Inside Ads

Автоматическая монетизация каналов и чатов

GramAds: реклама в Telegram. $1.5 cpm

Быстрая модерация, лёгкий запуск, высокие конверсии.

Konotopova Live

Продюсирую жизнь, переводчиков контента и котиков.

Статистика Избранное

Ансатбай КАРАЖАНОВ📝✍

Гео и язык канала: Казахстан, Казахский

Категория: Книги

Өткен өмириңди муғаллим деп бил📖📚📓

Каналға өзиңиздиң жақын досларыңызды мирәт етиң!

Связанные каналы | Похожие каналы

Гео и язык канала

Казахстан, Казахский

Категория

Книги

Статистика

Избранное

Фильтр публикаций

Скрывать удаленные

Скрывать репосты

Ансатбай КАРАЖАНОВ📝✍

7 Mar, 20:10

СИЗЛЕР МЕНЕН ДҮНЬЯ ГӨЗЗАЛ ҲАЯЛЛАР.

Сабыр ҳәм төзими метиндей қатты,
Сизлер себеп дунья болып тур жақты.
Ер жигиттиң сүйген яры ҳәм бахты,
Сизлер менен дүнья гөззал ҳаяллар.

Тумаристей күшке толы, қуўатқа,
Гүл болса-да тастан қатты бирақта,
Биз жетемиз сизлер себеп муратқа.
Сизлер менен дүнья гөззал ҳаяллар.

Бәҳәр гүллериндей жүриң ашылып,
Қуяш киби күлимсиреп шашылып.
Мақтайын бир мақтаўыңды асырып,
Сизлер менен дүнья гөззал ҳаяллар.

Дүнья жүзиндеги ҳаял затының,
Тилегим көзинен көз жас ақпасын.
Байрамың мүбәрек әзийз ҳаяллар,
Сизлерди тил көзден Алла сақласын.

Жолды жарытыўшы жанған шырақсыз,
Меҳир суўын үлесиўши булақсыз.
Бул дүньяда ең уллысыз, зыятсыз,
Сизлер менен дүнья гөззал ҳаяллар.

Ансатбай Каражанов
07.03.2025

Каналға ағза болыў ушын:
http://t.me/Ansatbai

2.6k 1 81 16

Ансатбай КАРАЖАНОВ📝✍

7 Mar, 20:04

СИЗЛЕР МЕНЕН ДҮНЬЯ ГӨЗЗАЛ ХАЯЛЛАР.

Ансатбай Каражанов✍️
Ансатбай Каражанов🎙

Каналға ағза болыў ушын:
http://t.me/Ansatbai

246 0 6 8

Ансатбай КАРАЖАНОВ📝✍

7 Mar, 05:32

ҚӘДИР, ҲҮРМЕТ ҲАҚҚЫНДА

Айтайын сизлерге өмирдиң сырын,
Адам билиў керек ҳүрметин сыйын.
Жүргеннен пайда жоқ көрсетип қырын,
Көрсетсең тек ғана өзиңе қыйын.

Ығыр ешек яңлы болсалар бенде,
Ҳүрмети сыныўы екен бир демде.
Қосжақпас, ығыр ҳәм ҳарам ешеклер,
Аўызын басады қойғаннан жемге.

Исенгениң аяқ қойса жүзиңе,
Алға емес қайтқың келер изиңе.
Не қылсаңда бирақта бул өмирде,
Қайтып келер бир күн келип өзиңе.

Қәдирин бил, қәдириңди билгенниң,
Емес бирақ, табаныңды тилгенниң.
Пайдасы жоқ, бирақ өтип кеткенсең,
Қыйналғанның, өртенгенниң, күйгенниң.

Билген жақсы сүйегенниң қәдирин,
Билмегенниң көзлери көр болады.
Қыянеттиң тартасаңлар жәбирин,
Ана жақта жүги аўыр болады.

Аржағында болса жигит ақылы,
Оңғарады өзин жақсы тәрепке.
Төмен болса бирақ оның жатыры,
Пайдасы жоқ, оған еткеннен өкпе.

Қәдир тапқың келсе егер өзиңиз,
Бирдей болсын исиңиз ҳәм сөзиңиз.
Ас ишкенде ҳәмме менен табақтан,
Жумылмасын пышық киби көзиңиз.

Ансатбай Каражанов
07.03.2025

Каналға ағза болыў ушын:
http://t.me/Ansatbai

Ансатбай КАРАЖАНОВ📝✍

Өткен өмириңди муғаллим деп бил📖📚📓 Каналға өзиңиздиң жақын досларыңызды мирәт етиң!

314 0 5 14

Ансатбай КАРАЖАНОВ📝✍

7 Mar, 05:30

Қәдир, хүрмет хаққында

Ансатбай Каражанов✍️
Ансатбай Каражанов🎙

Каналға ағза болыў ушын:
http://t.me/Ansatbai

329 0 2 5

Ансатбай КАРАЖАНОВ📝✍

6 Mar, 04:54

Жақсылық қалар

Ансатбай Каражанов✍️
Ансатбай Каражанов🎙

Каналға ағза болыў ушын:
http://t.me/Ansatbai

446 0 6 8

Ансатбай КАРАЖАНОВ📝✍

6 Mar, 04:50

ЖАҚСЫЛЫҚ ҚАЛАР

Жаз қәне деп буйрық бердим қәлемге,
Мәңги емес мәртебе ҳәм әмелде,
Барыспаңлар соның ушын мәлелге,
Адамнан тек ғана жақсылық қалар.

Аўыртпа ҳеш кимниң кеўилин зинҳар,
Илтимас етселер етпегил инкар,
Минсеңде астыңа ең жақсы тулпар,
Адамнан тек ғана жақсылық қалар.

Болмаңлар ҳеш қашан шайтанға сыңар,
Сондай-ақ жаманлық етиўге қумар.
Адам жаман болса бир күни сынар,
Адамнан тек ғана жақсылық қалар.

Жигитке жараспас жүрген санасып,
Оннан көре жүрген жақсы қарасып.
Бул дүньяға тек жақсылық жарасық,
Адамнан тек ғана жақсылық қалар.

Жүрген жаман бир-биреўди сынасып,
Не қылсаңда жақсы өтер қыр асып.
Ҳәўлирме ал бала, өзиңди басып,
Адамнан тек ғана жақсылық қалар.

Ансатбай Каражанов
06.03.2025

Каналға ағза болыў ушын:
http://t.me/Ansatbai

Ансатбай КАРАЖАНОВ📝✍

Өткен өмириңди муғаллим деп бил📖📚📓 Каналға өзиңиздиң жақын досларыңызды мирәт етиң!

750 0 12 15

Ансатбай КАРАЖАНОВ📝✍

3 Mar, 01:38

Өзге яр

Шөп салып көзине үйдеги ярдың,
Өзге ярдың аяғына бас урма.
Жети жат бийгана, нәмәҳрем ярдың,
Жыллы сөзлерине басыңды бурма.

Жарты қылма бала-шаға ырысын,
Айттым саған ҳақыйқатын, дурысын.
Шаңарағы бар еркекке қас қаққан,
Бундай ҳаял бул өмирден қурысын.

Артық көрип өзгени, өз ярыңнан,
Бөлип берип жүрме дүнья малыңнан.
Бир күн келип бағ-дәўлетиң ушқанда,
Хабар алмас өзге ярлар ҳалыңнан.

Билсең оған керек тек сениң пулың,
Қызық емес оған ҳаялың, улың.
Өзге яр деп өз ярыңнан суўымай,
Ярың, улың менен сәўбетти қурың.

Жаманлап өзиниң ата-енесин,
Жоқ емес жүргенлер сатып денесин.
Өз ярыңнан өзгесиниң бәри бийкар,
Ярыңды асыра мениң кеңесим.

Өзге яр ойламас сениң балаңды,
Өзге яр деп шерткенди қой намаңды.
Бул өмирде небир қошшақ жигитлер,
Яры емес өзге ярға таланды.

Ансатбай Каражанов
03.03.2025

Каналға ағза болыў ушын:
http://t.me/Ansatbai

Ансатбай КАРАЖАНОВ📝✍

Өткен өмириңди муғаллим деп бил📖📚📓 Каналға өзиңиздиң жақын досларыңызды мирәт етиң!

697 0 17 35

Ансатбай КАРАЖАНОВ📝✍

1 Mar, 06:21

РАМАЗАН АРТЫҚ МЫҢ АЙДАН.

Шүкир ет, Аллаға муңаймаң,
Тәңири жоқ басқа қудайдан,
Негизи Адамзат ылайдан,
Рамазан артықдур мың айдан.

Жүз он төрт сүреден қуралған,
Ең уллы китап жоқ Қураннан,
Нәписти тыйады қумардан,
Рамазан артықдур мың айдан.

Қәдир түни бардур бул айдың,
Бәримиз бендеси қудайдың,
Қәсийетли ҳәмде кийели,
Рамазан артықдур мың айдан.

Уллы китап Қураны-қәрим,
Жер жүзиниң бәрине мәлим.
Жақсылықтың жәмлеген бәрин,
Рамазан артықдур мың айдан.

Ансатбай Каражанов
06.04.2023
Архивтен

Каналға ағза болыў ушын:
http://t.me/Ansatbai

Ансатбай КАРАЖАНОВ📝✍

Өткен өмириңди муғаллим деп бил📖📚📓 Каналға өзиңиздиң жақын досларыңызды мирәт етиң!

903 0 12 19

Ансатбай КАРАЖАНОВ📝✍

1 Mar, 06:20

РАМАЗАН КЕЛДИ.

Өкпе гейнени қой, жарасың енди,
Бирлик болса ҳеш ким бузалмас елди,
Қуўантайық қәне! кеўили кемди,
Айлардың султаны Рамазан келди.

Мың айдан абзалдур, деседи бул ай,
Сүйер саўап исти, жаратқан қудай,
Айлардың ишинде жоқдур, ай бундай,
Айлардың султаны Рамазан келди.

Тек ғана Алладур, жалғыз бийайып,
Жаратқан Аллаға ҳәмдлер айтайық,
Өксиген кеўилге нур таратайық,
Айлардың султаны Рамазан келди.

Жақсылық деп түриң тек ғана жеңди,
Кешириң жас үлкен кишкене теңди,
Өкпе гийнени қой! болды да енди,
Айлардың султаны Рамазан келди.

Қәлбимиз төринде ийман жайнатып,
Жүреклерде жақсылықты қайнатып,
Бағ ишинде әтшөк қуслар сайратып,
Айлардың султаны Рамазан келди.

Ансатбай Каражанов
23.03.2023
Архивтен

Каналға ағза болыў ушын:
http://t.me/Ansatbai

Ансатбай КАРАЖАНОВ📝✍

Өткен өмириңди муғаллим деп бил📖📚📓 Каналға өзиңиздиң жақын досларыңызды мирәт етиң!

1.4k 0 20 10

Ансатбай КАРАЖАНОВ📝✍

28 Feb, 23:15

03:49

Видео недоступно для предпросмотра

Смотреть в Telegram

1.8k 1 42 9

Ансатбай КАРАЖАНОВ📝✍

28 Feb, 23:13

Bahar keldi — Bazargul Karimova

Бәҳәр келди.

510 0 11 9

Ансатбай КАРАЖАНОВ📝✍

28 Feb, 23:04

КӨРМЕГЕНДЕЙ БОЛЫП КЕТЕСЕҢ

Сабырлы бол шыда шырағым,
Қабыл алып Алла сынағын.
Еле жағып өмир шырағын,
Көрмегендей болып кетесең.

Ертең таңда жүгирип шаўып,
Бул дәртиңниң шыпасын таўып.
Ден-саўлығың кетеди байып,
Көрмегендей болып кетесең.

Дәрт дегенди артыңа таслап,
Турса Алла алдыға баслап.
Жүрме балам көзиңди жаслап,
Көрмегендей болып кетесең.

Тәңирим тур жолыңды ашып,
Кеўилиң тур дәрьядай тасып,
Келешекте мәртебең асып,
Көрмегендей болып кетесең.

Азар кетти, дәрт кетти қашып,
Жақсылық тур жолларын ашып,
Қуяш киби еле нур шашып,
Көрмегендей болып кетесең.

Аңсатбай Каражанов
01.03.2025

Каналға ағза болыў ушын:
http://t.me/Ansatbai

Ансатбай КАРАЖАНОВ📝✍

Өткен өмириңди муғаллим деп бил📖📚📓 Каналға өзиңиздиң жақын досларыңызды мирәт етиң!

569 0 7 17

Ансатбай КАРАЖАНОВ📝✍

28 Feb, 05:58

МӘҢГИЛИК ЖОҚ.

Ҳей бенде қонақсаң бес күн жалғанға,
Мәңгилик жоқ, мәңгимен деп алданба.
Не қылсаңда жуўабыңды бересең,
Демиң питип ана жаққа барғанда.

Ҳеш кимге жаманлық қылмаңлар қастан,
Қорқың, қорқың, бирақ аққан көз жастан.
Мәңгилик жоқ бул бес күнлик жалғанда,
Қолыңда турған жоқ жер менен аспан.

Азап берген бир күн жәбирин тартар,
Саўап истен көре гүнасы артар.
Не қылсаңда бул бес күнлик жалғанда,
Перзентиң ямаса өзиңе қайтар.

Әмел берилмеген ҳеш кимге байлап,
Ҳеш кимди мәңгиге қойған жоқ сайлап.
Өмир қазанында бәримиз бирге,
Байда, кәмбағалда атырмыз қайнап

Ҳәр кимниң болсалар пәлеги таза,
Жазықсыз ҳеш кимге бермейди жаза.
Әмел тийгенинде өзгерип қалып,
Базылар болады екен биймаза.

Мәңгилик жоқ, бул бес күнлик жалғанда,
Пайда да жоқ қуры ўайқаң салғанға.
Қыйсық емес дурыс жолдан жүрейик,
Өмир деген өзгериў бир майданда.

Ансатбай Каражанов
28.02.2025

Каналға ағза болыў ушын:
http://t.me/Ansatbai

Ансатбай КАРАЖАНОВ📝✍

Өткен өмириңди муғаллим деп бил📖📚📓 Каналға өзиңиздиң жақын досларыңызды мирәт етиң!

691 0 9 20

Ансатбай КАРАЖАНОВ📝✍

27 Feb, 12:27

02:36

Видео недоступно для предпросмотра

Смотреть в Telegram

Ибрайым Юсупов дөретиўшилигинен

Каналға ағза болыў ушын:
http://t.me/Ansatbai

1.1k 0 24 14

Ансатбай КАРАЖАНОВ📝✍

26 Feb, 21:47

ҚАРАҚАЛПАҚСТАН

Үстиртим кең жазық аспаным ашық,
Көкте күлимсирер қуяш нур шашып.
Усы күнге шекем келдиң жол басып,
Мәңги жайнап жасна Қарақалпақстан.

Бир күн келип теңиз келер жаныңа,
Аралым қайтады ески ҳалына.
Ҳеш нәрсе жетпейди Қара таўыңа,
Мәңги жайнап жасна Қарақалпақстан.

Кийик ойнар қыя-қыя шөлиңде,
Балық ойнар айдын-айдын көлиңде.
Ала мойнақ дуўтар турар төриңде,
Мәңги жайнап жасна Қарақалпақстан.

Аңқылдақлық қаныңда бар әзелден,
Қалдырмасын Алла таала нәзерден.
Жырлар сени жыраў, бақсы, сәзендең,
Мәңги жайнап жасна Қарақалпақстан.

Бул елдиңде гүллейтуғын ўағы бар,
Бөрши таўың Қаратерең тағы бар,
Нөкисимде Қаҳарманның бағы бар.
Мәңги жайнап жасна Қарақалпақстан.

Ансатбай Каражанов
26.02.2025

Каналға ағза болыў ушын:
http://t.me/Ansatbai

557 0 3 30

Ансатбай КАРАЖАНОВ📝✍

24 Feb, 21:19

ИЙЕСИН ТЕБЕДИ ЕШЕК СЕМИРСЕ.

Жәрдем сорар, адам бели ийилсе,
Жоллары жабылып ҳәмме түңилсе,
Ядда сақлаң бул сөзимди яранлар,
Ийесин тебеди ешек семирсе.

Дәртин айтар адамларда езилсе,
Жаман болар өзин аттай сезинсе,
Адамның болғаны жаман, өзинше,
Ийесин тебеди ешек семирсе.

Жақсы адам пәнт жер екен көбинше,
Адамды мақтама ҳасла көзинше,
Даналық бар қарақалпақ халқында,
Ийесин тебеди ешек семирсе.

Жуўас болар ол арбаға жегилсе,
Мийнет ислеп шаршап тери төгилсе,
Күни келип оған имкан берилсе,
Ийесин тебеди ешек семирсе.

Ең жаман зат адам кеўли түңилсе,
Қыйналасаң, жаслай адам бүлинсе,
Сәл азырақ басың пәске ийилсе,
Ийесин тебеди ешек семирсе.

Ансатбай Каражанов
11.01.2023 Архивтен

Каналға ағза болыў ушын:
http://t.me/Ansatbai

Ансатбай КАРАЖАНОВ📝✍

Өткен өмириңди муғаллим деп бил📖📚📓 Каналға өзиңиздиң жақын досларыңызды мирәт етиң!

767 0 4 25

Ансатбай КАРАЖАНОВ📝✍

20 Feb, 22:03

КИМ БОЛСАҢДА

Турғанда демиңе ҳәзир нан писип,
Ҳаўалап кетпеңлер, жүр жерге түсип,
Тәңирим қойыпты жобасын пишип,
Ким болсаңда қара жерге барасаң.

Минсеңде астыңа тулпардың зорын,
Узатқан жерине жетседе қолың,
Озық болсадағы өзгеден ойың,
Ким болсаңда қара жерге барасаң.

Дәўран атың жетсе мәнзилге барып,
Жүйриктей шапсаңда топ ишин жарып,
Бир гәпти айтайын сизлерге анық,
Ким болсаңда қара жерге барасаң.

Өңириңе алтын медаль тақсаңда,
Дәрья киби бурқасынлап ақсаңда,
Дүнья малды мол-молынан тапсаңда,
Ким болсаңда қара жерге барасаң.

Әмел атын мәңги шаўып турсаңда,
Жасаў ушын алтын сарай қурсаңда,
Кеўил кирин жуўмасаңда, жуўсаңда,
Ким болсаңда қара жерге барасаң.

Ансатбай Каражанов
21.02.2025

Каналға ағза болыў ушын:
http://t.me/Ansatbai

Ансатбай КАРАЖАНОВ📝✍

Өткен өмириңди муғаллим деп бил📖📚📓 Каналға өзиңиздиң жақын досларыңызды мирәт етиң!

936 0 17 32

Ансатбай КАРАЖАНОВ📝✍

19 Feb, 20:18

ТӨРТЛИКЛЕР

Услағанлар еки қайықтың басын,
Бир күн келип жейди тәғдирдиң тасын.
Пул ушын қаққанлар өзгеге қасын,
Сөндирип алады бахыт шырасын.
                         ***
Өзге бағ мийўесин сорамай қағып,
Жесеңлер кетеди ишиңиз ағып.
Керек емес адам бес күн жалғанда,
Өзгеге өзиниң күйесин жағып.
                           ****
Кимге не қылсаңда қайтар өзиңе,
Сонлықтан тек ғана жақсылық қылың.
Көрсетпесин десең Алла көзиңе,
Жаманлық қылмаңлар жақсылық қылың.
                      ****
Алла қәлемеген ҳәр қандай исти,
Бенде мың қәлесин қыла алмайды.
Тил жарып шығады бирақта тисти,
Себеп тарнаў болып тура алмайды.
                      ****
Адамзат үйренсе егерде мутқа,
Бир тийин бергиси келмейди журтқа.
Бирақ сақый етип көрсетер өзин,
Өзин билмейтуғын бийтаныс, сыртқа.
                      ****
Кисиге қылынған ҳәр қандай ислер,
Ўақыт өтип бир күн қайтар өзиңе.
Бир күн ғарғыс тийип бармағын тислер,
Көрсеткенде тәңир Алла көзине.
                      ****
Жаслайыңнан дурыс таңласаң жолды,
Барар мәнзилиңиз анық болады.
Жәрдемге мүтәжге созбасаң қолды,
Өмир жолларыңыз арық болады.

Ансатбай Каражанов
19.02.2025

Каналға ағза болыў ушын:
http://t.me/Ansatbai

Ансатбай КАРАЖАНОВ📝✍

Өткен өмириңди муғаллим деп бил📖📚📓 Каналға өзиңиздиң жақын досларыңызды мирәт етиң!

769 0 4 23

Ансатбай КАРАЖАНОВ📝✍

18 Feb, 19:05

Балам Жумабаев Мусабектиң туўылған күнине қутлықлаў.

Балам саған арнап жазайын қосық,
Болмасын жолыңда ҳеш қашан тосық.
Мениң саған туўылған күн тилегим,
Қызығың көргеймен қатарға қосып.

Алла узағынан бергей жасыңды,
Ғам тәшўиш иймегей ҳасла басыңды.
Мениң саған туўылған күн тилегим,
Муса киби ҳақла Муса атыңды.

Жүзиңнен қуўаныш күлки кетпесин,
Бахыт әўмет ҳасла шетлеп өтпесин.
Мениң саған туўылған күн тилегим,
Тәғдириңе ҳеш жаманлық питпесин.

Муса атаң яңлы елди басқарып,
Жүргениңди көрсин мениң көзлерим.
Муса балам саў саламат жүргейсең,
Еледе көп жақсы тилек сөзлерим.

Басыңнан ҳеш бағ дәўлетиң таймасын,
Бахтың жанып қуяш киби парласын.
Мениң саған туўылған күн тилегим,
Өмир жолың тек мазмунға қайнасын.

Туўылған күниң қутлы болсын, өмир жасың узақ мазмунлы болсын, көзлериң ҳеш қашан жаманлық көрмесин деп әкең Аңсатбай, анаң Дилара, әжағаларың Бердах ҳәм Исламбек.

Каналға ағза болыў ушын:
http://t.me/Ansatbai

772 0 3 48

Ансатбай КАРАЖАНОВ📝✍

16 Feb, 20:28

ДОС ЯРАНЫ КӨП БОЛМАЙДЫ....

Дос яраны көп болмайды,
дурыс жолдан жүргенниң,
Барлығыда әдил болмас,
әмел атын мингенниң.
Қәсиети жоқ бул өмирде,
қуры босқа күлгенниң,
Түн уйқысы пүтин болар,
тәңирге бас ийгенниң.

Пайдасы жоқ өткен иске,
қуры жанып күйгенниң,
Питпес иске бас қатырып,
терең ойға шүмгенниң.
Барлығыда жаман емес,
әмел атын мингенниң,
Дос яраны көп болмайды,
әдил жолдан жүргенниң.

Бир күн келип жазасы бар,
кеўилге көп тийгенниң,
Барлық ўақыт мазасы бар,
тәңирге бас ийгенниң.
Ҳәр кимниң өз заман бар,
дәўри-дәўран сүргенниң,
Дос яраны көп болмайды,
дурыс жолдан жүргенниң.

Ақылы бар сөйлетпей-ақ,
өзи билип илгенниң,
Ақылы жоқ даў шығарып,
бийкар табан тилгенниң,
Жақсыда бар, жаманда бар,
әмел атын мингенниң,
Дос яраны көп болмайды,
әдил жолдан жүргенниң.

Ҳүрметин қыл сениң ушын,
өз ўақытын бөлгенниң,
Тәрбиясы дүзеў болар,
көргенли ҳәм көргенниң,
Жолы болмас ҳеш ўақытта,
шайтанларға ергенниң,
Дос яраны көп болмайды,
әдил жолдан жүргенниң.

Ансатбай Каражанов
16.02.2025

Каналға ағза болыў ушын:
http://t.me/Ansatbai

Ансатбай КАРАЖАНОВ📝✍

Өткен өмириңди муғаллим деп бил📖📚📓 Каналға өзиңиздиң жақын досларыңызды мирәт етиң!

888 0 11 26

Показано 20 последних публикаций.

968

подписчиков

Статистика канала

Популярное в канале

СИЗЛЕР МЕНЕН ДҮНЬЯ ГӨЗЗАЛ ҲАЯЛЛАР. Сабыр ҳәм төзими метиндей қатты, Сизлер себеп дунья болып тур...

Пост #2967: Видео

РАМАЗАН КЕЛДИ. Өкпе гейнени қой, жарасың енди, Бирлик болса ҳеш ким бузалмас елди, Қуўантайық қ...

Руухыңыз шад болсын АНАЖАН

ДҮЗЕЎ БОЛМАСАҢ Әўел бастан өзиң дүзеў болмасаң, Бала тәрбиясы дүзеў болмайды. Ертеңги күн келеше...