#Мастеркит

Ертеректе бір жолдасым шалғай жердегі бастаңғыға барып, тым кеш шықса керек. Содан танысы айтыпты, біздің жақ жаман, біреу ұрып кетер, үйіме қона сал деп.

Әлқисса, екеуі үйге ақырын кіріп, жатын бөлмеге мысықша өте бергенде, отағасы шамды жарқ еткізіп, екеуіне тап беріпті:

- Ой, шешелеріңді сендердің! Не жүріс мынау, а, шешесін?

- Папа, ақырын, ұят қой...

- Ұяттың шешесін!

- Мынау, туған күнге барып едік...

- Туған күннің шешесін!

- Содан кеш шығып...

- Кештің шешесін!

- Біреу ұрып кетер деп...

- Ұрғанның шешесін!

- Жолдас балама қона сал деп...

- Жолдасыңның шешесін!

Осы кезде баласы ызаланып кетіп:
- Папа, түсінігі жоқ неме екенсің, кеттім онда! - деп, есікті лақтырып жіберіп, шығып бара жатса, әкесі:
- Есіктің шешесін! - деп айқайлапты артынан...

#Мастеркиттен бақытты мәжуси кейпіне енген сылқымдар кейде маған сол әкейге ұқсайды...