quranuiren

6️⃣ АЛТЫНШЫ ЕРЕЖЕ

Егер сапарда немесе басқа да себептермен қолхат жаза алмайтын жағдайда болса, кепілге зат алуына болады.

Мұның мәні, егер қарызды қайтаратын уақыт келіп, қайтарушы одан бас тартса, онда кепілде тұрған зат сатылып, қарыз өтеледі, ал сатудан түскен қаражаттың қалған бөлігі (бар болса) иесіне, яғни борышкерге қайтарылады.

5️⃣ БЕСІНШІ ЕРЕЖЕ

Қарыз беру кезінде куәгер ретінде екі ер адам, егер екі ер кісі болмаса, онда бір ер кісі және екі әйел болуы тиіс.

4️⃣ ТӨРТІНШІ ЕРЕЖЕ

Егер қарыз алушы өзі хат танымаса (жазу жаза білмесе), қолхатты Алладан қорқатын сенімді басқа адамға (өзінің айтқанын айна қатесіз жазып беру шартымен) жазғызуына болады. Яғни жазып отырған адам еш нәрсені өзгертпеуі тиіс. (Ақшасын көбейтіп не азайтып, т.б.)

3️⃣ ҮШІНШІ ЕРЕЖЕ

Егер қолхатты қарыз алушы емес, басқа адам жазса, онда қарыз алушы ол қағазға өзінің келіскендігін жазуы тиіс.
Мысалға,
Мен __(қарыз алушы)_, __(қарыз берушіден)_ 100 000 тг қарызға алдым. Келісілген уақытта ақшаны қайтаруға уәде беремін.

2️⃣ ЕКІНШІ ЕРЕЖЕ

Шарттарды нақты көрсете отырып, қолхатты (түбіртекті) жазып алыңыз. Қағазға жазыңыз немесе ұялы телефоныңызға теріп, почтаңызға өшпейтіндей етіп сақтап қойсаңыз болады. Бастысы өшіп қалмауы қажет.

Мысалы,
Мен _(қарыз беруші)_ 30.04.2020 ж. _(қарыз алушыға)__ 100 000тг (жүз мың теңге қарызға бердім). Алла қаласа 50 000тг (елу мың теңгесін) 10.05.2020ж сағат 18:00-ге дейін. Ал қалған 50 000тг (елу мың теңгесін) 10.06.2020ж.12:00-ге дейін қайтарады.
Қарыз берушінің қолы:
Қарыз алушының қолы:

1️⃣ БІРІНШІ ЕРЕЖЕ

Қарыз алып жатқан адам да, беріп жатқан кісі де, ең алдымен, мерзімін дәл анықтап, келісіп алуы керек. Яғни қарыз қанша уақытта қайтарып бере алатынын кесіп айтуы тиіс. Қолхатқа куә болған адамдар да аты-жөндерін, куә болғандарын жазса, артық болмайды.
Мысалы, "Алла қаласа мен сенің ақшаңды дәл бір аптадан кейін (09.05.2025 ж.) сағат 18:00-де қайтарып беремін"

Иә, бұл - қарыз алу мен оны қайтарып беру мәселесінде, өкінішке орай, жиі кездесіп жататын сөздер.

Бұған қатысты кикілжің өте көп. Тіпті, кейбірі жақын таныстарымен ат құйрығын кесіссе, кейбірі сотқа жүгініп жатады. Бұған себеп, “даудың басы - Дайрабайдың көк сиыры” демекші, ең басында қарапайым ғана бірнеше ережені орындамағандығымыздың кесірі.

Айтпақшы, бүгін сол ережелерге тоқталып өтпекпіз. Алла Тағала сіз бен бізге пайдалы ілімдерден етсін!🤲

🌱 “Қарызға ақша беріп едім, ала алмай жүрмін”

🌱 “Қарызға кімнен ақша сұрай тұрсам екен?”

🌱 “Сеніп едім, ақшамды бермей кетті”

🌱 “Қайта-қайта сұрай беруден ұяламын”...

Дұғаларды сақтап алып, қарызға батқан жақын, таныс, туыс, достарыңызға жіберіп қойыңыз🚀

1️⃣ «Иә, Алла! Мені кешіре гөр, рақым етіп, мені тура жолға бастай гөр. Мені Өзің оңдап, есендік бер. Ризық-несібе бер әрі мені жоғары (дәрежеге) көтер»

اللهم اغفرلي، وارحمني، واهدني، واجبرني، وعافني، وارزقني، وارفعني

«Аллаһуммә-ғфир ли, уәрхамни, уәһдини, уәжбурни, уа’афини, уәрзуқни, уәрфә-’ни»

2️⃣ «Иә, Алла! Мені харам нәрселеріңе ұрындырмай, маған халал нәрселеріңді жеткілікті ет. Әрі Өз кеңшілігіңмен мені Өзіңнен басқаға мұқтаж етпе"
(хадис. Тирмизи, 3563)

اللهم اكفني بحلالك عن حرامك وأغنني بفضلك عمن سواك

Аллаһумма-кфини би хәләәлика 'ан хараамика, уә ағнини би фадликә 'амман сиуәәкә.

3️⃣ «Иә, Алла, расында, мен Сенен Сенің басшылығыңды, тақуалықты, (күнәдан, жаман қылықтардан) пәктікті және байлықты сұраймын» (хадис. Муслим)

‎اللهم إني أسألك الهدى والتقى والعفاف والغنى

"Аллаһумма инни әс әлукәл-Һудә уәттуқа уәлъәфәфә уәл-ғинә"

4️⃣ «Иә Алла, кешір мені, маған рахым ет, сондай-ақ мені тура жолға шығар, сондай-ақ маған ризық бер!»

/Аллаһумма, ғфир ли, уа-рхам-ни, уа-хди-ни, уа ‘афи-ни уа-рзуқ-ни!»

5️⃣ «Иә, Алла! Расында, мен Саған уайым-қайғыдан, әлсіздік пен жалқаулықтан, сараңдық пен қорқақтықтан, қарыздың ауыртпалығынан әрі адамдардың жәбірлеуінен сыйынамын» (хадис. Бұхари)

«Аллаһуммә инни әъузу бикә мин әл-һәмми, уәл-хазәни, уәл-ъажзи, уәл-кәсәли, уәл-бухли уәл-жубни, уә даләъид-дәйни, уә ғаләбәтир-рижәәл»

‎اللَّهُمَّ إِنِّي أَعُوذُ بِكَ مِنَ الْهَمِّ وَالْحَزَنِ، وَالْعَجْزِ وَالْكَسَلِ، وَالْبُخْلِ وَ الْجُبْنِ، وَضَلَعِ الدَّيْنِ وَغَلَبَةِ الرِّجَال

Ендеше, қарыздан құтылу үшін оқылатын ЕҢ ТАҢДАУЛЫ 5 ДҰҒАНЫ ұсынамыз⤵️

Біз кеше қарыздан құтылу үшін нақты 4 әрекетті ұсындық иә?! Соның бірі - дұға жасау еді

1️⃣ Ендеше, ең әуелі отырып НИЕТ жаңартыңыз. Барынша тез уақытта бар мүмкіндікті, күш-қуатыңызды салып еңбек етіп, қарыздан құтылуға әрекеттенуге ниет етіңіз.

2️⃣ Екінші, "осы әрекетіме береке беріп, қарыздан құтылуыма жәрдем бер" деп Алладан дұға етіңіз:
"Аллаһуммәк-фини Би халалика ъан харамика, Уә ағнини би фадлика ъамман сиуак"
Иә, Раббым! Мені халалға қанағат етіп, харамдардан сақтанатын ете гөр және ұлылығыңмен Сенен басқаға мұқтаж болудан сақтай гөр.

3️⃣ Үшінші, "Раббым, дұғамды қабыл ет, әрекетіме береке бер, өмірімді қарызсыз ет" деп, шамаңыз келгенше садақа беріңіз.

4️⃣ Төртінші, қазіргі табысыңызды анализдеп, ең тез дегенде қанша уақытта құтылуға болатынын жоспарлаңыз. Егер табысыңыз жоқ немесе аз болса, қосымша жұмыс көздерін қарастырып көріңіз. Қолы қимылдағанның қарны тоқ болатынын ұмытпаңыз. Ең бастысы, өзіңізге дедлайн қойып, сол уақытқа дейін қалайда жабамын десеңіз, жолдары шыға бастайды.
Алайда, өте тез уақытта құтылып кетемін деп сиқырлы таяқша күтпей, өз шамаңызға, табыс деңгейіңізге анализ жасап алу өте маңызды.

Бүгінгі 4 этап бойынша әрекет бастасаңыз, осында жаза кетіңіз. Ұмытпаңыз, әрекет - сізден, берекеті - Алладан.

Қарызыңыздың нақты сомасын жаздыңыз, солай ма?

Жаңа рилс

Қарызыңыздың нақты есебін білесіз бе? Қағазға жазылған ба? (тиынына дейінгі нақты сомасын қағазға түсіріп, тізіп шығыңызшы) бізге де есеп ретінде кері байланыс бере отырыңыз.

Егер ақпарат пайдалы болып жатса, реакция білдіріп, пікір жазып қойыңыздар, ертең қарыздан құтылуға байланысты пайдалы деректермен бөлісетін боламыз✊