Qazaqparat


Гео и язык канала: Казахстан, Казахский
Категория: Новости и СМИ


Qazaqstan jáne álem jańalyqtary
ҚазАқпарат. Қазақстан және әлем жаңалықтары


Гео и язык канала
Казахстан, Казахский
Категория
Новости и СМИ
Статистика
Фильтр публикаций


Видео недоступно для предпросмотра
Смотреть в Telegram
Арыстық жігіт салмағы 43 келі болатын қошқарды 1111 рет көтерді

@qazaqparat_kz


Хабиб Нурмагомедов Қазақстанда үлкен турнир өткізбек

UFC бұрынғы чемпионы Хабиб Нурмагомедов өзінің Eagle FC лигасы бойынша Қазақстанда үлкен турнир өткізу жөніндегі жоспарын жариялады.

Аталған турнирдегі басты жекпе-жек орта салмақтағы Eagle FC чемпионы, тәжікстандық файтер Фаридун Одилов (12-2) және қазақстандық Дәурен Ермековтің (14-5) арасында болмақ.

«Екеуі жекпе-жек өткізуге келісім берді. Жекпе-жек желтоқсан айында Қазақстанда ұйымдастырылады деген ойдамыз», - деді Хабиб Нурмагомедов.

@qazaqparat_kz




🇰🇿🇺🇳 Президент Қасым-Жомарт Тоқаев БҰҰ Бас Ассамблеясының төрағасы Абдулла Шахидпен кездесті

Қасым-Жомарт Тоқаев Абдулла Шахидке ілтипат білдіре отырып, Қазақстан мен БҰҰ арасындағы ықпалдастықты одан әрі кеңейту жолында оның бұл сапарының маңызды екенін атап өтті.

Президент жаһандық бейбітшілікті, қауіпсіздік және тұрақты дамуды қамтамасыз етудегі Дүниежүзілік ұйымның айрықша рөлін атап өтті. Сонымен қатар Абдулла Шахидтің БҰҰ Бас Ассамблеясының төрағасы лауазымындағы белсенді қызметін жоғары бағалады.

– БҰҰ Бас Ассамблеясының 77-сессиясы – барша адамзат үшін ең қажетті шешімдерді ұсыну мақсатымен басшылардың сындарлы жағдайда бас қосуы үшін бірегей мүмкіндік. Біз осы маңызды іс-шараны нәтижелі өткізу үшін Сіздің қосып отырған үлесіңізді құрметтейміз,– деді Мемлекет басшысы.

Өз кезегінде БҰҰ Бас Ассамблеясының 76-сессиясының төрағасы елімізге, Орталық Азияға алғаш рет келгенін айтып, Қазақстан мен БҰҰ арасындағы 30 жылдық кезеңдегі көпжоспарлы әріптестіктің деңгейіне көңілі толатынын жеткізді. Сондай-ақ Қазақстан Президентінің бастамасымен елімізде жүзеге асырылып отырған ауқымды реформаларды, Конституцияға өзгерістер енгізу бойынша өткен референдумды жоғары бағалады.

Қасым-Жомарт Тоқаев биыл 13-15 қыркүйекте елордамызда Әлемдік және дәстүрлі діндер көшбасшыларының жетінші съезі өтетініне тоқталып, Біріккен Ұлттар Ұйымының қолдауына алғысын білдірді.

Абдулла Шахид Әлемдік және дәстүрлі діндер көшбасшыларының жиынын маңызды алаң деп атап, съездің мәртебесін жоғары бағалады. Оның айтуынша, әлем елдерінде көп жағдайда түсінбестік адамдардың наным-сеніміне қарай кемсітуінен туындап жатады. Сондықтан БҰҰ Бас Ассамблеясының төрағасы діни көшбасшылардың жетінші съезінде рухани жетекшілердің әлемдік бейбітшілікті насихаттауы негізгі месседж болатынына сенетінін жеткізді.

@qazaqparat_kz


Видео недоступно для предпросмотра
Смотреть в Telegram
❄️ Қарағанды облысында қар аралас бұршақ жауды

Бұршақ Ақтоғай ауданында жауған. Синоптиктер жыл мезгіліне тән емес табиғи құбылыстың осы аудан арқылы өткен суық фронттың салдарынан болғанын айтады.

Жағдайға жергілікті атқарушы органдар да түсініктеме берді. Олардың айтуынша, егін шаруашылығымен айналысатын шаруа қожалықтары табиғи құбылыстан зардап шекпеген. Бұршақ жауған ауылдың аумағында егістік алқаптары жоқ.

@qazaqparat_kz


📚 Ауыл мектептерінің қандай басымдығы бар?

Бұл туралы Оқу-ағарту министрі Асхат Аймағамбетов айтты.

💬«Бұл мектептердің барлығында дерлік бір ауысыммен оқуға болады. Бұл – өте үлкен басымдық. Өкінішке орай, қалалық мектептерде үш ауысыммен білім беретін оқу ордалары аз емес. Көпшілігі 2 ауысыммен білім береді. Ал, бір ауысуыммен білім беру – шағын жинақты ауыл мектептерінің зор басымдығы», - деді ол.

@qazaqparat_kz


💰«Google салығы» бойынша Қазақстан бюджетіне 3 млрд теңге аударылды

@qazaqparat_kz


❗️ Бақытгүл Хаменова бір апта бұрын Атырау облысы әкімінің орынбасары лауазымынан босатылған

@qazaqparat_kz


Ақтөбеде 7 тамызда қоқыс полигоны жанып, қазіргі кезде алаң әлі бықсып жатыр. Мұнда өрт сөндірушілермен қатар, полигон қызметкерлері жұмыс істеп жүр.

@qazaqparat_kz


Солтүстік Кореяның көшбасшысы Ким Чен Ын КХДР коронавирус індетін жеңгенін жария етті

КХДР басшысы бұл мәлімдемені бір күн бұрын өзі төрағалық еткен эпидемияға қарсы шаралар жөніндегі ұлттық жиналыс кезінде жасады.

«Ол елге енген жаңа коронавирусты жою және адамдардың өмірі мен денсаулығын қорғау бойынша эпидемияға қарсы төтенше науқандағы жеңісін салтанатты түрде жариялады», - делінген хабарламада.

@qazaqparat_kz


Ислам ынтымақтастығы ойындарында жеңіл атлет Михаил Ливтин алтын медаль алды 👏

Ол 400 метрлік қашықтықта жүгіруден сайысқа түсті. Нәтижесінде 45,36 секундтық көрсеткішпен мәре сызығын бірінші болып қиды.

@qazaqparat_kz


Видео недоступно для предпросмотра
Смотреть в Telegram
💥 Tartyl fest

📍Қостанай қаласы, City center сахналық алаңы

🗓 12 тамыз

Жүлде қоры 3 000 000 теңге!

Фестиваль қонағы: 2Rar

Кел. Қатыс. Бағыңды сына.

@qazaqparat_kz


🏅Қазақстанда қайырымдылық жасаған адамдарға атақ беріледі

Қазір оның ережесі мен талабы әзірленіп жатыр. Қайырымдылық жасағаны үшін берілетін құрметті атақ жыл сайын байқау негізінде тағайындалады. Атақ жеке адамға немесе ұйымға берілуі мүмкін.

@qazaqparat_kz


Нұртаев Қайрат Атырау облысы әкімінің орынбасары лауазымына тағайындалды

@qazaqparat_kz


Бақытгүл Хаменова өзіне тағылған айыпты мойындаған жоқ

Атырауда облыс әкімінің орынбасары Бақытгүл Хаменоваға қатысты сот өтіп жатыр.

Сотта Бақытгүл Хаменова өзіне тағылған айыпты мойындамайтынын мәлім етті.

Бақытгүл Хаменова мен Ақылбек Рысқалиевтың ісі ҚР Қылмыстық кодексінің 366-бабының 3-бөлігінің 3-тармағымен тергелген. Ал, «Балқыту» ЖШС директоры Өміртай Адамов ҚР Қылмыстық кодекстің 367-бабының 2-бөлігімен тергеуге алынған.

@qazaqparat_kz




Мемлекет басшысы Жоғарғы Сот төрағасы Жақып Асановты қабылдады

Қасым-Жомарт Тоқаев Жоғарғы сот төрағасының еліміздегі сот төрелігінің қазіргі ахуалы туралы баяндамасын тыңдады.
 
Жақып Асанов қылмыстық процесте ауыр және аса ауыр қылмыстар бойынша ақтау үкімдерінің саны 7 есе артқанын жеткізді. Құқық қорғау органдары қамауға алуға қатысты әрбір бесінші іске санкция ала алмаған. Әрбір үшінші шағым бойынша соттар тергеушілер мен прокурорлардың әрекеттерін заңсыз деп таныған.
 
Президентке азаматтық даулар бойынша жұмыс тәсілінің өзгергені баяндалды. Соттар әкімдіктермен бірлесіп, дауларды шешудің соттан тыс институттарын дамытып келеді. Даусыз талап арыздар нотарисутарға берілген және арбитраждардың, медиаторлардың, заң консультанттары мен еңбек инспекторларының құзыреттері кеңейтілген. Нәтижесінде, 4 жыл ішінде сотқа түсетін талап арыздар саны 2,5 есеге – 900 мыңнан 340 мыңға дейін азайған. Соттағы татуласумен аяқталған істер 37 пайызға дейін артты.
 
Биыл 1 тамыздан бастап аумақаралық соттылық енгізілді. Істер автоматты түрде судьялардың мамандануын ескере отырып, бір соттың ішінде емес, бүкіл ел аумағындағы соттардың арасында бөлінеді. Жақып Асановтың айтуынша, бұл – жемқорлыққа қарсы жаңа әдіс.
 
❗️ Мемлекет басшысы қылмыстық және азаматтық істер бойынша сот процестерінің сапасын арттыруға, сондай-ақ сот кадрларын іріктеуді жетілдіруге бағытталған қадамдар қажет екенін атап өтті.

@qazaqparat_kz


❗️Антикор ҚТЖ қызметінде сыбайлас жемқорлық қаупі бар-жоғын анықтайды

@qazaqparat_kz


🎓 Магистратураға түсуге арналған кешенді тестілеу аяқталды

Республика бойынша 43 мыңнан астам адам компьютерлік тест тапсырған. Олардың 42 пайызы шекті балл жинаған. Магистратураға түсуге ниетті азаматтардың жалпы орташа көрсеткіші – 71 балл. Ең жоғары 140 ұпайды тек бір қатысушы ғана жинапты.

@qazaqparat_kz


📲 Полиция азаматтарға алаяқтық әрекетер туралы SMS хабарламалар жіберіп жатыр

ҚР ІІМ азаматтарға алдын алу және ескерту сипатындағы SMS жібере бастады.

Мобильді байланыс Қазақстанның әрбір тұрғынына тұрғылықты және орналасқан жеріне қарамастан қолжетімді. Яғни, SMS арқылы алаяқтық фактілері туралы ақпарат беру азаматтарды жедел хабардар етуге мүмкіндік береді.

@qazaqparat_kz

Показано 20 последних публикаций.