Askhat Oralov

Astana half marathon 2024!

Ораза айт құтты болсын!

Ұлыстың ұлы күні – Наурыз мейрамы құтты болсын!

Әз-Наурыз елімізге құт-береке, барлық бастамаларыңызға толағай табыс әкелсін!

Баршаңызға мықты денсаулық, шаңырақтарыңызға шаттық тілеймін! Ұлыс оң болсын, ақ мол болсын!

Құрметті достар, келе жатқан Жаңа жыл құтты болсын!

Жаңа жыл әрбір шаңыраққа құт-береке, татулық пен қуаныш алып келсін.

Баршаңызға зор денсаулық, көздеген мақсаттарыңызға қол жеткізу үшін мол күш-жігер тілеймін. Еліміз өркендеп, болашағымыз баянды болсын.

Жаңа жыл – үлкен үміттер мен жаңа бастамалардың уақыты. 2024 жылы барлық арман-тілектеріңіздің орындалуын тілеймін!

Жеңіс құтты болсын, Қазақ елі! 🇰🇿

Қазақстан - Сан-Марино 3:1

Республика күні құтты болсын!

Елімізде тек бейбітшілік, келісім мен тыныштық болсын. Барлық отандастарыма зор денсаулық, мол бақыт және толағай табыс тілеймін. Отбасы мен туған елге деген сүйіспеншілік сіздерді үлкен жетістіктерге шабыттандырсын.

Осыдан 33 жыл бұрын еліміз Қазақстанның егемендігі туралы Декларацияны қабылдап, тәуелсіздікке маңызды қадам жасады. Біздің азаттығымыз үшін жанқиярлықпен күрескендерді естен шығармай, көк туымыз көгімізде шарықтасын!

Еңселі егемендігіміздің тұғырын жалынды жырларымен биіктеткен айтулы ақын, Мемлекеттік сыйлықтың иегері Несіпбек Айтұлы ағамыздан қапылыста көз жазып қалған екенбіз.

Бар саналы ғұмырын ұлт әдебиетіне жұмсаған, кешегі жыраулардың ізін жалғап, қазақ әдебиетінің алтын қорын сүбелі дастандарымен байытқан ағамыздың ел руханияты үшін орны бөлек еді.

Шын мәнінде тәуелсіздік алған ширек ғасырдан астам уақытты Несағамыздай жырға арқау еткен, тәуелсіздік тарихнамасының көркем шежіресін кестелі тілмен өрнектеген шайыр кемде-кем.

Аяулы ағамыздың ақындықтан бөлек, азаматтық тұлғасы да ерек еді. Өзінің батасын беріп, қашанда қамқор көңілін аяған емес.

Әрқашан ақыл-кеңесін айтып, ақ тілегін жаудырып жүретін. Асыл ағамыздың рухы пейіште шалқысын.

Оқырман сүйсініп оқитын отты жырлары барда, жырға құштар жастар есенде оның жарқын бейнесі ел жадынан ешқашан өшпейді.

Марқұмның туған-туыстарына, жақын-жұрағаттарына, жалпы қабырғасы қайысып отырған барша қазақ руханиятына ауыр қайғыларына ортақтасып көңіл айтамын.

Победа! Борьба за место на чемпионате Европы продолжается.

После игры с Финляндией наши парни обыграли сборную Северной Ирландии, в очередной раз показав, что опускать руки нельзя никогда. Важнейшие 3 очка команде Казахстана принес точный удар Максима Самородова.

Я поздравляю футболистов и тренерский штаб сборной с этим результатом и, конечно же, благодарю заполнивших стадион «Астана Арена» болельщиков. 30 тысяч человек на трибунах горячо поддерживали команду от стартового до финального свистка, миллионы переживали у телеэкранов.

Глава государства, внимательно следящий за отечественным спортом, тоже посетил эту важнейшую игру, решив лично поддержать футболистов.

Сила, единство и характер – это то, что сборная Казахстана показала сегодня на поле. Впереди еще несколько непростых матчей, но такая игра вселяет уверенность в том, что оставшиеся встречи в рамках квалификации подарят нам немало ярких эмоций.

Алаш жұртының абыз ақсақалы, Қазақстанның Еңбек Ері, классик жазушы Әкім Тарази ағамыздың торқалы 90 жас мерейтойымен шын жүректен құттықтаймын!

Әкім ағамыз қуатты қаламы арқылы ұлтқа қорған бола білген, кесек те кемел шығармаларымен төл әдебиетімізді төрге оздырған дегдар қаламгер.

Әкім аға сондай-ақ әдебиеттің ғана жүгін көтерген жазушы емес, ұлттық киномыздың да көркем келбетін кескінделген кинодраматург, жалпы қазақ руханиятына, ел мәдениетіне ерен еңбегі сіңген қайраткер тұлға.

Ең бір ерекшелігі, Әкім Тарази жайлы сөз болғанда оның тек шығармашылығы ғана шиырланбайды, замандастары, қаламдастары, жазушы қызмет еткен, өлмес туындыларын өмірге әкелген кезеңдегі тарихи оқиғалар міндетті түрде тегіс тілге тиек етіледі. Бұл дегеніміз, жазушы зертханасының сол дәуірмен қатар тыныстап, оның қырағы қаламы ешқашан қалғып көрмегенін, қоғамнан еш уақытта алшақтап кетпегенін білдірсе керек.

Осы ретте Әкім ағаның тұғырлы тұстастары бейнелеген айшықты теңеуге сүйеніп айтар болсақ «Етікші» дейтін кішкентай ғана әңгімесімен қазақ әдебиеті есігінен еңкейе кірген ағамыз, бүгінде сол ұлттық әдебиеттің әйгілі Әкімі атанып отыр.

Жалынды жазушы ағамыз қашан да егемен елдің еңсесін тіктеп, тәу етер тәуелсіздігімізге өлмес туындылары арқылы тұғыр болып келеді.

Бір сөзбен айтқанда бұл дөңгелек дата Әкім Таразидың ғана меншік мерейтойы емес, төл әдебиетіміздің тұтас қуанышы деп білеміз.

Өз кезегінде осындай мерейлі күнмен жазушы, драматург, Мемлекеттік сыйлықтың иегері Роза Мұқанова апамызды да құттықтағым келеді.
Қос классик жарасым тапқан ордалы шаңырақтан қашанда той тарқамасын!

Ұлтымыздың ұстына айнала білген бәйтерек болмыс иесі Әкім ағамызға бар жылы лебізімді тілей отырып, жастан жасқа, жақсылықтан жақсылыққа қуанышпен жете беріңіз дегім келеді.

Әлі де бай шығармашылығыңыздан қол үзбей, асыл қаламыңызды қолыңыздан түсірмей, терең де телегей, көркем де көкжиегі кең туындыларыңызбен халық қазынасын молайта беріңіз деймін!