Бала психологиясы

❇️ Баланың қәбилетин билип алып, оны оның күшли тәрепине айландырың

Балаңыздың қызығыўшылықларын қоллап-қуўатлаң.

Дийўалға сызса, қағаз ҳәм қәлем алып бериң, қумда аўнап ойнап атырса, қумда ойнаўға ҳәр түрли формалар, шелек, белше алып бериң ҳ.т.б.

Сонда ол үлкейгенде өз жумысын жақсы көрип ислейди.

✨Перзентиңиз тәрбиясы ушын пайдалы каналға ағза болың:
👉 @bala_psixologiyasi 👈

🎇Инсан энергияси яки неге биз ҳәмийше шаршаған ҳалда жүремиз?

✅ Инсан энергиясы нормада 100 % деп алсақ:

🍲 25 % аўқатланыў арқалы
🥱 25% уйқы менен алынады.
☯️ 50% шаңарағы, жумысы, унатқан ислери (хобби) ҳәм әтирапындағы жақынлары арқалы алынады.

☘️Уйқыдан энергия алыўымыз ушын биз саламат уйқы, яғный ерте жатып ерте турыўымыз керек 25% энергияны толық алыўымыз ушын, ал айырымлар болса кеш жатып кеш турады.

♨️Кеш турғанымыз ушын азанда ҳеш зат ишип-жегимиз келмейди, енди саат 11 лер шамасында аш боламыз ҳәм аўқатланып аламыз, буның нәтийжесинде және түслик аўқатланыў ўақты бузылады. Ⱪулласы аўқатланыў жағдайы да жақсы емес.

🚷Жумысымыз – тийкарынан жумыстан мақсет қаржы табыўға айланып қалған, әтирапымыздағы жақынлар менен ўақыт өткериўге ўақтымыз жоқ, хоббийимыз бенен шуғылланбай қойдық.

☝️Енди ойланып көриң – энергия алыў менен емес биз өзимизди мәжбүрлеп ислеп қайта энергияны организмимизден талап етип зорыктырып атырмыз.

⚠️Және шағым етемиз, “неге энергиямыз жоқ” деп...

Дерек

✨Перзентиңиз тәрбиясы ушын пайдалы каналға ағза болың:
👉 @bala_psixologiyasi 👈

✨Көзлериңе тигилейин – гүнәларым төгилсин….

Асханада өз жумыслары менен бәнт ҳаялының алдына келген күйеўи, ҳаялына:
- Маған қара, көзлериме қара деди:

Ҳаялы ҳайран болып қүйеўине қарап:
- Не болды тынышлықпа, жүзиме, көзиме бир зат болыппа деди?

Күйеўи ҳеш зат айтпастан тигилип тура берди, ҳаялының көзлерине. Бир мүддет тигилип, соң:
- Аллаға шүкир!-деди. Азанда зил басып оянып едим, әри-бериге өтип кетпей желкемди тырыстыра берди. Ⱪайсы бир ҳәдис китапта оқығаным есиме түсип кетти:
«Ерли-зайып бир-бирине мухаббат, меҳир менен тигилсе гүнәлары төгиледи» делинген еди. Соның ушын алдыңа келдим, Аллаға шүкир, көзлериңе тигилип әдеўир жеңил тарттым, барыңа, сендей ҳадал өмирлик жолдас дусластырған Аллаға шүкир.

Дерек

Перзентиңиз тәрбиясы ушын керекли мағлыўматлар:
👉 @bala_psixologiyasi

❗️Японларда әжайып нақыл бар:

«Ата-ана ислесе, ал балалары өмирден рәҳәтленип жүреберсе - ақлықлары тиленши болып қалады».

✅ Нақылда “жан бар”. Тек өмирден рәҳәтленип жүреберетуғын балада билим, көнликпе, тәжирийбе қаяқтан болады.

☝️Соның ушын перзентлеримизди илим, көнликпе, тәжирийбе алыўға балалығынан үйретиў жүдә әҳмийетли мәселе!

Перзентиңиз тәрбиясы ушын керекли мағлыўматлар:
👉 @bala_psixologiyasi

Жумысларыңыз ҳеш қашан таўсылмайды...

Бирақ перзентлериңиздиң бул балалығы қайтып келмейди.

Ҳәзирги ўақытта оған итибар, меҳир, сәўбетлесиўши, муғаллим керек!

Кейин бир неше жыл өткеннен кейин балаңызды айыплап жүрмең...

Перзентиңиз тәрбиясы ушын керекли мағлыўматлар:
👉 @bala_psixologiyasi

✅ Шаңарақта еркек қәдири

Шаңарақта еркек адамның орны өзгеше, саўлаты уллы. Ақыллы еркек бас болған шаңарақ абадан, бала-шағасы қуўанышта жасайды. Пәкликти мақтаныш тажы етип, ел-журты тәшўишинде жасайды. Ата-ананы басына қойып, туўысқанларына мийримли, балажанлы болады.

Шаңарақта еркек көпшилик жағдайларда ҳаялынан 4-5 жас үлкенлиги, өмирдиң ойлы-бәлентлигин көбирек билгени ушын оған киши хожалықтың баслығы сыпатында қаралады ҳәм ҳүрмет етиледи. Еркектиң орны, қәдири бар шаңарақта тынышлық-татыўлық болады, ҳаяллар сыйланады. Урыс-жәнжелге орын қалмайды.

Меҳрибан аналарымыз өз әкелеримизди қандай сыйлағанларын, ер ҳүрметин қатты услағанларын, сөзлерин еки етпегенлерин жақсы билемиз. Аналарымыздың: «Тыныш, ағаң үйде», «Ағаң қапа болатуғын ис болмасын», «Ағаң не дейди екен?», «Әке разы — Қудай разы» сыяқлы сөзлерин еслеп қалғанбыз.

Әке ҳүрметиниң уллылығын аналарымыз үлгисинде көргенбиз. «Әкем қашан көшеден келсе, дәслеп анамызды жоқлайтуғын еди», деп еслейди жасы үлкен. — «Туўры асханаға өтип, анам менен еки-үш аўыз сөйлесип, соң басқа жумысқа айланысады. Анамыз үйде жоқ күнлерде әкем өзин қай жерге қоярын билмей қалатуғын еди. Бир-бирине жүдә мийримли еди. Жаслығынан бир-бирин ҳүрметлеп, кеўил қалатуғын ислер етпегени ушын да солай жасаған».

Ата-бабалар, дана аналарымыздан қалған жақсы әдетлер даўам етип атыр ма? Ҳәзирги ҳаялларымыз оқымыслы, ақ-қараны таныйды, еркеклер менен қатар турып хызмет етеди. Үйди де, жумысты да еплейди. Буннан жәмийетимизге де, шаңараққа да үлкен пайда етеди, әлбетте.

Бирақ, өкинишлиси, айырым шаңарақтағы миннетин, ҳаяллық гөззаллығын, ҳаялларға тән назы, уят-әндийшесин умытып қойып атырған ҳаяллар да жоқ емес. Буған бир ғана мысал келтиремен.

"Бүгин Кәмилжанның кеўил-күйи жаман. Күн бойына өзи менен өзи сөйлести. Жумысында да жақсы кейипте болмады. Азанда ҳаялы кейпиятын бузды. Ҳәр дайымғыдай жәнжел әйтеўир нәрседен шықты. Чай үстинде баласы қолындағы шыны кесасын сындырып алды. Ҳаялы баланың бетине «тасыр-тусыр» етип еки шаппат урды. Буннан Жолдасбайдың ашыўы шығып:
- Ақмақ, баланы да солай урасаң ба?
- Аўа, мен ақмақ, сиз «аппақ»-сыз. Мине мына «аппақ» та тап сизге уқсаған. Бул гәп Жолдасбайдың жанынан өтип кетти. Кейинги ўақытларда ҳаялы өзгерип қалды. Неге? Оқытпаўы керек пе еди? Ойға шүмди: өзи билетуғын оқымыслы ҳаялларды бирме-бир ойынан өткерди. Ҳаялы менен салыстырып көрди. Өзинен наҳақлық өтпегенин түсинди…"

Тәрбия процесинде баланың «қулағы герең, көзи көр ўақытлары» болыўы тәбийий. Шоқлық етип, қандай да бир нәрсени түсиреди, төгеди яки сындырады. Бул ушын балаға бирден "қол көтериў" шәрт емес. Жақсысы: «Абайласаң боладығо балам. Мине мынандай етип услаў керек. Жүргенде әсте аяқ астына қарап жүриў тийис», деп үлкен адам сыяқлы түсиндирилсе жетерли. Усылай баланы саналы өмирге үйретип барыў арқалы, өзиниң де, перзентиниң де нервын сақлаған мақул.

Бала алдында әке атына болар-болмас гәплерди айтыў оның тәбиясын бузады. Әке абырайына зыян жеткереди. Ерли-зайып ортасындағы арзымайтуғын жәнжеллер, келиспеўшиликлерден бала хабардар болмағаны мақул, әлбетте. Себеби, бундай жағдайларда бала да екилениў, гүмансыраў пайда болады. Ата-анасының сөзине исеними кемейип барады. Әсиресе, бала алдында шаңарақ басшысы — ер ҳаққында гәп етиў тәрбияға зыян келтиреди.

Улыўма алғанда, ҳаял бир дастыққа бас қойған әзиз өмирлик жолдасының кеўлин табыўға умтылыўы, оннан шийрин сөзин, хызметин аямаўы, итибарлы болыўы тийис. Шаңарақтағы ер адамның қәдири, абырайы оның өзине де байланыслы. Солай болса да, перзентлер алдында әкениң абырай-итибарын беккемлеўге бийпәрўа қарамаў тийис.

Дерек

Перзентиңиз тәрбиясы ушын керекли мағлыўматлар:
👉 @bala_psixologiyasi

✨БИЗЛЕР БАХЫТЛЫ БАЛАЛАР ЕДИК

Тазартып ошақты кешеги күлден,
Отын алыстырып қайтадан, үрлеп.
Әтештанға шоқты шығарып қойып,
Шыраның орнына қолланып жүрген -
- түнлеримизде де бахытлы едик.

Ярым шөрек нанға сары май жағып,
Аяқ кийимимизди билекке тағып.
Жантақ, тикениңди нәзерге илмей,
Жалаң аяқланып мал, ешки бағып -
- жүргенимизде де бахытлы едик.

Жақынымыздан қалған кийимди кийип,
Үлкен ыштанымызды ышқырдан түйип.
Күнине он минут мультфильм көрип,
"Даўамын ертең көремиз" дейип -
- күткенимизде де бахытлы едик.

Интернетсиз дәўирлер-әй баяғы..!
Ал, достым айтайын тағы қаяғын.?
Көшеден таяқ жеп, үйге келген соң,
Үйдегилердиң де шаппат, таяғын -
- жегенимизде де бахытлы едик...

© Өжет Байназаров

Перзентиңиз тәрбиясы ушын керекли мағлыўматлар:
👉 @bala_psixologiyasi

1. Гүбелекти табың (шепте)
2. Сүўреттен барлық затларды табың (оңда)

Усындай ойынларды балаларыңыз бенен бирге ойнап турыў балалардың итибарлылығын күшейтеди

Перзентиңиз тәрбиясы ушын керекли мағлыўматлар:
👉 @bala_psixologiyasi

☘️Балаға билим ҳәм тәрбия бериўде норманы сақлаў бойынша усыныслар

Балаңыздың тез пәт пенен интеллектуал, физикалық раўажланыўын мақсет етип қоймаңлар. Оның алға илгерилеўлери имканиятларына сай келиўи зәрүр!

Ол жас аралығындағы текшелерден секирип өтпеўи керек.

Қәнигелердиң айтыўынша, балалар менен топар шынығыўларын 3 жастан алдын баслаў орынлы болмайды. Ҳәрқандай шынығыў таза ҳаўада ойын көринисинде өткерилиўи лазым. Әне, сонда балалар информацияларды жеңил қабыл етеди ҳәм беккем еслеп қалады.

Шынығыўларды нәтийжели өтиўдиң өлшеми — баладағы кейпият ҳәм алған билимлерин әмелде де пайдаланыўы болып есапланады.

Ҳәрқандай жасқа өзине сай берилетуғын билим бар. Баланың раўажланыўында мине усыған әмел етиўге ҳәрекет етиң.

6 айлық. Балаға жарқын сүўретлер менен безетилген китапты оқыўдың ўақты келди. Оған рәң-бәрең ойыншықларды бериўге болады.

1 жас. Нәресте менен көбирек сөйлесиң.

2 жас. Усы басқышта сөйлеўдиң раўажланыў процеси кешеди. Оның басқа балалар менен танысыўы жүдә әҳмийетли саналады. Сүўрет салыў да усыныс етиледи.

3 жас. Сөз байлығын арттырыў ҳәм сөйлеўди дурыслаў үстинде ислейтуғын, сүўрет ҳәм ритмикалық ойынларға масластырылған топар шынығыўларына қатнайтуғын ўақыт.

4 жас. Шет тиллерин үйрениў, сондай-ақ, ҳәриплер ҳәм сөзлер менен танысыў ушын ең қолайлы жас.

5 жас. Өз-өзине хызмет етиў ҳәм оқыўды үйрениў ушын дәслепки басқыш. Бул дәўир қуўыршақты кийиндириў, нәрсе-буйымларды тақлаў, ыдысларды жыйнаў сыяқлы ойынлар ушын жүдә қолайлы.

6 жас. Бул жаста арифметика, шет тиллер менен шуғылланыў, спорт дөгерегине қатнаў талап етиледи. Сондай-ақ, оны мектепке таярлаўшы дөгерекке бериў усыныс етиледи.

Дерек

Перзентиңиз тәрбиясы ушын керекли мағлыўматлар:
👉 @bala_psixologiyasi