Міне бұл жарық, фәни (өткінші) дүние есігін ашқанымызға отыз жыл болыпты. Әлемдердің раббыс Аллаһ тағала аслында ешкімге ештеңе міндетті емес, егер берген олса кеңшілігі бермесе әділдігі. Мұсылман адам барлық жағдайда оған бойұсынып берген тағдырына разы болады. Кеңшілігімен берген ғұмырында Аллаһтан күнә қателіктерімізді кешіріп, шынайы тәубе етуімізді сұаймыз. Риядан, екіжүзділік пен күпірден сыйынамыз. Асыл дінімізге тамшыдай болсын қызметпен үлес қосуымызға нәсіп етсін.

Кейде алыс шалғай имамы, ұстазы ауылдардан "сіздің канал арқылы құран үйреніп жүрміз" деген сөзді есітігендне "Йә Аллаһ бұл амалымызды ақыретімде қабыл еткейсің, қараңғы қабірімде нұр болуын, осы амалдарымызды жолдасымыз қыла гөр " деп жүрек елжіреп ойланып қаламын.
Өткен ізгі адамдар өмірінде біреуі қайтыс болып оның досы түс көреді екен. Түсінде қайтыс болған досынан : Аллһа тағала саған нестеді деп сұрағанда. Ол : балаларға жиі фатиха сүресін үйретуші едім соның құрметіне Аллаһ мені кешірді, мейіріміне бөледі " -деп жауап беріпті.
Әр адамның өз өмірлік бағытына қарай Алланың дініне қызмет ете алады. Тек имам ұстаздықпен шектелмейді. Дінге күйе жағылып жатырған кезеңде жеңді түріп, мешіт жамағатынан, дәрістерден қалмай қызметтерге жәрдемдесіп, ұрпақтың тәрбиесін ойлап, "мұсылман" деген атқа сай болуды тереңірек ойлап қойған жөн.

Осы білім жолындағы қажеттіліктерімізге "Аллаһ разылығы үшін" деп қол ұшын беріп, жыртығымызды жамап жәрдемші боп жүрген аға бауырларымызға алғысымызды білдіреміз. Аллаһ тағала қабыл етсін, ұрпақтарыңыз салиқалы болсын.
Шет елде елдің қадірін көбірек түсініп. Қайтар отанымыз бар деп сағыныш артады. Отанымыз тыныш болсын. Бейбіт өмір сүру ұлы нығмет.
Әлемде жәбір көріп жатырған мұсылман бауырларымыздың Аллаһ көз жастарын сүртсін. Соғыс тоқтап бейбіт халдеріне оралуын сұраймыз 🤲

# Алпыстың жартысындағы ой толғау