Ongar_online

SOS! Қазақстан өз азаматтарына әуе шабуылы қаупіне байланысты Украинадан кетуді ұсынады!

Мәжіліс депутаты Ермұрат Бапи «Ескі Қазақстанды» аңсаушылар елде саяси теңселісті тудыруға ниеттеніп жатқанын айтты, деп хабарлайды Halyq Uni.

Ол Ұлттық қауіпсіздік комитетінің төрағасы Ермек Сағымбаевқа, ақпарат және мәдениет министрі Аида Балаеваға депутаттық сауал жолдады.

«Жуырда өткен республикалық фермерлер форумында президент Қасым-Жомарт Тоқаев «Бүгінде әлеуметтік желілерде әдемі өмір сүру мен оңай олжа табу туралы жарнамалар көбейіп кетті. Бұл халықтың санасына барлық жетістікке қиналмай қол жеткізуге болады деген бос қиялды сіңіреді. Жастардың белгілі бір бөлігі соған сеніп, алтын уақыттарын босқа сарп етуде» деген болатын. Міне, осы «танымал табыстылар» бүгінде қоғамдық пікірге ықпал ету саясатына ауыз сала бастады», - деді Ермұрат Бапи.

Ол қоғамда болған жекелеген жайттарға тоқталды.

«Жуырда әлеуметтік желілер арқылы сенаттың бұрынғы төрағасы Дариға Назарбаеваны жер-көкке сыйғызбай мақтаған видео тарағаны мәлім. Әлбетте, тақырыпқа желеу болған персонаждың басқалардан адами «артықшылығы» болса, оған ешқандай дау жоқ. Бірақ Дариға ханым кеше ғана елдегі екінші басшысы ретінде жоғарғы саяси лауазым иесі болғанын ұмытпау керек. Сондықтан бұны бұрынғы саяси режимнің «артықшылығын» дәріптеуге арналған, қоғамдық санаға сіңірілмек саяси манипуляция деп қабылдау керек. Әсіресе, қазақ қоғамына іріткі салуға астыртын бағытталған осындай «ескіні аңсау» үрдісі бүгінде саяси сипат ала бастаған сияқты. Әлеуметтік желілер арқылы тарап жатқан мұндай манипуляция арқылы «жаңа Қазақстанды» саяси жік-жікке бөлу, өш алу, есе қайтару, «қайтып келу» әрекетінің әлпетін сезіну қиын болмаса керек», - деді депутат.

Оның пікірінше, «Ескі Қазақстанды» аңсаушылар әлеуметтік желілерде көп жазылушысы бар ресустарды «бақылауына» ала бастаған.

«Әлеуметтік желілер мен таралымы миллионға тақау жазылушысы бар танымал интернет ресурстарға қаржылай көмек беру арқылы, оларды өз «бауырларына» басып, ашық платформалар арқылы саяси теңселіс тудыруға ниетті. Маған мұндай инсайдерлік ақпараттың бірнешеуі жетті. «Бүгінгі билік отставкаға кетеді», «мерзімінен бұрын өтетін сайлауларға  дайындық жүріп жатыр», «депутаттардан ұят кетті» деген сияқты жалаң трендтердің әлеуметтік желіге еркін тарауына сол реваншистік күштердің қолтыққа су бүрку әрекеттері себеп болып жатыр. Мұның бәрі «бұрынғының кезінде мұндай болмаған» деген тезисті тарату арқылы қоғамдық санаға солақай саңылау салудың саяси технологиясы деп қабылдау керек», - деді мәжілісмен.

Депутат осындай контрпропагандалық материалдардың бір парасын тиісті ведомстволардың жоғары лауазымды қызметкерлеріне жібергенін, ҰҚК бұл деректерді тексеру керек екенін атап өтті.

Астана. ҚазТАГ. Шығыс Қазақстан облысының бұрынғы әкімі Даниал Ахметов Қорғаныс министрі болған кезінде израильдіктерден бір чемодан доллар пара алды деп айыпталуда - бұл туралы кеңестік және қазақстандық әскери қайраткер, генерал-майор Тұрсын Айжұлов хабарлама жариялады. .

«Кәрібжанов (Жәнібек – ҚазТАГ) Шығыс Қазақстан облысының әкімі болып ұзақ жұмыс істемеді. Отбасының үлкен мүдделері болды, ал Кәрібжанов өзінің әдептілігінің арқасында оларды қорғауға және қанағаттандыруға ешбір жағдайда сәйкес келмеді. Олар оның орнына Бергеневті (Әділғазы - ҚазТАГ) тапты, ол отбасына, атап айтқанда Дариғаға қолайлы еді. Бірақ көп ұзамай олар оның орнына адал адам Даниал Ахметовты әкелді. Рас, ол бұған дейін Қорғаныс министрі болып тұрғанда израильдіктерден дипломат доллар алғаны үшін әскери қарсы барлаудың қауіпсіздік қызметкерлеріне ұсталған болатын. НӘН кешірді. Содан кенет министр шенімен Мәскеуге жіберілді, одан Шығыс Қазақстан облысының әкімі болды. Отбасының пайдасына «темір қазық» болды. Назарбаев кетер алдында оның әкімдігінің өкілеттік мерзімін ұзартқаны бекер емес еді. Ал Даниал Ахметовті парамен ұстаған әскери қарсы барлау қызметкерлері ауыстырылып, зейнеткерлікке жіберілді», — деп жазды Айжұлов әлеуметтік желідегі парақшасында.

ҚазТАГ редакциясы сипатталған жағдайға байланысты тиісті құзырлы мемлекеттік органдарға сауал жолдап үлгерді.

Халықаралық орыс тілі ұйымын құру туралы заңға дауыс беру кезінде бір депутат қарсы болып, бір депутат қалыс қалыпты. Олар кім болды екен?

Уақыт белдеуінің әсерін зерттеуге 160 млн теңге жұмсалуы мүмкін дейді. Шығатын жері қайда?

Қазақстан құрамасының бас бапкері Станислав Черчесов Ұлттар лигасындағы масқараға бірнеше себептің барын айтқан еді. Тіпті, «маған дейін команда қараусыз қалған ұжымдай еді, мен келіп реттеп жатырмын» деген де болатын. Мұндай сөзді ол Норвегимен болған матчтан кейін айтты. Сол матчты Черчесов шәкірттері 0:5 есебімен ойсырай жеңілген болатын.
Станислав Черчесовтың осы сөзі Қазақстан құрамасының бұрынғы бас бапкері Магомед Адиевке ауыр тисе керек. 
«Қазақстан құрамасы Черчесов келгелі бірде-бір гол соға алған жоқ. Бұл әрине, өкінішті жайт. Ол бапкер болып келгенде көп үміт күттірді. Алайда, жанкүйерлердің бұл үміті ақталған жоқ. Түсінемін, қарсыластары мықты болды. Бірақ, мықты қарсыласпен ойнайтын кезде жақсы ойын тәсілін ойлап табуың керек. Олай болған жоқ. Мен бас бапкер болған кезде де Қазақстан құрамасы Еуропаның мықты құрамалары ұтты. 
Мен Станислав Саламұлын құрметтеймін. Бірақ, оның қараусыз қалған команда туралы айтқан сөзі менің көңіліме тиді. Оның пікірінше, мен және федерация ол келгенге дейін мүлдем жұмыс істемегенбіз ғой?! Әрине, бұл оның жеке пікірі. Бірақ, біз Әділет Бәрменқұловпен бірге соңғы екі жылда айтарлықтай жақсы нәтиже көрсеттік. Қалай болғанда да, мен Қазақстан құрамасына бұдан кейін де жанкүйер боламын. Черчесов сөзден іске көшіп, тезірек команданы жеңістерге жетелесе екен деп тілеймін. Егер оның жетістігі менің жетістіктерімнен асып түссе мен тек қана қуанамын», - деді Адиев.
Айта кетейік, Қазақстан құрамасы Ұлттар лигасында алты матч өткізіп, оның бесеуінде жеңілді және бірінде тең ойнады. Черчесов шәкірттері осы алты ойында өз қақпасына 15 гол жіберіп, қарсылас қақпасына бірде-бір гол соға алмады.