Бірде сабақ үстінде өрт қауіпсіздік маманы келіп, «өрт болса, балаларды қалай шығарасың?» деді. «Білмеймін» дедім. «Жақсы» деп, кетіп қалды. Басшылық бірдеңе беріп құтылған сияқты, кейін барғанымда, «басыңды қатырма, шештік» деді. Сондағы білмегенім - қабат сайын жабысып тұратын эвакуация жоспары екен. Шынымды айтсам, онсыз да бейбіт күндегі жолмен қашады екенбіз - инструкциядан не пайда?
Бірде сабақ үстінде СЭС қызметкері кіріп келіп, айуан темір-терсектерді шығарып мониторға тосып (лампалы ол кезде), «фон беріп тұр, акт жазамын!» дейді! Мониторды жасаған - Samsung, ал кінәлі - мен екем! Оның үстіне мониторда «Energy star» деген маркировка бар, ол деген шведтік стандарттарға сай деген сөз. Шведтер өмірді қазақтан бетер жек көреді деу ұят болар еді де. Сосын мен - тұтынушымын, мониторды сатқан адамға неге тиіспейді? Тоқетері, кеткеннен кейін бастыққа бардым. «Басыңды қатырма, енді бір үш жыл келмейді» деді. Олар да ормалына кеп кеткенін түсіндім (есейіп қалған едім).
Сол, қазір ойлап отырмын да.
Сол кезде өрт шығып, әлде лампа-монитор атылғанда, қоғам бүгінгідей - ең биік стандарттармен өмір сүретін бола қалып, мені итжеккенге айдап тынар еді-ау, ә? Өрттен қашатын жолды көзді жұмып жүріп тауып алатындар мен жетінші атасы Жайылғаннан бастап монитор мануфактурасын ұстағандар соттатып тынар еді ғой. Ішкенім ірің, жегенім шірің болар еді.
Кенет зайырлана қалатын қоғамнан қауіпті нәрсе жоқ адамға. Сақ болыңыздар. Адам баласына сеніңдер әрине, бірақ - сенбеңдер... хы-хы-хы-хы-хы...