Желіде Vanil косметика дүкенінің ұтыс ойынын өткізген сәтінің видеосы тарады. Кадрлардан қыздың жеңімпазды таңдау кезінде киім жеңінің астына жасырған қағазын ала-алмай жатқанын байқауға болады. Ол қорапшаны араластырғандай болып, жеңінің астына жасырған қағазды алып шығып, жеңімпаздың атын атайды.

Бұл жағдай желі қолданушыларының арасында қызу талқыға түсті. Бірі косметика желісін сотқа беру керек десе, енді бірі аталған жағдайға модель қызды кінәлап отыр.

Косметикалар желісінің басшысы Дина Қоңырованың сөзінше, қазіргі уақытта модельмен келісімшарт бұзылған. Қазір жаңа модель мен SMM іздеп жүргенін айтты.

Ол бұған дейін ұтыс ойындарын өткізгенін, мұндай қиындықтарға тап болмағанын айтты. Ал мына жағдайдан кейін өзім де шок алдым, дейді. Тікелей эфирді қайталап көріп, купонның жең астында тұрғанын кейін байқапты. Сондай-ақ ол әрбір қазақстандықтан өз жұмысын адал атқаруды сұрады.

t.me/stankznews