Есть интересный контент?

Я расскажу как на нём заработать

Создай группу с платными сообщениями

Берите плату за каждое сообщение в своей группе!

Прямой эфир по Таро. Любые вопросы

Каждый четверг в 12 дня по Мск, отвечаю на любые темы

Статистика Избранное

Һин. Шиғыр. Донъя.

Гео и язык канала: Казахстан, Казахский

Категория: Книги

Шиғырҙар һәм тәҡдимдәр: @shigridonjabot
Беҙ ВК-ла https://vk.com/shigridonja

Связанные каналы | Похожие каналы

Гео и язык канала

Казахстан, Казахский

Категория

Книги

Статистика

Избранное

Фильтр публикаций

Скрывать удаленные

Скрывать репосты

Һин. Шиғыр. Донъя.

13 Nov, 05:00

БӘХЕТ ТУРАҺЫНДА...🦋

Ҡояш балҡығанда йондоҙ эҙләп,
Йондоҙҙарҙа күҙләп ҡояшты,
Эҙләгәнен таба алмай ҡалғас,
Бәхет юҡ, тип берәү алдашты.

Сәскә булһа әгәр һалҡын ҡышта,
Ҡарҙар яуһа әгәр йәйҙәрҙә,
Иң бәхетле булыр инем, тине,
Булыр инем, тине, әгәр ҙә...

Бәхет нурым ҡалған үткәндәрҙә...
Киләсәктә көтә бәхетем...
Ниңә бөгөн йәшәмәйһең, тинем,
Бәхетеңдең тойоп рәхәтен?

Бәхеттең бит үҙ миҙгеле булмай,
Артыҡ сәбәп уға кәрәкмәй.
Өркөтөрһөң уны тотам тиһәң –
Бәхет бер гүзәл күбәләктәй.

Һәр кешенең күңеленә ҡуна
Был күбәләк Ергә тыуғас та.
Нескә күңеллеләр уны тоя,
Ә иҫәрҙәр эҙләй һаман да.

Бәхет ята һинең күңелеңдә,
Ыҙаланма эҙләп сит яҡтан.
Тоя белеп өйрәнергә кәрәк,
Тик шунда бәхетле атыр таң.

Тоя белһәң бәхет-күбәләктең
Тын алышын, ҡанат ҡағышын,
Эй, күңелең, шашыр, күккә ашыр
Онотоп бар булған һағышын!

Һәр бер көндә, һәр бер ваҡиғала
Күрә белһәң әгәр матурлыҡ,
Бәхетеңде тоя беләң, тимәк,
Һиндә йәшәй, тимәк, яҡтылыҡ!

#ДинәСолтанова

🤍 Һин.Шиғыр.Донъя

192 0 1 13

Һин. Шиғыр. Донъя.

12 Nov, 05:01

ЙЫЛМАЯЙЫМ 😊

Ҡулдарыма һис эш бармай,
Ҡайҙан ғына им табайым?
Әйҙә әле ҡыҙыҡ өсөн
Тирә-яҡҡа йылмаяйым!

Кәйефем юҡ, мәшәҡәт күп,
Ни арала тын алайым?..
Мин эшләмәй кем эшләһен?
Туҡта, берҙе йылмаяйым!

Һис кенә лә тынғы бирмәй
Сирем – кемгә зарланайым?
Зарланыуҙан ниндәй файҙа?
Һиҙмәһендәр - йылмаяйым!

Кемдер ғәйбәт һөйләй икән,
Нисек кенә үс алайым?
Бысранырға теләгем юҡ,
Шартлап китһен – йылмаяйым!

Абынһам да, һөрлөкһәм дә,
Үҙ юлымдан атлап киләм,
Был донъяның бар михнәтен
Мин йылмайып еңә беләм!

#ФирүзәАбдуллина

🤍 Һин.Шиғыр.Донъя

213 0 3 13

Һин. Шиғыр. Донъя.

11 Nov, 05:02

🩵🩵🩵

Зәңгәр усаҡтар.
Һаман дөрләп ялҡын сәсә һымаҡ
Икәү бергә яҡҡан усаҡтар.
Иртәһен дә, кис тә,
Онотолмай һис тә
Күҙ алдымда тора ул саҡтар.

Күпме ваҡыт үтте ул көндәргә,
Күпме ииҫте ғүмер елдәре;
Дауыл йыға алмай,
Ҡырау һуға алмай
Беҙ ултыртҡан бәхет гөлдәрен.

Йөрәгемә ялҡын өҫтәп тора
Беҙ ҡабыҙған зәңгәр усаҡтар.
Һөйөүебеҙ, иркәм.
Бөрөләнгән икән-
Ҡушылырҙар беҙҙең һуҡмаҡтар.

#ШәрифБиҡҡол

🤍 Һин.Шиғыр.Донъя

238 0 1 16

Һин. Шиғыр. Донъя.

10 Nov, 05:59

🤷🏻‍♂🌪🤷🏻‍♀

Был донъяла бөтә нәмә
Һөйөү өсөн яратылған.
Тик ғашиҡтар әллә ниңә
Аҙашҡан да таратылған.

Берәүҙәрҙе ҡауыштыра,
Һарыларға һабыштырмай.
Берәүҙәрҙе һис ҡасан да
Бер-береһен табыштырмай.

Беҙҙе лә бит осраштырҙы
Ғүмер үтте тигән саҡта.
Эҙләнгәнбеҙ әллә ҡайҙан:
Һин бер яҡта, мин бер яҡта.

#ИрекКинйәбулатов

🤍 Һин.Шиғыр.Донъя

230 0 1 10

Һин. Шиғыр. Донъя.

9 Nov, 06:04

АРАЛАРҘА АҠ ҠАҒЫҘ💬📃📝

Икебеҙҙең араларҙа
Аҡ ҡына ҡағыҙ.
Бер ни яҙманығыҙмы тип,
Аптыратмағыҙ.
Яҙырға ярамай унда,
Булмай ҙа яҙып.
Яратһаң да, йән атһаң да
Аҡылдан яҙып.
Икебеҙҙең араларҙа
Ҡағыҙҙың ағы.
Шул аҡлыҡтан күҙҙәр алмай
Килә ҡарағы.
Төшмәҫме тип араларға
Хәреф йә өтөр...
...Хыялым бит бер билдәнән
Терелеп китер.
Өмөт йәшәй күҙҙәремдә,
Ҡурҡыу - йөрәктә,
Төшөп ҡуймаһын тип шунда
Һорау йә нөктә.
Икебеҙҙең арабыҙҙа
Аҡ ҡағыҙ бите.
Әйтелмәгән, әйт(ә ) алмаған
Йәнде әрнетә.
Икебеҙҙең араларҙа
Ҡағыҙ аҡ ҡына.
Ә бит ни теләһәң шуны
Яҙыр саҡ ҡына.
Яҙған түгел, яҙылмаған
Арабыҙ - ап-аҡ.
Яҙыр инек яҙылырлыҡ
Саралар тапһаҡ...

#ГөлнараХәлфетдинова

🤍 Һин.Шиғыр.Донъя

251 0 0 20

Һин. Шиғыр. Донъя.

7 Nov, 07:03

❄️☕️😌

Ҡыш килеүен ергә хәбәр итеп,
Ойоҡһотоп яуа тәүге ҡар.
Ойоҡһотоп яуған ошо ҡарҙа
Күпме ғиффәтлек, тим, сафлыҡ бар!..

Ташлана ла шулай ҡара ергә
Тәүге ҡарҙың тәүге бөртөгө,
Төшөп етмәҫ борон иреп бөтә,
Тере ҡалмайынса бер төгө.

Ләкин күктән уның артынса ук
Башҡалары ергә ташлана,
Һәм ҡара ер тотош аҡҡа сума,
Һәр үҙгәреш шулай башлана

#РәмиҒарипов

🤍 Һин.Шиғыр.Донъя

281 0 0 18

Һин. Шиғыр. Донъя.

1 Nov, 05:08

ИКМӘК ҺАЛДЫМ 🍞🥖🕊

Мамыҡ кеүек кенә йомшаҡ булып
Ҡабарып та беште икмәгем.
Икмәк булһа - йыр ҙа булыр тиеп
Әйтмәгәндәр икән тикмәгә.

Илкәйемдә именлектәр булһын,
Тыныс булһын зәңгәр күгем дә.
Ауылымдың баҫыу-ҡырҙарында
Тулҡынланып үҫһен игендәр.

Телем-телем телдем икмәгемде
Теләктәрҙең теләп тик ағын.
Икмәктән дә бөйөк, икмәктән дә оло
Был донъяла ни бар һуң тағын?

Сабый бала кеүек бәпләй-һөйә
Мейесемдә икмәк бешерҙем.
"Икмәк булһа - йыр ҙа булыр" тигән
Мәҡәлде лә иҫкә төшөрҙөм.

Өҫтәлдәрҙә икмәк булһын әле,
Йорт-илебеҙ тойһон именлек.
Яуҙан ир-егеттәр иҫән ҡайтһын,
Һаулыҡ булһын әле иң элек,
Күңелдәрҙә булһын изгелек!

#ФәниләЙәндәүләтова

434 0 0 9

Һин. Шиғыр. Донъя.

30 Oct, 13:14

Репост из: "Йәшлек" йүкә телефоны

Хыялдарым, өмөттәрем менән
Мөхәббәтем йәнәш барасаҡ,
Күкрәгемдә йөрәк тибә икән –
Барыһы ла яҡшы буласаҡ! (Фирүзә Абдуллина).

355 0 0 10

Һин. Шиғыр. Донъя.

28 Oct, 05:00

Яҙҙар менән бергә ҡайтығыҙ 🫶☀️🧡

Быйыл тағын, мин оҙатып ҡалдым,
Йылы яҡҡа киткән ҡоштарҙы.
Яҙһын ине беҙгә күрешергә,
Үткәргәс тә һалҡын ҡыштарҙы.
Тере сылбыр булып сыңрай - сыңрай,
Осоп үтте ҡаҙҙар, торналар.
Күл - йығалар яҙын ҡаршы алыр
Һеҙҙе көтөп, имен торһалар.
Онотмағыҙ ҡоштар тыуған яҡты,
Яҙҙар менән бергә ҡайтығыҙ.
Ете диңгеҙ аша үтһәгеҙ ҙә,
Ул яҡтарға һеҙ бит ятһығыҙ...

#МөхәмәтйәрМәғәсүмов

🤍 Һин.Шиғыр.Донъя

452 0 0 15

Һин. Шиғыр. Донъя.

26 Oct, 05:59

🧍‍♂❔🧍‍♀

Минән көткән шул һүҙҙәрҙе
Үҙең әйтһәң ни була?
Беләһең бит – күп нөктә лә
Нөктә менән ябыла.

Беләһең бит - был һүҙҙәрҙең
Һинеке ҡап яртыһы.
Эҙләйекме инде хәҙер,
Табайыҡмы уртаһын?

Уртаһында өтөр түгел,
Нөктә булһа ни ҡала?
...Миңә тигән һүҙҙәреңде
Үҙем әйтһәм ни була?
Үҙем әйтһәм ни була?..

#НаиләХәмбәлиева

🤍 Һин.Шиғыр.Донъя

428 0 0 11

Һин. Шиғыр. Донъя.

25 Oct, 05:01

🤷🏻‍♂🔥💃

Һин ултырып киттең тыныс,
Тик ҡалдырып бөтә утты.
Ул ялманы бар донъямды,
Әллә ниндәй янғын ҡупты.

Әйләнеп кил, мин дөрләйем.
Утты һүндерергә кире.
Мин һөйәлгән ағас яна,
Мин баҫҡан таш аға иреп.

#ИрекКинйәбулатов

🤍 Һин.Шиғыр.Донъя

408 0 0 12

Һин. Шиғыр. Донъя.

20 Oct, 05:01

🍁🧡😌

Шаран асыҡ күңел һымаҡ был көҙ,
Сымылдыҡ та уңған, юҡ ҡорған.
Ояртыла үҫкән алмағаста
Суҡтурғайҙар, күрсе, туй ҡорған.

Сыр-сыу килә (байрам!), бер һағыш юҡ,
Ҡош баҙары тынмай баҡсала.
Һорғолт ҡына донъя йәме икән
Шул ҡоштарға, йәнем, баҡһана.

Шул ҡоштарҙа бит ул көҙҙөң йәме,
Ҡыр ҡаҙҙарын кисә оҙаттыҡ.
Асыҡ ҡалһын ҡапҡа, ситкә ҡуйсы
Тутыҡ баҫҡан ауыр йоҙаҡты.

Асыҡ ҡалһын, (ҡунаҡ көтә күңел)
Йоҙаҡ элмә, зинһар, ҡапҡаға.
...Суҡтурғайҙар туйы алмағаста,
Суҡтурғайҙар туйы баҡсала...

#АйгөлАйытҡолова

🤍 Һин.Шиғыр.Донъя

528 0 0 12

Һин. Шиғыр. Донъя.

18 Oct, 04:59

👩🏻⁉️🤷🏻‍♂

Күҙ алдымда: күҙҙәремә ҡарап
(Ҡабатланып тора, тора ул.)
Йәнең бармы, тиеп һорағандай:
Мин нисәнсең? - тиеп һорауың.

Беренсеһе микән, һуңғыһымы -
Күҙ алдымда янды мең сатҡы:
Һин меңенсе булыр инең һаман.
Һөйөү китеп, килһә мең тапкыр.

#ИрекКинйәбулатов

🤍 Һин.Шиғыр.Донъя

485 0 1 13

Һин. Шиғыр. Донъя.

17 Oct, 05:00

🍁🌤️☂️

Урамда көҙ...
Һыуыk елдәр иҫә...
Кемдер өшөй..
Кемдер hағына...
Ә мин нимә??
Мин бәхетле!!!
Минең көҙгә ҡарап...
Иҫ китә😍🤩🤗!!!

#МиләүшәСатвалова

🤍 Һин.Шиғыр.Донъя

496 0 1 10

Һин. Шиғыр. Донъя.

16 Oct, 05:01

🔐😶💭

Шар асылған күңел ҡапҡасымды
Ябып, бикләп торам келәгә...
Уйҙарымды рәткә һалыр өсөн,
Бикләнәһем килә бер мәлгә.

Һәр кем хәҙер килеп инә алмаҫ,
Ике йөҙлө дуҫтар кәрәкмәй.
Йәшәй килә аҡыл ултыра шул,
Ялған дуҫҡа урын эләкмәй.

Күпме тапҡыр ауыҙ бешкәне бар
Дуҫмын ,тигән дуҫҡа алданып...
Күңел иләгенән үткәрәйем,
Үтә китһен уның ялғаны.

Туҙған уйҙар рәтләнерҙәр әле,
Ваҡыт ҡына кәрәк ипләргә.
Ә әлегә, ҡапҡастарҙы ябам,
Ныҡлы йоҙағым бар бикләргә.

Әрһеҙләшеп, асып маташмағыҙ,
Мин үҙем дә хәҙер үҙгәрҙем...
Янда булған күпме сүп-сар, ҡыйҙы
Иләк аша елгә елгәрҙем...

#ӘнисәМахийәнова

🤍 Һин.Шиғыр.Донъя

466 0 0 21

Һин. Шиғыр. Донъя.

14 Oct, 13:25

Репост из: Башҡорт донъяһы

ҒҮМЕР

Бала тыуа. Һәм асыла офоҡ
Тәҙрә уйымынан.
Офоҡ уны бүлә бар уйынан,
Бүлә уйынынан.

Офоҡтарҙан китә ул офоҡҡа,
Донъя буйлап китә.
Ҡай тарафты һайламаһын, яҙмыш
Бер үк ергә илтә.

... Бына кеше ята. Бар офоғо
Тәҙрә уйымындай.
Һәм ҡоршала офоҡ... Эй, был тормош,
Бала уйынындай.

Рәйес ТҮЛӘК.

431 0 1 17

Һин. Шиғыр. Донъя.

9 Oct, 07:04

Зәңгәр усаҡтар 🔥🧡⏳

Һаман дөрләп ялҡын сәсә һымаҡ
Икәү бергә яҡҡан усаҡтар.
Иртәһен дә, кис тә,
Онотолмай һис тә
Күҙ алдымда тора ул саҡтар.

Күпме ваҡыт үтте ул көндәргә,
Күпме иҫте ғүмер елдәре;
Дауыл йыға алмай,
Ҡырау һуға алмай
Беҙ ултыртҡан бәхет гөлдәрен.

Йөрәгемә ялҡын өҫтәп тора
Беҙ ҡабыҙған зәңгәр усаҡтар.
Һөйөүебеҙ, иркәм.
Бөрөләнгән икән-
Ҡушылырҙар беҙҙең һуҡмаҡтар.

#ШәрифБикҡол

🤍 Һин.Шиғыр.Донъя

523 0 1 23

Һин. Шиғыр. Донъя.

6 Oct, 14:46

Репост из: Башҡорт донъяһы

00:36

Видео недоступно для предпросмотра

Смотреть в Telegram

Рәшит Назаровтың шиғырын Башҡортостандың атҡаҙанған артисы Рәмзил Сәлмәнов уҡый.

546 0 0 15

Һин. Шиғыр. Донъя.

2 Oct, 06:09

ҒӘЖӘПЛӘНМӘ😌

Ғәжәпләнмә, көтмәгәндә генә
Бик күрергә һине теләһәм;
Ғәжәпләнмә, әгәр һине күргәс,
Ни тип әйтергә лә белмәһәм.

Ғәжәпләнмә, әгәр бер сәбәпһеҙ
Йәш аралаш ҡарап йылмайһам;
Ғәжәпләнмә, әгәр ҡайтып киткән
Юлдарыңа ҡарап моңайһам.

Ғәжәпләнмә һис тә, күҙҙәреңдән
һөйөү сатҡыларын эҙләһәм;
Ғәжәпләнмә, үҙем Зөһрә булып
Һине Таһир менән тиңләһәм.

#ФирҙәүесБәширова

🤍 Һин.Шиғыр.Донъя

615 0 5 21

Һин. Шиғыр. Донъя.

1 Oct, 07:05

ҠОЯШЫМ☀️🙂🫶

Иртәләрҙә ҡулым һуҙып
Ҡаршы алам, Ҡояшым.
Һин яратҡас, мин дә һине
Бик яратам, Ҡояшым.

Алтын нурың тигеҙ бүлеп
Таратаһың, Ҡояшым.
Бар кешене тигеҙ күреп
Яратаһың, Ҡояшым.

Ҡайһы саҡта ҡара болот
Һине ҡаплай, Ҡояшым.
Тик барыбер тынмайһың һин
Беҙҙе тапмай, Ҡояшым.

Алһыу таңда үҙ яныңа
Мине ал һин, Ҡояшым,
Бик бейеккә, күк ситенә
Алып бар һин, Ҡояшым.

Тик бер аҙҙан Ергә кире
Ҡайтарып ҡуй, Ҡояшым.
Тыуған ерһеҙ, кешеләрһеҙ
Йәшәй алмам, Ҡояшым!

#ФирҙәүесБәширова

🤍 Һин.Шиғыр.Донъя

540 0 0 14

Показано 20 последних публикаций.

571

подписчиков

Статистика канала

Популярное в канале

Яҙҙар менән бергә ҡайтығыҙ 🫶☀️🧡 Быйыл тағын, мин оҙатып ҡалдым, Йылы яҡҡа киткән ҡоштарҙы. Яҙһы...

ИКМӘК ҺАЛДЫМ 🍞🥖🕊 Мамыҡ кеүек кенә йомшаҡ булып Ҡабарып та беште икмәгем. Икмәк булһа - йыр ҙа ...

🧍‍♂❔🧍‍♀ Минән көткән шул һүҙҙәрҙе Үҙең әйтһәң ни була? Беләһең бит – күп нөктә лә Нөктә менән яб...

🤷🏻‍♂🔥💃 Һин ултырып киттең тыныс, Тик ҡалдырып бөтә утты. Ул ялманы бар донъямды, Әллә ниндәй ...

❄️☕️😌 Ҡыш килеүен ергә хәбәр итеп, Ойоҡһотоп яуа тәүге ҡар. Ойоҡһотоп яуған ошо ҡарҙа Күпме ғи...