"Был программа эшләй башлағанға тиклем беҙҙә мәҙәниәт учреждениелары автомобилдәре 100% тиерлек иҫкергәйне. Гастролдәргә юлланған артистарыбыҙ өсөн хәүеф янай ине. Ике йыл эсендә ҙур класлы 8 автобус, урта класлы 3 автобус, 16 микроавтобус, 51 еңел автомобиль һатып алдыҡ. Бөтәһе ярты миллиард һумдан ашыу суммаға 89 берәмек автотранспорт һатып алынды. Ошондай ярҙамығыҙ өсөн ҙур рәхмәт һеҙгә, Радий Фәрит улы. Ошо авторанспорт ярҙамында биш меңдән ашыу гастроль ойошторолдо", – тип билдәләне Башҡортостандың мәҙәниәт министры Әминә Шафиҡова.