💰 Қытайлық азамат жұмыстан заңсыз шығарылғаны үшін 48 мың доллар өндіріп алды

📍 Оқиға Цзянсу провинциясының Тайсин қаласында болған.

Чжан есімді азамат жергілікті химиялық компанияда 20 жылдан астам жұмыс істеген. Ол сондағы бөлімшелердің бірін басқарған. Ал қызметтен қуылуына жұмыс орнында бір сағаттай ұйықтауы себеп болған. Ол мұнысын түннің бір уағына дейін көлік жүргізіп, демалуға қолы тимегенімен түсіндірген.

Бірақ жұмыс беруші түсіністік танытпай, еңбек тәртібін бұзғаны үшін оны кәсіподақ комитетінің келісімімен жұмыстан шығарған. Дейтұрғанмен сот бір сағаттық ұйқы компания үшін айтарлықтай шығын немесе зардап әкелмеді деп есептеп, еңбек қатынастарын тоқтатуды заңсыз деп тапты.

ℹ️ Судья компанияны 350 мың юань ($48,2 мың) көлемінде өтемақы төлеуге міндеттеді.

✈️ t.me/atamekenbusiness_silkway