Кім не десе де, өзіңе, өз отбасыңа, күйеуің екеуіңнің қарым-қатынастарыңа ғана лайықты, өзіңе ыңғайлы әрі тиімді стратегия таңдау керек. Бастысы, түпкі мақсатқа бүтін жету. Пәленше сөйтіп айтты деп, қолыңа жаулығыңды алып шаба жөнелу - ең қате шешім болады.
Біреуге әсер ету үшін, оған сөзіңді өткізу үшін, қалауыңды дұрыс жеткізу үшін ол жанды да, өзіңді де жақсы тануың керек. Тұлғалық ерекшелігін білуің керек. Жанын жараламай, көңілін қалдырмай, бірақ өз мүддеңді де қорғай отырып келісім жасасуға жету керек.
Көздегенің бірге даму болса - өзің үлгі бол, жол көрсет. "Мен шешесі емеспін, неге мен, неге мен сүйрелеймін?!" десең, онда талап етпе. Талап етсең - не талап ететініңді, оған қалай жету керектігін көрсет, жетеле. Иә, жетелейсің. Себебі осы өзгеріс оған емес, саған керек боп тұр. Өзіңе керек пе, өзің әрекет ет. Басқа адам саған не қажетін әлі ұғып тұрған жоқ, ішіңдегіні білмейді, білген күннің өзінде әп-сәтте настройкасын ауыстыра салатын робот емес қой.
Обшым, өзгерісті кім қалайды, сол жасайды. Өзгеріс қаламайтын адамда онсыз да бәрі ок, оның мұндай проблемасы жоқ:) Өзгеріске деген қажеттілігің болса, жан-жағың триггерить етсе - мәселе де, қажеттілік те өзіңдікі. И разберешься сама🫶