🇰🇿 ҚАРЖЫЛЫҚ САУАТ


Гео и язык канала: Казахстан, Казахский
Категория: Экономика


Қаржылық сауатымызды бірге жетілдірейік!
®️Ұсыныстар үшін: @QSauatBot
📌 Пайдалы ақпараттар
📌 Сарапшылар пікірі
📌 Қаржыгерлер кеңесі
📌 Ресми статистика
📌 Сенімді дерек
📌 Сауалнама

Связанные каналы

Гео и язык канала
Казахстан, Казахский
Категория
Экономика
Статистика
Фильтр публикаций


😲 Алаяқтар қазақстандықтарға 44 миллион рет телефон шалыпты

Ақпарат: ҚР ІІМ КПД Киберқылмысқа қарсы күрес орталығынан.

Дереккөз: Kursiv.Media.

@qarzhylyq_sauat


SIM-картаның жарамдылық мерзімі өткен – алаяқтықтың жаңа түрі шығып жатыр

Мұндай оқиғаның алды Павлодар облысында тіркеліп отыр. Өзін байланыс операторының қызметкері деп таныстыратын алаяқтар тұрғындарға телефон шалып, SIM-карталарының жарамдылық мерзімі аяқталып қалғанын айтады екен.

Polisia.kz порталының хабарлауынша, қаскөйлер SIM-картаның мерзімін онлайн ұзартамыз деп азаматтардың жеке деректерін алып, телефонға келген смс-кодты сұрайды. Павлодарлық тұрғындардың бірі сондай алаяққа сеніп, бәрін жайып салады. Ал, алаяқ сол мезетте оның жеке деректерін қолға түсіріп, азаматтың атынан кредит рәсімдеп алған.

Сондықтан, SIM-картаның статусын білу керек болса, ұялы байланыс операторының қолдау қызметіне тікелей хабарласқан жөн. Телефон арқылы хабарласқан бейтаныс адамға ешқандай мәлімет бермеген дұрыс. Сақтанып жүріңіз.

Telegram | TikTok | Facebook


Репост из: TengeLife
Видео недоступно для предпросмотра
Смотреть в Telegram
Шыны керек, біздің теңгеміз әдемі. Қағазы да сапалы, дизайны да ерекше. Көрші елдердің сомы, сумымен салыстырғанда, теңгеміздің тағдыры тегеурінді болмаса да, тұрпаты келісті. Мұны сарапшылар мойындайды, теңгеміз халықаралық байқауларда жүлде алып жүргені сондықтан болар.

Енді міне, «Сақ» сериясымен жаңа бес мың теңгеліктер айналымға шықты. Жорытқанда жолы болсын, теңгеміздің бәсі түспесін!

💬https://t.me/TengeLifekz


Репост из: Арнаны қалай атағанымыз дұрыс?
Қазақстандағы бос жұмыс орындары жарияланатын пайдалы ресурстар

1. hh.kz — Қазақстандағы және шетелдегі бос жұмыс орындарына арналған ірі алаң.

2. Enbek — Қазақстанның ресми электрондық еңбек биржасы. Онда бос жұмыс орындарын тауып, жаңа мамандық игеруге көмектесетін курстардан өтуге болады.

3. Qyzmet — Қазақстандағы жұмыс іздеуге арналған портал. Еліміздің барлық қалаларындағы бос жұмыс орындары, танымал бос жұмыс орындары мен жұмыс берушілердің рейтингі жарияланады.

4. Joblab — басқа алаңдардан бос жұмыс орындарын жинақтайтын рубрикатор сайт. Ұсыныстарды жылы, мамандығы мен еңбек өтілі бойынша сүзгіден өткізуге болады.

5. Zarplata.kz — жұмыспен қамту сайты, негізінен Алматы мен Астанадағы бос жұмыс орындары жарияланады, бірақ кейде басқа елді-мекендерден түсетін ұсыныстар да кездесіп жатады. Сондай-ақ мұнда қызметкер іздеу бойынша хабарландыру беруге болады.

📍Бос жұмыс орындары жарияланатын Telegram-арналар:

«IT Вакансии Казахстан»
Dev KZ | Vacancy
AI/MoLdin JOBS
«JobKZ: вакансии»
«Работа Астана»

Жазбаны Creative Asia арнасындағы әріптестерімізден алдық. Онда Қазақстаннан және онлайн түрде шетелден жұмыс іздеу бойынша ақпарат тұрақты түрде жарияланып тұрады.

https://t.me/tiimdiqazaqstan


Бірінші тұрған 10 000 теңгелік купюра – Теңгенің 30 жылдығына арнап шығарылған мерейтойлық банкнота. Былтыр, 2023 жылы қараша айында айналысқа шығып, желтоқсанда айналымға түсті. Бұл банкноталардың тиражы шектеулі: барлығы 3 млн дана шығарылды.

Ақшада бейнеленген негізгі кескіндерге қарайтын болсақ, мұнда облыстарға бөлінген Қазақстан картасы мен теңгенің «₸» белгісі бар монетаны көруге болады.

Екінші тұрған 10 000 теңгелік купюра – «Сақ стилі» сериясымен шығатын жаңа ақша. Мұнда қар барысы бейнеленген. Оның да таныстырылымы былтыр қараша айында Теңге күнінде өтті. Бірақ бұл 10 мыңдық купюралар әлі айналымға берілген жоқ. Ұлттық банктің жоспары бойынша бұлар біздің қолымызға осы жазда түсе бастайды. Бүгінгі таңда «Сақ стилі» сериясымен шығарылған жаңа банкноталар ішінде тек 5 000 купюралар ғана айналысқа шықты.

@qarzhylyq_sauat


Екі банкнотаның арасындағы айырмашылық

Бұл – 10 000 теңгелік банкноталар. Түр түсі ұқсас болғанымен, екеуі екі бөлек купюра. Бірақ ел арасында екі купюраны ажырата алмай, екеуі де бір ақша деп қабылдайтындар бар екен.

Түсіндіріп кетейік. Суретте екі банкнотаны көріп тұрсыздар.


Мәдениет және ақпарат министрлігі құжат қабылдау басталғанын хабарлады.


Репост из: ХАЛЫҚ ҮНІ
🗣Табысы жоқ студенттерге несие берілмейтін болды

Елдегі 500 мыңға жуық студенттің несиесі бар. Оның 47 мыңы – проблемалық несие. Қаржы нарығын реттеу және дамыту агенттігінің мәліметінше, бұл тізім ұзарып келеді.

Енді оқуын бітірмей жатып, қарызға батқан жастардың санын азайту үшін оларға несие беру тәртібі өзгермек. Өйткені қазір кей банк 18 жасқа толғандарға жұмысы жоқ болса да тұтынушылық несие беріп келген.

Жастарға несие берудің динамикасын қарасақ, проблемалық қарыздардың үлесі артып келеді. Қазір 11%-ға дейін жетті. Сол себепті енді жастар үшін несиелерді ресми түрде тіркелген табыстары, кірістері болса, тек қана сол кезде қаржы ұйымдары береді. Бұл 18-21 жас арасындағы азаматтарға арналған”, - деді Қаржы нарығын реттеу және дамыту агенттігінің төрағасы Мәдина Әбілқасымова


Микрокредиттік ұйымдар мен ломбардтан қарыз алатындар көп. Қаржыны қалай басқарған жөн?

Qaz365.kz қаржыгер, әл-Фараби атындағы Қазақ Ұлттық университетінің аға-оқытушысы Гүльназым Исламқызынан сұхбат алған. Содан тезис түрінде беріп көрейік.

♻️ Микрокредиттік ұйымдар мен ломбардтың қызметін пайдаланушылар көбейіп келеді. Себебі: коммерциялық банктерден алған кредитін қайтармағандықтан «қара тізімге» ілігеді, сосын несие тарихы бұзылады. Банктер «теріс айналғандықтан» азаматтар микрокредиттік ұйымдар мен ломбардтың қызметін пайдалануға мәжбүр.

♻️ Адамға ақша керек болса, тығырықтан шығатын жалғыз жол – банктен қарыз алу деп ойлайды. Бірақ ол олай емес. Мысалы, адамдар жалақысы аз болса да, айлығы көбірек жұмыс іздемейді, оған сай білімін көтермейді. Не тіпті қосымша табыс көзін қарастырмайды. Тығырықтан құтқарушы тек банк немесе микрокредиттік ұйымдар, ломбард деп ойлайды. Осылай қарызға батады. Ал, қарызды уақытылы төлей ала ма, жоқ па, оған бас қатырмайды.

Қысылтаяң шақта микрокредит алуға бел буған адам нені білуі керек?

♻️ Микрокредит алатын адам міндетті түрде бірнеше маңызды тармаққа көңіл аударуы керек. Мысалы, микрокредиттік ұйымдарда жылдық тиімді сыйақы мөлшерлемесі (ЖТСМ) 56%-дан аспауға тиіс.

1. Микрокредит сомасы 50 АЕК-тен аспайды. Қарыз мерзімі 45 күнге жетпесе, күн сайынғы айыппұл мөлшері қарыз сомасының 0,5%-нан аспайды. Шарт талаптары соманы немесе оның қолданылу мерзімін ұлғайтуға тыйым салады. Мұндай жағдайда азаматтар сыйақының қорытынды мөлшері, яғни артық төлем қарыз сомасының 30%-нан аспау керегін білуі керек.

2. Микроқаржы ұйымдарында комиссияға тыйым салынған. Сондықтан бұл шартта болмау керігін азаматтар ескеруге тиіс. Ал олардың борышқа қызмет көрсеткені үшін белгілі бір соманы төлеу туралы талабы «Микроқаржылық қызмет туралы» Заңды тікелей бұзады.

3. Микроқарыз қарыз алушының ресми кірісі болған жағдайда немесе құны кредиттің бүкіл көлемін жаба алатындай мүлкі бар екені расталған жағдайда ғана берілуге тиіс.

4. Қарыз бойынша төлемдер айлық жалақының жартысынан аспауы керек – бұл шекті рұқсат етілген борыштық жүктеме. Бұл шектен асып кеткен жағдайда азамат төлем мерзімін өткізіп алуы мүмкін, тіпті ақшасыз қалу қаупі де жоқ емес.

Ақшаны қай валютада сақтаған тиімді?

♻️ «Жұмыртқаның бәрін бір себетке салма» деген қағидаға сәйкес, ақшаны әртүрлі валютада: бір бөлігін төл теңгеде жинақтаса, бір бөлігін шет ел валютасында жинақтаған тиімді. Себебі, ақша экономикада 5 бірдей қызметте жүреді, ол – қорлану және қор жинау қызметі. Яғни ақшаның барлығы дерлік жұмсалып кетпей, бір бөлігін жинақтап отыру. Бұл да қаржылық сауат аспектілерінің бірі деп есептеймін.

Telegram | TikTok | Facebook


Видео недоступно для предпросмотра
Смотреть в Telegram
Қарыздан басы қатып жүрген адамға психолог-маман көмектесе ала ма?

Біздің ORDA FM радиосындағы «ҚАРЖЫЛЫҚ САУАТ» хабарымызда психолог Ержан Мырзабаев қонақта болған еді. Қарыздан басы қатып жүрген адамдар алдына көп келетінін айтады.

Ішінде лудомандар мен қаржы пирамидаларының тұзағына түсіп қалғандар да бар дейді. Тіпті, отбасылық бюджетке келгенде бір-бірімен келісе алмай, арты дауға ұласқан жұбайлар мәселесі де талай кездестіпті. Психологтың сөзіне сенсек, проблема шешілген.

Ержан Мырзабаевпен болған сұхбатымызды біз TikTok-аккаунтымызға салғанбыз. Бөліп-бөліп. Бұл жерде видеоны жүктеп отырғаннан сол жақтан бір шолып шығуға болатынын айта кеткіміз келеді. Әртүрлі тақырыпқа айтқаны бар.

Парақшамызға тікелей сілтеме мынау: https://www.tiktok.com/@qarzhylyq_sauat?_t=8kdOyA8kpID&_r=1

t.me/qarzhylyq_sauat


Қаржылық сауатты арттыруды неден бастау керек?

Жаңадан қосылып жатқан оқырмандарымыз бар. Қош келдіңіздер!

Каналдың атауынан көріп тұрсыз, бұл алаңда біз қаржылық сауатымызды ашуға талпынамыз. Бұл – күнделікті жаңалық тарататын арна емес. Бірақ, оқырман үшін маңызды ақпараттар, қаржыгерлер кеңесі, ашық дереккөздердегі мәліметтер, ресми деректер, түрлі көзқарас, ой-пікірдің бәрін мейілінше қамтып отыруға тырысамыз. Керегін алатын, қорытатын – оқырманның өзі.


Сонымен, қаржылай сауатты болғыңыз келсе, ашық дереккөздерде айтылып та жазылып жүрген мына кеңестерге назар аударып көріңіз:

1. «Қауіпсіздік жастығын» сайлап қой. Бұл – Сіздің жеке резервтік қорыңыз. Форс-мажор жағдайда пайдаңызға жарата алатын ақшаңыз деп түсінейік. Көптеген сарапшылардың пайымдауынша, «запаста» кемінде 3-6 айға жететін бөлек бюджетің болғаны жақсы. Қордағы ақшаның қаншалықты көп болса, игілігін де соншалықты көресіз. Ең бастысы «қауіпсіздік жастығын» жасауды бүгіннен қолға алыңыз.

2. Айлық бюджетті жүргізіп тұр. Егер Сіздің табысыңыз күнделікті керек-жараққа оңай кетіп қала беретін болса, кейінге ақша алып қалуға мүмкіндік болмаса, бюджет жүргізу керек деген сөз.

- Күнделікті шығынды жазып отыр. Ол үшін ыңғайыңызға қарай қағаз блокнотты, Excel кестесін қолдануға болады. Немесе бюджет жүргізуге арналған түрлі мобильдік қосымшалар бар. Мысалы, iPhone ұстаушылар көп қолданатын қосымшалар арасында мыналарды атап кетуге болады: «Финансы — расходы и доходы», «Деньги ОК», Moneon, CoinKeeper, Monefy. Сол сияқты Android-қа да табылады: «Финансы — расходы и доходы», AndroMoney, 1Money. Яғни, күнделікті, апталық немесе айлық шығындарды жазып отыру арқылы бюджеттің «саңылауын» табуға болады. Сонда ғана аса пайдасы жоқ дүниелерге тұрақты ақша жұмсалып келген тетіктерді табасыз. Көз жеткізіп алған соң оларға ақша жұмсауды түбегейлі тоқтатып, болмаса азайтуға болады.

- Шығынды да жоспарлау керек. Оның бірнеше тәсілі бар. Мысалы, айлық бюджетті әртүрлі категорияға бөліп, реттестіресіз. Әр категорияға лимит қойыңыз. Мәселен, азық-түлікке айына – 100 мың теңге, қыдыруға – 30 мың теңге, көлік пен бензинге – 30 мың теңге. Бұл – бірінші тәсіл. Екінші тәсіл – сатып алатын барлық тауар мен қызметке белгілі бір уақытқа ортақ лимит белгілеу. Егер ол лимитті апталық шығынға белгілейтін болса, әлдеқайда тиімділігін береді. Егер бір аптаға жететін ас-суды лимитті сомаға алатын болсақ, күнделікті шығыннан әлдеқайда пайдалы болады.

- Бюджетті ұзақ мерзімге жоспарлап үйрену керек. «Айлық бюджетті құрып, шығындарды жоспарлау – ол істің басы» дейді мамандар. Одан кейінгі қадамың – бюджетті кемінде 1 немесе одан да көп жылдарға жоспарлау. Әрине, бұл жерде біз азық-түлік сатып алу үшін ондаған жылдарға жоспар құра алмаймыз. Бірақ келешекте үлкен шығындарға ақша жинағымыз келсе, мысалы, көлік сатып алу үшін, ипотекаға бастапқы жарна жинау үшін немесе бір үлкен сапарға дайындалу үшін – әрине, табыс пен жинақ жоспарын жасау керек.

3. Сауда жасау тәсілін өзгерт. Мейілінше зат сатып аларда эмоцияға ерік бермеу керек. Егер жоспарда болмаған дүниені сатып алғыңыз келсе, ең болмаса бір күн үзіліс жасап алған жақсы. Сол аралықта ойланып алуға болады – ол зат шынымен керек пе, жоқ па. Сонда ғана салқынқандылықпен шешім қабылдай аласыз.

Жалғасы бар...

Telegram | TikTok | Facebook


Қазақстанда азаматтар енді жұбайының рұқсатынсыз несие ала алмауы мүмкін

Бұл туралы Қаржы нарығын реттеу және дамыту агенттігі төрағасының бірінші орынбасары Нұрлан Әбдірахманов несие беру заңнамасына өзгертулер мен толықтырулар енгізуді қарастыру барысында айтты, деп жазады Qaz365kz.

Қазақстан азаматтарының көбінің қарыз алу себебі – құмар ойынға тәуелділік. Адамдар бәс тігіп, табыс табуға бейім. Кейбір жағдайда олар банк несиелерін де пайдаланады. Ерлі-зайыптының бірі несие алады да, болашақта ол отбасылық бюджетке ауыртпалық түсіретін жағдайлар бар


- дейді Нұрлан Әбдірахманов.

Оның айтуынша, мұндай қажетсіз несиелердің санын азайту үшін жұбайының келісімімен жеке тұлғаға банктік несие беру талабы қолдау тауып отыр.

Telegram | TikTok | Facebook


Видео недоступно для предпросмотра
Смотреть в Telegram
Енді баланы балабақша кезегіне онлайн қоюға болады

ҚР Оқу-ағарту министрлігі арнайы видео-нұсқаулық әзірлепті.

Ведомство осы арқылы мектепке дейінгі ұйымдарда орын бөлу процесінде ашықтық орнатқысы келеді. Сол үшін есепке алудың Бірыңғай базасы әзірленіп отыр.

Жоба қазір пилоттық режимде жұмыс істеп тұр. Оған Қарағанды облысының Шахтинск қаласы, Петропавл, Атырау және Шымкент қалалары мен Павлодар облысының 8 ауданы қатысып жатыр екен.

Telegram | TikTok | Facebook


Құмар ойынға тәуелділік бар ма? Онда онлайн шектеу қояйық!

Қазақстанда eGov mobile мобильді қосымшасы арқылы жаңа цифрлық сервис іске қосылып жатыр.

Яғни, EGov mobile мобильді қосымшасымен құмар ойындарға немесе бәс тігуге қатыса алмайтындай етіп ерікті түрде шектеу қоюға болады. Жаңа сервис азаматтарға шектеу мерзімін 6 айдан 12 айға дейін ұсына алады.

❓Не істеу керек?

🔺EGov mobile мобильді қосымшасын қолданасыз
🔺ЭЦҚ/ЭЦП арқылы авторизация жасайсыз
🔺«Қызметтер» бөліміне өтесіз
🔺«Спорт» бөлімін таңдайсыз
🔺Ең астындағы «Құмар ойындарға және (немесе) бәс тігуге қатысуды шектеу жөніндегі сервис» дегенді таңдайсыз
🔺Шектеу мерзімін таңдайсыз (мысалы, неше айға)
🔺Соңында ЭЦҚ-мен қол қоясыз.


Telegram | TikTok | Facebook


«Отбасы банкіне» депутаттық сауал: Азаматтарға өз ақшасын өзіне қарызға беру қаншалықты әділетті?

Ақпан соңында мәжілісмен Ислам Сұңқар Премьер-министрдің атына депутаттық сауал жолдаған болатын. Цитатасын қазақшаласақ:

2024 жылғы 15 ақпаннан бастап «Отбасы банкі» халық арасында сұранысқа ие аралық займды беру шарттарын өзгертті.

Банк, өз кезегінде, бұл қазақстандықтарды белгілі бір тәртіппен және ұзақ мерзімде үнемдеуге ынталандыру үшін жасалғанын атап өтті.

Яғни, клиент керек соманың 50%-ын салғанына немесе оның депозитке жинаған ақшасына, тіпті банктің сыйақысы тұрғын үй құнының 100%-ына есептелетініне қарамастан, кредиттеуде осындай шарттар қарастырылған.

Енді сұрақ туындайды: азаматтарға өз ақшасының үстіне пайыз қосып кредит беру және пәтер құнына банк комиссияларын алу қаншалықты әділетті?


- деп сауал қойған болатын.

Осыған байланысты «Отбасы банкі» өз позициясын жариялады. Онда былай деп жазылған:

Төмен мөлшерлеме бойынша кредит алу үшін банк салымшысы депозитте кем дегенде үш жыл бойы кредит сомасының 50%-ын жинақтауы тиіс. Бұл тұрғын үй құрылыс жинақ жүйесі жұмысының міндетті талабы. Салымшылардың ақшасы жүйеде кемінде үш жыл болуы, жүйе үшін жұмыс істеуі тиіс. Осы қаражаттың көмегімен банк басқа қазақстандықтарға басапаналы болуға көмектеседі.

Үш жылдық жинақтау туралы талап "Тұрғын үй құрылысы жинақ ақшасы туралы" заңда жазылған. Егер банк депозиттерде 50%-ды жинақтау жөніндегі талапты алып тастаса, онда жинақ жүйесі жұмысын тоқтатады. Бұл жағдайда қазақстандықтар қолжетімді талаптар бойынша кредит алу мүмкіндігінен айрылады.

Үш жыл бойы күтіп, ақша жинағысы келмейтін, бірақ қолында тұрғын үй құнының 50%-ы бар қазақстандықтардың да Отбасы банктен кредит алатын мүмкіндігі бар. Бірақ олар қалай болғанда да, тұрғын үй құрылысы жинақ ақшасы жүйесі туралы заңға сәйкес, үш жылдық жинақтау мерзіміне шыдамдылық көрсетуі тиіс.

Сондықтан мұндай клиенттер өздерінің қолда бар 50%-ын банктегі депозитке аударады. Осы 50% жинақ шотында болған кезде оған банктің сыйақысы және 200 АЕК-тен аспайтын сомаға 20% мөлшерінде мемлекет сыйлықақысы есептеледі. Сондықтан бұл ақша клиент үшін де жұмыс істейді.

Клиент өз депозитінің «жетілгенін» күткен уақытта банк оған аралық заем береді. Қарыз атауының өзі бұл уақытша кредит екенін көрсетеді. Ол қажетті соманың 100%-ы мөлшерінде беріледі. Тиісінше, мұндай кредит бойынша пайыздар барлық берілген сомаға, яғни 100%-ға есептеледі. Бұл жағдайда кредит бойынша пайыз жоғары болады, яғни 6,5%-дан 8,5%-ға дейін болады (ЖТСМ 6,2%-дан басталады).

Депозитке кем дегенде үш жыл толғаннан кейін қарыз алушының осы депозиттегі ақшасының 50%-ы аралық заемды өтеу есебіне жұмсалады, содан кейін ол тұрғын үй заемына ауысады. Бұл дегеніміз, кредит бойынша мөлшерлеме жылдық 3,5% - 5%-ға дейін төмендейді (ЖТСМ 3,6%-дан басталады). Ал пайыз тек кредит қалдығына есептеледі

Тек Отбасы банкте кредит мөлшерлемесін төмендету опциясы бар. Бұл фактор қарыз алушы үшін «кредиттік шаршау» жағдайын болдырмайды.

Кредит беру кезінде банктің әрбір клиенті шартқа және төлемдер кестесіне қол қояды. Кестеде кредит үшін төлем бойынша барлық ақпарат - банктің сыйақысын, негізгі борышты, қалдықты төлеу мөлшері көрсетіледі. Сондай-ақ банк сыйақысының жалпы сомасы көрсетіледі. Яғни банк кредит төлеу жөніндегі деректерді жасырмайды және қаржылық айла-амалдармен айналыспайды.

Отбасы банктің барлық өнімдері мен қызметтері заң шеңберінде іске асырылады.


Telegram | TikTok | Facebook


Kaspi клиенттерін жоғалта бастауы мүмкін бе?

Әділ Рамазанов есімді отандасымыз TikTok желісінде ролик ұсынған. Онда ол Kaspi банктің бүгінгі нарықта бәсекеге төтеп бере алмайтын 3 себебін атайды. Соны біз мәтінге айналдырып жариялайық деп шештік. Ақпаратты қорытатын өзіңіз.

1-себеп: Kaspi – нарықта комиссияны көп ұстайтын банк

Kaspi-де аударым жүйесінің тегін әрі ыңғайлы екеніне үйреніп қалдық. Бірақ бәрі сіз ойлағандай емес. Картадан картаға аудару тегін дер, бірақ әр банктің өз «сюрпризі» бар. Дегенмен, Сіз егер Kaspi-ден басқа банктің картасына ақша аударғыңыз келсе, 1% комиссия ұсталады. Яғни, 500 мың аударсаңыз – Сізден 5000 теңге ұсталады. Мысалы, мұндай қызмет «Халық банкте» 150 теңге тұрады. Басқа банктерде де солай: аударым қызметі мейілінше арзан немесе тегін. Мысалы, Simple жүйесінде тіпті ол қызмет – тегін.

Сосын Kaspi-дің картаны қолданғаның үшін жыл сайын алатын комиссиясы бар. Ал, басқа банктердің карта қызметі үшін комиссияны әлдеқашан алып тастағанын білуші ме едіңіз? Яғни, өзге банктер Kaspi секілді сізден 2 мың ақшаңызды шешіп алмайды. Тегін ұсынады.

2-себеп: Cashback

Бұрын Kaspi 1%, тіпті кейде 3% кешбэк беретін. Қазір ол – 0,25%. Ал, көп дүкендерде сатып алған тауар үшін кешбэкті мүлдем алмайсыз да! Мысалы, төлем кезінде Simple қолданатын болсақ, 3% кешбэк алуға болады. Болмаса, кез келген басқа банк арқылы төлем жасағанда, әйтеуір, кешбэк аласыз. Яғни, Kaspi картасын қолдана тұрып зат сатып ала беретін болсаңыз да, Сіз айына кэшбэкпен жиналатын 20-30-40 мыңдай ақшадан қағыласыз. Kaspi оны Сізге бермейді. Берсе де бонус түрінде ғана беруі мүмкін. Ал, басқа банктер сash-ті ақшалай (!) береді.

3-себеп: Қолайлылық

Kaspi қазір Сіз ойлағандай аса қолайлы да емес. Мысалы, төлем жасар кезде Сіз тек Kaspi-QR-ды ғана қолдана аласыз. Kaspi арқылы аударым жасау да қазір сұраныстан кетіп барады. Себебі, кәсіпкерлер қашқақтайтын болды. Ал, мысалы, басқа банктердің картасын Apple Pay-ға немесе Samsung Pay-ға бекітіп алуға болады. Яғни, тиісті төлем құралына телефоныңызды жанастырып, төлем жасай бересіз. Тіпті, интернеттің болу-болмауы да маңызды емес. Сауда кезінде (Kaspi жағдайында) төлем жасау үшін мобильді қосымшаны ашып, QR-ды сканерлеп немесе сатушының нөмірін теріп, уақыт құртып тұрмайсыз.

Сосын карта алуға қатысты. Біреулер айтуы мүмкін, Kaspi-ге келдің, ЖСН/ИИН тердің – бір минутта картаңды аласың деп. Бұның өзі де қазір – «өткен ғасыр». Қазір оның қажеті шамалы. Неге десеңіз айтайын, қазір кез келген банкте онлайн тіркелуге болады. Сіздің картаңыз телефоныңызда пайда болады. Оны да кәдімгі карта секілді қолдана бересіз. Өйткені оларда да, мысалы, Apple Pay бар. Есесіне ондай енді Каспиде болмайды да.

Telegram | TikTok | Facebook

810 0 5 13 29

Астана халықаралық әуежайында ұшақтарды қабылдау және ұшу тоқтатылады

Астана әуежайы осындай хабарлама таратты. Себебі әуежайдың ұшу-қону жолағына күрделі жөндеу жүргізіледі. Сол үшін халықаралық әуежайда орындалатын рейстерге өзгерістер енгізілгелі отыр.

Қашан басталады?

Жөндеу жұмыстары 1 мамырда басталады. Жөндеу аяқталғанша жергілікті уақытпен сағат 22:00-ден 6:00-ге дейін елорда әуежайының әуеайлағында ұшақтарды қабылдау және ұшу тоқтатылады


- деп жазылған ресми хабарламада.

Сондықтан, сапарларыңызды алдын ала жоспарлап қойыңыздар.

Қажет болған жағдайда әуекомпаниялардың анықтама қызметтерін, олардың мобильді қосымшалары мен әуежай қызметтерін, сол секілді әуекомпаниялардың хабарламаларын жіті бақылап, ресми ақпарат көздерін пайдаланған дұрыс.

@qarzhylyq_sauat әуежайдың анықтама қызметі деректерін ұсынады:

Телефоны: +7 (7172) 702 999;
Астана қаласы тұрғындары үшін қысқа нөмір: 1333 (стационарлық телефонн
ан).

Telegram | TikTok | Facebook


Қайсысы тиімдірек: депозит пе, жылжымайтын мүлік пе?

Кез келген адамның бизнес бастауға батылы жете бермейді, сондықтан бұған дейін қалтасында артық ақшасы бар адамдар пәтер алып қойып, оны жалға беретін. Кейбірі құрылысы жүріп жатқан тұрғын үйлерге инвестиция салып, ол аяқталған соң үстінен ақша қосып сатып жатады. Енді бірі тапқан-таянғанын банктерде сақтайды. Бірақ бүгінгідей баға тұрақсыз кезеңде ақшаның басын қалай құраған жөн? Қайсысы тиімдірек: депозит пе, баспана сатып алу ма? Осы сауалдарға krisha.kz мамандары жауап іздеп көрген, деп хабарлайды El.kz ақпарат агенттігі.

Сарапшылар есептеу оңай болуы үшін былтырғы көрсеткіштерді алған, яғни онда бір жыл ішінде пәтер құнының өзгеруі, орташа жалдау ақысы, бір жылдағы инфляция деңгейі және т.б. ескерілген.

Мамандар салыстыру үшін шамамен екі бөлмелі пәтер құнына тең 25 млн теңгені алған.

Ақшаны депозитте сақтау тиімді ме?

Қазақстандағы банктерде ұлттық валютадағы депозит бойынша орташа мөлшерлеме жылына 14% құрайды. Былтыр қаңтарда депозитке 25 миллион теңге салсаңыз, бір жылдан кейін сыйақы 3 500 000 теңгені құрайтын еді.

Бұл соманы долларға айырбастағанда (қаңтарда орташа бағам 453 теңге болды), 55,2 мың доллар болатын еді. Бір жылда 1% сыйақы мөлшерлемесі бар депозиттен (Қазақстандағы банктерде шетел валютасы бойынша депозиттің ең жоғары мөлшерлемесі) 551 доллар аласыз.

Биыл қаңтардың басында доллар 456 теңге болды. Бір жылда доллардағы депозиттің пайдасы 250 000 теңгені құрайтын еді.

Валюталық депозит ашқанда бағаның теңгеге қатысты өсу мүмкіндігі бар.

Доллар көтерілсе, табыс та көп болар еді. Дегенмен былтыр ұлттық валюта өзін тұрақты көрсетті, жыл басында және аяғында айырбастау бағамы бірдей болды.

Жылжымайтын мүлікке инвестиция салу: артықшылықтары мен кемшіліктері

25 млн теңгеге үй сатып алсаңыз, қанша пайда көресіз?

Былтыр қаңтарда 25 млн теңгеге 2 бөлмелі пәтер алуға болатын еді, мысалы, Астананың сол жағалауындағы эконом кластағы жаңа құрылыс. Жөндеу жұмыстарын жасаудың қажеті жоқ.

Пәтерді сатып алғаннан кейін бізде екі жол бар: пәтерге ақша салмай, оны бір жылдан кейін сатып жіберу немесе жиһазға ақша жұмсап, жалға беру.

Ұлттық статистика бюросының мәліметі бойынша, бір жылда (2023 жылдың қаңтарынан 2024 жылдың қаңтарына дейін) елордада жаңа құрылыстағы пәтерлер орташа есеппен 1,7%-ға қымбаттады.

Осылайша 25 млн теңге үстіне 425 мың теңге қосылды. Пәтерді бір жылдан кейін жарты миллион теңгеге қымбатырақ сатуға болатын еді.

Ескеретін жайт, 10% мөлшерінде салық төлегіңіз келмесе, пәтерді бір жылдан кейін сату тиімді.

Telegram | TikTok | Facebook


Оралдық тұрғын министрге орташа жалақының 10 жылда төмендеп кеткенін есептеп беріпті

Qaz365.kz жазуынша, Еңбек және халықты әлеуметтік қорғау министрі Светлана Жақыпова Батыс Қазақстан облысына іссапармен барған. Халықпен кездесу кезінде Арман Қалиев есімді жергілікті тұрғын елдің экономикалық жағдайын былай жеткізіпті:

Менің жасым 38-де. Өмір бойы осы Оралда қаласында тұрамын. Өз басым Қазақстанның әлеуметтік жағдайын білемін. Бізде өндіріс жоқтың қасы. Бұл жалғыз Батыс Қазақстан облысына ғана емес, түгел Қазақстанға тән құбылыс. Бұл жерде ұсақ компанияларды есепке алып отырған жоқпын. Олар бәрібір шикізатты шеттен әкеледі.

Экономиканың сервистік моделі деген бар. Презентацияда Қазақстанның жалақысын теңгемен есептеп көрсетіп жатсыздар. Бұл дұрыс емес. Доллармен көрсету керек. Яғни, бізде өндіріс болмағандықтан, шикізат сатып күн көретін мемлекет ретінде доллармен есептелуге тиіс.

Енді сандарды сөйлетейін. 2013 жылы орташа жалақы 137 мың теңге (890 доллар), ал ең төменгі жалақы 18 660 теңге болды.

10 жылдан кейінгі орташа жалақы – 340 мың теңге. Долларға шақсақ, бұл – 745.

Сонда 10 жылдың ішінде орташа жалақы 17 пайызға төмендеген. Кедейліктің қай жерде екенін осы жерден көруге болады.

Қырыққабаттың бағасы 2013 жылы 29 теңге болса, қазір – 250 теңге. Яғни, 9 есе өскен. Банан сол кезде 205 теңге болса, қазір 1200 теңгеге жеткен. Қой еті 2013 жылы 1100 болса, қазір 3000 теңден кем түспейді. Сиыр еті де сол тұста – 1160/2500.

Оның есебіне риза болған министр азаматты жұмысқа шақырыпты.

Telegram | TikTok | Facebook


CTS: Астанада жеңілдігі бар және мектеп көлік карталарын қайта шығару шарттары өзгертілді

Енді ол карталарды ҚАЙТА ШЫҒАРУ үшін өзіңмен бірге 3х4 немесе 4х5 форматындағы фотосурет болуы керек. Сканерленгеннен кейін фотосурет кері қайтарылады, деп хабарлайды CTS компаниясы.

Бұған дейін жеңілдігі бар картаны қайта шығару кезінде фото қажет емес еді, өйткені оған бастапқы рәсімдеу кезінде берілген, жүйедегі фотосурет пайдаланылатын.

Жол картасын бастапқы және қайта шығаруға қажет құжаттар туралы еске сала кетейік:

Жеңілдік алатын санаттар үшін:

1) жеке куәліктің түпнұсқасы немесе төлқұжат;
2) зейнеткер куәлігінің түпнұсқасы;
3) көлемі 3х4 немесе 4х6 басып шығарылған түрлі-түсті фотосурет - 1 дана.


Мектеп көлік картасын шығару үшін:

1) жеке куәліктің түпнұсқасы не ата-анасының немесе заңды өкілінің бірінің төлқұжаты;
2) ЖСН-і бар туу туралы куәліктің түпнұсқасы;
3) Астана қаласының немесе қала маңындағы оқу орнынан анықтаманың түпнұсқасы;
4) көлемі 3х4 немесе 4х6 басып шығарылған түрлі-түсті фотосурет - 1 дана.


Telegram | TikTok | Facebook

Показано 20 последних публикаций.