықтай артты, себебі ол әрдайым ойынға дайын – әрі шабуылда, әрі қорғаныста. Оның физикалық жағдайы жақсарды, бұл өте маңызды.
❓Осы екі матчта шабуылдағы ойыншыларды қорғанысқа көмектесуге көндіре аласыз ба?
Иә, мен бұны істей аламын. Мен оны жасаймын да. Бірақ тағы да қайталаймын: бұл – бүкіл команданың ортақ міндеті. Барлығы атсалысуы керек.
❓Осындай қиын матчтардың алдында не істейсіз?
Қиын, күрделі матч болады. Бірақ дәл осындай ойындарға қатысқың келеді. Қысым көп болады, бұл керемет шоу болмақ. Біз өте қиын және бәсекелі матч туралы айтып отырмыз.
