Жаңалықтар - Stan.kz


Гео и язык канала: Казахстан, Казахский
Категория: Новости и СМИ


Біз әлемде және елде болып жатқан оқиғалар туралы хабар таратып, саяси және экономикалық оқиғаларға түсініктеме береміз.
Осында маңызды ақпаратты, қызықты фото мен видео жіберуіңізге болады @stankznews_bot

Связанные каналы

Гео и язык канала
Казахстан, Казахский
Категория
Новости и СМИ
Статистика
Фильтр публикаций


Видео недоступно для предпросмотра
Смотреть в Telegram
💬 Бармен Нүкенова өлтірілген күні Бишімбаевтың мейрамхана ішінде пышақпен жүргенін айтты

“Бәріміз қорқып кеттік. Оны көрген кезде қолына пышақ ұстап әжетханаға кіріп кетті. Соңынан дереу кіріп, пышағын тартып алдық. 15-20 минуттан соң полиция келді. Ол жылап “бұл не болды, неге олай істедім?" деді. Мас күйінде болды", - деді куәгер.


t.me/stankznews


Видео недоступно для предпросмотра
Смотреть в Telegram
Маңғыстауда теңіз жағасынан 40 итбалықтың өлексесі табылды

Кадрлардан көздері зақымданған бірнеше итбалықтың теңіз жағасында жатқанын байқауға болады. Соңғы үш күнде ауа райының күрт құбылуына байланысты арнайы комиссия жағалауды тексеріп жатыр.

29 наурызда Түпқараған ауданындағы Урдюк мүйісі мен Баутинская шұңқырының аралығындағы жағалаудан 40 итбалық өлексесі табылды.

Мамандардың тексерісі кезінде олардан дене жарақаттары, жаралар немесе зорлық-зомбылықпен өлім белгілері табылмаған.

t.me/stankznews


Видео недоступно для предпросмотра
Смотреть в Telegram
💬 Бишімбаев ісіне қатысты куәгер көрген-білгенін баяндауда

t.me/stankznews


❓Бишімбаевтың қорғаушыларының Айтбек Амангелдіге қойған сауалдары

Назкен Құсайынова мен Ләйлә Рамазанова сұрақты кезекпен қоюда.

- Салтанатты кетуге көндіруге тырыстым дейсіз. Неліктен олардың отбасын сақтап қалуына көмектеспедіңіз?

- Неге тергеуге Салтанатпен бақытты отбасылық өмірі туралы жазған хабарламаларын бермедіңіз?

- Салтанат бұрын психологиялық көмекке жүгінген бе?

- Салтанат бала кезінде жарақат алды ма?

- Салтанатпен ұрысып, ренжіскеннен кейін қалай татуластыңыз?

- Салтанат шетелде білім алған ба?

Ал судья Бишімбаевтың адвокаттарына бірнеше рет ескерту жасап, олардан тек істің мәніне қатысты сұрақтар қоюды сұрады.

t.me/stankznews


Бишімбаевтың адвокаты қызғаныш деген сөзді ерекше атап өтуде

Адвокат Айтбек Амангелдіге Салтанат Нүкенованың қаншалықты қызғаншақ болғаны туралы сұрақ қойды.

"Салтанат Бишімбаевтың бұрынғы некедегі балаларына қызғанышпен қарамайтын және олармен жақсы қарым-қатынаста болды", - деді Айтбек.


t.me/stankznews


Видео недоступно для предпросмотра
Смотреть в Telegram
Маңғыстау облысында Ыбықты-Сай шатқалында тасқа қызының есімін қашап жазған шенеунік жұмысынан қуылды

Ақпаратқа сәйкес, конкурс комиссиясының шешімімен Манас Көшербаев Байғанин аудандық мәдениет үйінің меңгерушісі болып тағайындалған.

“Алайда Байғанин аудандық мәдениет, тілдерді дамыту, дене шынықтыру және спорт бөлімі басшысының 2024 жылы 27 наурыздағы бұйрығымен Манас Көшербаевтың берген өтінішіне сәйкес қызметінен босатылғаны белгілі болды”, – делінген хабарламада.


t.me/stankznews


Қазақстандықтар үшін тауарларды бажсыз әкелу шегі 1000 еуродан 200 еуроға дейін төмендейді

1 сәуірде Еуразиялық экономикалық комиссияның жеке пайдалануға арналған тауарларды бажсыз әкелу шегін 200-ден 1000 еуроға дейін ұлғайту туралы шешімінің мерзімі аяқталады. 1000 еуро шегін сақтау үшін ЕЭК кеңесінің барлық мемлекеттердің басшылығы деңгейінде келісілген жаңа шешімі қажет.

Еуразиялық тұтынушылар одағының тең төрағасы Петр Шелиштің айтуынша, ол ЕЭК-ке қазіргі шекті 1000 еуроны сақтап қалу туралы өтінішпен жүгінген.

"Бізге ЕАЭО-ға мүше бірде-бір ел мұндай ұсыныс жасамағанын айтты", – дейді Петр Шелиш.


t.me/stankznews


Жетісуда халықаралық әуежай салынады

Халықаралық жүк-жолаушылар әуежайын инвесторлар салады. "Қорғас – Шығыс қақпасы" еркін экономикалық аймағының аумағында әуе айлағы пайда болмақ.

Қазақстан-Германия бірлескен жобасы 250 миллиард теңге инвестиция тарта отырып, үш кезеңде жүзеге асырылады. 700 жұмыс орны ашылады.

"Өнімділігі – 50 мың тонна жүк, жолаушылар терминалының өткізу қабілеті – сағатына 500 адамға дейін. Жобаны жүзеге асырудың негізгі мәселелері мен перспективаларын бүгін облыс әкімі Бейбіт Исабаев инвесторлармен кездесуінде талқылады", – делінген хабарламада.


t.me/stankznews


Видео недоступно для предпросмотра
Смотреть в Telegram
💬 "Салтанаттың мерт болғанын айтқанда сенгім келмеді"

Айтбек Амангелді сот процесі кезінде қарындасының өлімін естіген сәтін еске алды.

t.me/stankznews


Айтбек қарындасы Салтанатты бірнеше рет кетуге көндірмек болған

"Дүкенге шығып бара жатқан кейіп танытып, сыртқа шық. Сені алып кетуге дайынмын. Сен менің қанымсың. Дәл қазір түрмеде өмір сүріп жатырсың. Сен армандаған өмір осы ма еді? Маған алып кет деп айтшы, мен ұшып барамын", – деп айттым деді Нүкенованың ағасы.

t.me/stankznews




Видео недоступно для предпросмотра
Смотреть в Telegram
Сотта Айтбек Амангелді қарындасы Салтанат Нүкеновамен алмасқан хаттарын оқып жатыр

t.me/stankznews


Қуандық Бишімбаевтың анасы Альмира Бишімбаева сот процесіне қатысып жатыр

Ол сотталушы Бишімбаевпен хат алмасып отыр.

t.me/stankznews


❗Сот отырысында Салтанат Нүкенованың ағасы Айтбек Амангелді марқұмның соққыға жығылған кезіндегі суретін көрсетті

Ағасының сөзінше, суретті 2023 жылдың наурызында Салтанат Нүкенованың өзі жіберген. Бұл жағдайдан соң Айтбек Амангелді қарындасын алып кетпек болған екен. Алайда марқұм бұған келіспеген.

"Мен оған "Егер соққылар қатты болса, ол (Қуандық Бишімбаев) сені өлтіріп тастайды" дедім. Бірақ Салтанат бұл оның өмірі екенін және кетпейтінін айтты", - деді Айтбек Амангелді.

t.me/stankznews


Видео недоступно для предпросмотра
Смотреть в Telegram
❗️Алматыда тұрғын үй кешенінің күзетшісін жауыздықпен өлтіріп кеткен

Күдікті алдымен күзетшіні көлікпен қаққан. Содан кейін шалажансар жатқан жігітті ұрып-соққан. Алған жарақаттарының салдарынан күзетші ауруханада жан тапсырды.

Полиция дерегіне сәйкес күзетші мен 45 жастағы ер адам арасында жанжал туындаған. Қазір ер адам қамауда. Оқиғаның мән-жайы анықталып жатыр.

t.me/stankznews


🇰🇿🇺🇦Елшілік қазақстандықтарға Украинаның Одесса және Харьков облыстарынан кетуді ұсынды

Бұл туралы ақпарат елшіліктің Telegram арнасында жарияланды.

"Украинадан Қазақстанға бару үшін Қазақстан Республикасының азаматтары Польша немесе Молдова арқылы өтетін екі жерүсті бағытты, сонымен қатар коммерциялық рейстерді пайдалана алатынын атап өтеміз. Польша арқылы кеткен жағдайда қазақстандықтарда шенген визасы болуы керек, Молдоваға кіру үшін виза қажет емес", - делінген хабарламада.

Сондай-ақ елшілік азаматтарды әуе шабуылы туралы ескертулерге мән беруге және дереу қауіпсіз жерді паналауға шақырды.

t.me/stankznews


Шаңды дауыл: Алматы әуежайында рейстер кешігіп жатыр

Алматы халықаралық әуежайы қолайсыз ауа райына байланысты рейстер кешігіп жатыр.

"Әуежайдың барлық қызметтері 24/7 күшейтілген режимде жұмыс істеуде. Түсіністікпен қарауларыңызды сұраймыз", – деп хабарлады әуежайдың баспасөз қызметі.


t.me/stankznews


Алматы облысында 3 жасар егіздер мен 9 жасар қызды зорлаған ер адам өмір бойына сотталды

Бұл туралы бала құқықтары жөніндегі уәкіл Динара Закиева мәлімдеді. 

“Бүгін Алматы облысында 3 жасар егіздер мен 9 жасар қызды зорлау фактісіне қатысты іс бойынша соңғы сот отырысы өтті. Ер адам өмір бойына, оның әйелі (3 жасар қыздың әжесі және 9 жасар қыздың анасы) 25 жылға бас бостандығынан айырылды”, – делінген жазбада. 


t.me/stankznews


🌬️ Алматыдағы дәл қазіргі жағдай

Төтенше жағдайлар қызметі күшейтілген кезекшілік режимінде жұмыс істеп жатыр.

Тұрғындар қалада ағаш бұтақтары сынып, құрылыс жабындары құлап жатқанын айтуда.

t.me/stankznews


Видео недоступно для предпросмотра
Смотреть в Telegram
Желіде оқушылардың Құран оқып жатқан видеосы тарады

Оқу-ағарту министрлігі жағдайды зерделеп, намаз оқитын орындардың бар-жоғын облыстық бiлiм басқармаларының мониторинг топтары тексергенiн хабарлады. Министрлік аталған видео шет мемлекетте түсірілген болуы мүмкін дейді.

"Бұл оқиға Қазақстанның білім беру ұйымының аумағында болмағанын ресми түрде хабарлаймыз. Қазіргі таңда мектеп оқушыларымен және олардың ата-аналарымен профилактикалық әңгімелер жүргізілді. Бұл бағыттағы жұмыстар жалғасуда", - деді министрлік.


Сондай-ақ Қазақстан мектептерінің аумағында діни жоралғылардың кез келген түріне тыйым салынғаны айтылды.

t.me/stankznews

Показано 20 последних публикаций.