Ongar_online

Бокстан 2008 жылғы Бейжің Олимпиадасының чемпионы Бақыт Сәрсекбаев елге оралып, жаңа қызметке тағайындалғанын мәлімдеді, деп хабарлайды Orda.kz. 

Спортшы әлеуметтік желідегі парақшасында елге президенттің тапсырмасымен келгенін айтты. Оны туризм  және спорт министрінің  өзі шақырыпты. 

«Маған министрдің берген тапсырмасы - ұлттық құрама жанынан резервтік құрама құру. 12-19 ақпан аралығында 18-22 жас аралығындағы боксшылар арасынан резервті құрамаға іріктеу чемпионаты өтеді. Сол құрамада жүлделі орынды еншілеген жас боксшылар менің қол астымда жаттығуды бастайды» деп жазды боксшы.
Бақыт Сәрсекбаев резервтік құрама құрудағы негізгі мақсатын түсіндірді. 

«Қазіргі ұлттық құрама өзінің жағдайын Олимпиадада, Азия Чемпионатында көрсетті. Спортшылардың бұлай әлсіреуі бәсекелестіктің жоқтығы. Өз салмағында теке тіресіп тұрған мықты бәсекелесі болмаса, спортшы өспейді, босаңсып кетеді. Мен ең мықты ұлттық құрамада болдым, ол кезде Бақтияр Артаев, Серік Сапиев, Гена Головкин, Серік Елеуов, Қанат Әбутәліпов, Мейіржан Рахымжанов, Галиб Джафаров сияқты кіл мықтылар болды. Бір салмақта 5-6 мықтыдан болдық», - дейді ол. 

Боксшы спортшыларға босаңсуға болмайтынын айтып, кеңес берді.
«Ұлттық құрама әкеңнің төрі емес екенін білеміз, еркелігің ешкімге керек емес, қалт етсең сенің орныңды басатын резерв толып жүр, тек жаныңды салып, тер төксең ғана дегеніңе жете аласың. Қазір мен бірнеше спорт базаларын аралап көрдім, керемет жағдайлар жасалған. Тіпті біз армандамаған нәрселер бар. Тек дайындал да, нәтиже көрсет. Менің жаттығуларым жеңіл болмайтынын боксшылар біледі. Сол үшін де маған жүрегінде түгі бар, көзінде оты бар, амбициясы биік, жаттығудан шаршамайтын балалар ғана келеді. Олимпиада чемпионы болам дегендер келеді» деп жазды спортшы.

«Қаңтарда» әкесінен, апатта анасынан айырылған жетім балаларға 18 жасына дейін 100 мың теңгеден беріледі
Төлем балалар кәмелет жасқа толғанша жалғасады

Ақшаны Qazaq Stroy компаниясы бөледі, деп хабарлайды Qaz365.kz.

«Қапелімде ата-анадан айырылып, жетім қалған төрт баланың тағдыры туралы білгенде Qazaq Stroy ұжымы қайғыдан шет қала алмады. Балаларының жағдайын жасаймын деп ақтық демі қалғанша арпалысып өткен Сая Есенгелдінің оқиғасы біздің де жанымызға батады. Қиын кезеңде бір-бірімізге қолдау көрсете білсек — ұлт ретінде мықтылығымыздың белгісі. Ауыр қайғыға душар болған балалар баспанасыз қалмасын дейміз. Отбасыға 95 шаршы метр болатын үш бөлмелі кең пәтерді сыйға тартуды шештік. Балалардың өз үйім деп қысылмай кіре алатын жылы, сенімді шаңырағы бар», - деп ақпарат таратты компания.

Qazaq Stroy иесі Нұрлан Артықбаев балалардың әрқайсысына ай сайын 100 000 теңгеден төлеп отыруға шешім қабылдаған. Бұл олар кәмелет жасқа толғанша жалғасады. Бұл жай материалдық көмек емес, оларға қарайласар қамқор жандар екенінің белгісі болсын.

«Осы оқиғаны білгенде бұған бей-жай қарай алмайтынымызды түсіндік. Біз балаларға ата-анасын қайтарып бере алмаймыз, бірақ оларға қорған бола аламыз. Біз жетімін жылатпаған халықпыз. Осы үй балалар үшін береке мен үміт мекеніне айналсын, ал біздің көмек — әлемде жақсы адамдар бар екенінің белгісі болсын», — деді Нұрлан Артықбаев.

Қаңтар оқиғасы кезінде оқ тиіп қаза тапқан Еркебұлан Сыдықбаевтың әйелі жол апатынан қаза тапты. Оның соңында төрт баласы қалған. Сая бүгін жер қойнына тапсырылған.

Журналист Лұқпан Ахмедяровтың айтуынша, Сая жол апатынан 4 ақпанда Алматы-Бішкек тас жолында қайтыс болған. Әдетте, ол күндіз курьер, түнде такси жүргізушісі болып жұмыс істеп, балаларын асырауға тырысқан.
Ата-анасынсыз қалған балалардың болашақ тағдыры не болары әлі белгісіз. Айтуларынша, олардың тәтесі (Саяның әпкесі) бар.

Украина Қарулы Күштері Курск бағытында жаңа шабуылды бастап, қарсы шабуылға шықты. Күштер жаңа тактикалық белгі алды, дейді ресейлік әскери тілшілер..

▪️Махновка ауданында қызу ұрыс жүріп жатыр. Олар Уланоктың украиндық күштердің бақылауында екенін жазады;
▪️Z-блогерлер шабуылдың мақсаты Черкасская Конопелканы қайтарып алу, тылға жету және Сумыдан жеткізу жолын қамтамасыз ету деп санайды;
▪️Кейбіреулер Украина сарбаздары Черкасская Конопелканы айналып өтіп үлгерді деп жазады;
▪️Соғыс туралы жазатын ресейлік тілшілер де Харьков және Чернигов облыстарындағы Украина Қарулы Күштері жаңа тактикалық белгі – ақ шаршыға ие болды деп мәлімдейді;
▪️Украиналық әскерилер ЗСУ бронетранспортерлер пайдалануда деп жазуда, ал Ресей Армиясы талшықты оптикасы бар ұшқышсыз ұшақтарды пайдалануда, өйткені ауа-райы әдеттегі FPV дрондарды қолдануға қолайсыз;
▪️Ресей әскери тілшілерінің хабарлауынша, Украина әскері «мина тазалаушы» техниканы, танктер мен броньды машиналарды іске қосқан.
Алдын ала мәлімет бойынша 10-ға жуық бронетранспортер, төрт танк және екі тролмен шабуылдауда. Сарбаздар саны: кемінде үш батальон, 500 адам қарсы шабуылға қатысуда.

АЛҚА БИЛЕР...

Үш апта бұрын "Мамандандырылған аудан аралық соттан" хабарлама хат алдым почта арқылы. Мені Алқа билер кандидаттығына тіркеген екен. Екі-үш күн өткен соң бір жас жігіт қоңырау шалып, міндетті түрде келуім керек екені, келмеген жағдайда әкімшілік жауапқа тартатыны жайлы ескертіп қойды.

Мен қанша адам кандидат болатыны, қанша адам "Алқа билер сотының" мүшесі болатыны туралы сұрап едім. 250-300 адам келеді. Содан 10 адамды іріктеп аламыз деді.
"Еее айналайын, бір орынға отыз адам таласатын болса, 0 шанс қой. Бармай-ақ қойсам бола ма?деп едім. Қараспанды төндіргені...)

Содан кеше бардым. Барсам әйел-еркегі, жас-кәрісі аралас қарақұрым адам. Топырлап жүріп анкета толтырдық. Топырлап жүріп сот залына жиналдық.

Аздан соң сот келіп іріктеу басталды.
Ең бірінші болып мемлекеттік тілді білмейміз деген 15-20 өзге ұлт өкілдері кетті. Одан кейін қазақша сәл түсінем, бірақ сөйлей алмаймын деген өз мәңгүрттеріміз залды тастап шықты. Олармен бірге діни көзқарасы рұқысат етпейтін, дін өкілдері кетті. Сол үшін сотқа риза боп, іштей қуанып қалдым..))

Одан кейін бұрын қылмыстық іске тартылғандар кетті.
Сосын денсаулығында кінәрат бар, есепте тұрғандарды босатты.
Одан кейін пенсияға жасы келгендермен жасы 25 ке толмағандар кетті. (Бұларға неге шақыру жібергенін білмедім))

Баласы үш жасқа толмағандар да залды босатты..

"Атадан туа алтау едік. Өле-өле жетеу болдық" деп азая бастадық..))

Бір апай давлением өсіп тұр. Мені босатыңызшы деп екі үш рет жалынып әрең рұқысат алды. Бір кісі белімнен грыжам бар деді, үйде кәрі шешем бар қарайтын ешкім жоқ деді, әйтеуір жалынып жалпайып ол да зорға дегенде босап кетті.

Бір әйел төууу алыс ауданнан таксимен әрең жеттім. Менің алқа би болуға мүмкіндігім жоқ деп еді. Алқа биге өтсең жолыңды төлейміз, жұмыс орның сақталады деп отырғызып қойды.

Сосын бір жігіт тұрып сөйледі. Қарасам менің ауылымның баласы. Ол да жалына бастады. 550 шақырымнан шаққа жеттіп таксимен. Ауылда малым, бала-шағам қалды. Мені де босатыңызшы деп. Сот оған да уәж айтып отыра тұр деп отырғызып қойды. Ол жігітті жақсы танимын ғой. Мектепте сегізінші классқа әрең жетіп тастап кетіп, өмір бойы мал бағып жүргенін. Соттың одан қандай "Алқа би" шығарайын деп отырғанын түсінбедім))

Бір кісі әулетінде ағасы 20 жыл бұрын істі болып, бірақ сотталмай ақталып шыққанын айтып еді. Ол кісіні сөзге келтірмей залдан шығарып жіберді.

Менің қасымда отырған келіншек "күйеуім сотталып келді. Қазір үйде" деп еді. Оған отыра тұрыңыз артынан сөйлесеміз деп алып қалды)

Аздан соң менің де биографиям келмей, менде залды тастап шықтым..)
Сонымен менен кейін не болғанын білмейм. Қаншауы қалды? Қаншауы Алқа би болды? ))

Таң қалғаным, сонша адамды бас-көз жоқ неге жинап алғанын әлі түсінбей жүрмін.

Бізді қойшы қаланың ішіндеміз. Екі-үш сағат уақытымыз кетер.
Ана қыстың көзі қырауда төуу шалғай ауылдардан келіп, сотқа қарап жаутаңдап отырғандар ше?
Олардың келіп кетуі, жүріп-тұруына кемі 20-25 мың теңге кетті. Ол шығынды кім төлейді...?
Ең болмаса биографиясына бір қарап, географиясына екі қарап шақырмай ма..?)

Менің түсінігімде "Алқа билер соты" деген сауатты, жан-жақты білімді, өмір көрген, мықты тәжірибелі адамдардан құралатын зиялы тап еді. (Мысалы Бішімбаевтың сотында Алқа билер соты нүктесін қойды ғой )
Соншама зал тола 300 адамнан, Алқа биге лайық үш адамды көз алдыма елестете алмай кеттім..

Пы:сы...
Екі әріптің басын қоса алмайтын іншек, ауылдан шықпаған әйел, мен сияқты мотористен "Алқа билер сотына" кандидаттар жинау әлі миыма сыймай отыр ше..)

Жазба авторы Малик Орақов

Литва, Латвия және Эстония осы сенбіде энергия желілерін Ресейдің электр желісінен ажыратып, Польша арқылы Батыс Еуропаның энергия жүйесіне қосылмақшы

"Ресейге электр энергетикасын геосаяси бопсалау құралы ретінде пайдалануға жол бермейміз" деді Литваның энергетика министрі.

Ресей Украинаға басқыншылық соғыс бастағаннан кейін Балтық елдері ресейлік газ бен электр энергиясын сатып алуды тоқтатқан. Алайда олардың электр желілері Ресей мен Беларуське қосылған күйі қалған еді.

Азаттыққа жазылыңыз

Ресей Украина төңірегіндегі жағдай бойынша АҚШ-пен келіссөздер жүргізуге дайын, бірақ жергілікті жағдайды ескере отырып, Вашингтон қарым-қатынастарды қалыпқа келтіру үшін бірінші қадамды жасауы керек, - дейді РФ Сыртқы істер министрінің орынбасары Рябков.

Осылар не шегеді екен?

Қазақстанға емделуге келетін шетелдіктердің саны күрт артты деген Хабар 24-тің жаңалығын естіп талып қала жаздадым)

Қытай АҚШ-тың әрекетіне жауап ретінде тарифтерді көтерді: ол Америкадан келетін мұнай мен ауылшаруашылық техникасына 10% және көмір мен сұйытылған табиғи газға 15% баж салығын енгізді, - Қытай Мемлекеттік кеңесі.

"Екі түйе ортасында шыбын өледі" деп, екі ортада біз бейнет шегіп кетпесек жарар еді.

Мен Украинаның АҚШ-тың көмегіне айырбас ретінде бізге сирек кездесетін металдарды бергенін қалаймын, деді Трамп

Канада 51-ші штат ретінде қосылса, АҚШ-тың сауда тарифтерінен құтылып, әскери қорғаныс алады, дейді Трамп. Мынауың таза қуды.

Алдағы күндері -30 градусқа дейін аяз болады

Алдағы үш күнде батыс, солтүстік және шығыс өңірлерде атмосфералық ағындардың ықпалымен қар жауып, боран соғады.