Қадірлі қонақ

Нәпсі мен ерік-жігері арқылы сыналатын – адам. Осы екеуін дұрыс қолданса періштеден озатын – адам. Барша жаратылыс оған қызмет ететін – адам. Жердің ең қадірлі қонағы – адам.

Адам кейпіндегі періште және кәдімгі адам. Кім құрметке лайық? Періштеге көрсететін құрметке адам да лайық емес пе? Адам одан да артығына лайық емес пе?

Әр адамға кемел жаратылыс деп қарау. Сынағы болса да сынбай, кемелдік үшін күресіп жүргені үшін сыйлау. Қадірлі жаратылыс болғаны үшін өзін де, өзгені де қадірлей білу...