“Ақыретін ойлайтындар көп, бірақ өз соңын ойлайтындар көп емес” деген оқыдым. Өмір бойы тырыстың, талпындың, белгілі дәрежеге жеттің. Бірақ дәл өлер сәтіңе келгенде шайтан сенің осал тұсыңнан ұстап алып, сеніміңнен шығарып жіберсе қалай? Өлім уақытың да, өлім алды кім болатының да белгісіз.

Қалай айналдырсаң да бұл сәттен қашып кете алмайсың. Ешқандай себеп әсер ете алмайтын бір момент. Сондықтан да, бәлкім қол жайып дұға етесің, Алланың көмегі болмаса, өз шамаң түкте емес. Имансыз кетсең, кеттің болды қайтып келмейсің. Өз соңын ойламайтындардың соңын ойлау керек дейді.