🌀Тосканбаев Арман | Бизнес мышление

🇰🇿 Қазақ тілінде

Бүгін сіздермен кейбір адамдар неге бір көргеннен бір-бірін ұнатып жатса, кейбіреулері неге бірден жақтырмай қалатындығы жөнінде өз ойыммен бөліссем деймін. Сіз ол туралы ойланып көрдіңіз бе? Меніңше, ол камертон эффектісіне ұқсайды. Камертонның не екенін білесіз бе? Ол — дыбыс биіктігін алуға және тіркеуге арналған аспап. Егер камертонды таяқшамен ұрса, ол белгілі бір жиіліктегі дыбыс шығарады, мәселен, 440 Гц. Егер оның жанына сондай жиіліктегі тағы бір камертон қойса, ол да ештеңенің әсерінсіз тура сондай дыбыс шығарады. Екі нысан жиіліктерінің өзара сәйкес келуіне байланысты үйлесе тербелуінен пайда болған бұл құбылыс резонанс деп аталады. Адамдардың арасында да сондай резонанс пайда болады деп ойлаймын. Біз қызығушылықтары, көзқарасы, сана-сезімі өзімізге ұқсас адамдарды кездестіргенде, бір-бірімізді сөзсіз түсінетіндей үйлесімге келеміз. Ал осы айтылған ұқсастықтардың ешқайсысы бойынан табылмаса, ондай адаммен тіл табысуымыз екіталай.
Бұл біріміз "жақсы", енді біріміз "нашар" деген сөз емес, жай ғана адамдардың жиіліктері әртүрлі екенін білдіреді. Кей кездері басқа адамның жиілігіне сай өзгеруіміз мүмкін, алайда ол еңбек пен адамның ішкі қалауына байланысты. Ал кейде сол айырмашылықты қабылдап, ол адамды құрметтейміз. Егер адамдардың бәрі бірдей болса, өмір де қызықсыз болар еді.

🙋‍♂️ Ал сіздер бұл туралы не ойлайсыздар? Басқа адамдармен арадағы резонанс пен диссонанс туралы ойларыңызды пікірге жазсаңыздар болады. Жауаптарыңызды күтемін!

🇷🇺 Текст на русском языке выше ⬆️

🇰🇿 Қазақ тілінде

Бизнес те спорт сияқты: керемет нәтижеге қалай қол жеткізуге болады?

Спорт пен бизнестің ұқсастығы көп. Екеуі де мақсатқа ұмтылу, тәртіп, төзімділік пен қиындықтарға төтеп бере білу сияқты қабілеттерді талап етеді. Екеуі де адамның өсуіне, дамуына, жаңа белестерді бағындыруына мүмкіндік береді. Алайда, спортта немесе бизнесте үлкен жетістікке жету үшін жай ғана соны қалау жеткіліксіз. Әрекет ету керек. Ойын-сауықтан, жалқаулықтан, сылтаудан бас тартуың керек. Белгілі тәртіпке бағынып, мықтылардан тәлім алып, өзіңді жаттықтыруың қажет.  
Егер өз ісіңіздің хас шебері болғыңыз келсе, неге алыс қашықтық пен ыстық-суыққа мойымайтын, "тепсе, темір үзетін" спортшылардан үлгі алмасқа?! Олар мақсатқа жету үшін жоспарлаудың, талдау жасаудың, тәжірибе жүргізудің маңыздылығы мен өз әрекетіңе түзетулер енгізу керектігін жақсы біледі.

Мен сіздерге "екі сағат" концепциясын ұсынамын, яғни күніне екі сағат уақытыңызды спорт пен физикалық белсенділікке арнаңыз. Бұл сіздің денсаулығыңызды ғана жақсартып қоймай, өзіндік тәртіп, мақсатқа ұмтылу, дағдарысқа төзімділік, креативтілік секілді бизнесте қажетті дағдыларды қалыптастыруға көмектеседі.

Спорт та бизнес сияқты, — әрі сын, әрі мүмкіндік. Ал сіз оған дайынсыз ба?

🇷🇺 Текст на русском языке выше ⬆️

🇰🇿 Қазақ тілінде

Тәлімгерім Жексен Васильевичке МН өнімін сыйладым. Онымен жұмыс істеген 6 айдың ішінде кәсіпкер ретінде өте құнды білім алдым.
Ол — кәсіпкерлер үшін таптырмайтын жаттықтырушы. Тәлімгерлік барысында:
- 15 кітап оқыдым;
- 9 тренингке қатыстым;
- коучтың көмегімен өзімнің осал және мықты тұстарымды анықтадым;
- 3 жылға арналған спорттық мақсатымды таңдадым: oceanman 1500, 5000, 10000 метр.
- мінез-құлқым мен әрекет ету стратегиямды өзгертуді үйрендім.
Алдағы уақытта өзіммен әлі біраз жұмыс істеуім керек. Бизнес те спорт сияқты, нәтижеге жеткің келсе, — көп жаттығуың қажет!

🇷🇺 Текст на русском языке выше ⬆️

🇰🇿 Қазақ тілінде

Қазақстан мен Қытай мемлекеттері өзара визасыз режим енгізу туралы көліссөзге қол қойды. Менің ойымша, бұл еліміздің дамуы мен бизнестің өркендеуіне өте пайдалы. Бізге "енді қытайлар қаптайды" деп қорқудың қажеті жоқ, олар бүкіл әлемге кеңінен қадам басуда. Тек, "біз әлемдік бәсекелестікке қаншалықты дайынбыз?" деген мәселе туындайды. Жапондықтар 189 мемлекетке визасыз қатынай алады, ал бізде бар-жоғы 30 ел, ол да — біз үшін жақсы көрсеткіш. Қытайдан үйренеріміз көп, ол үшін сол елге барып, тәжірибе жинақтауымыз қажет. Содан соң, оны еліміздегі экономика мен бизнесті, ғылым мен білімді және басқа да салаларды дамытуға қолдана аламыз.

Ал сіз қалай ойлайсыз? Бұл бастама жаңа мүмкіндіктерге жол аша ма, жоқ әлде еліміз үшін қауіпті ме?

🇷🇺 Текст на русском языке выше ⬆️

🇰🇿 Қазақ тілінде

Бүгін Ақтөбе қаласында жағымсыз оқиға орын алды. Тегін дөнер тарату кезінде адамдар бір-бірін таптап кеткен. Мұндай акциялар ешқашан ақталмайды, бизнесіңізге еш пайдасы жоқ, керісінше, зияны тиюі мүмкін. Құдай бетін ары қылсын, бірақ сіздің кесіріңізден біреу-міреу  ажал құшса ше?! Мұндай шаралар сіздің кәсіпкерлік абыройыңызға нұқсан келтіреді, одан соң, тұтынушы табуыңыз да екіталай. Сол себепті, ісіңізді ілгерілету мақсатында мұндай ауқымды акциялар ұйымдастырарда абай болыңыз. Адамдардың сараңдығын, әлеуметтік жағдайының төмендігін, әлденеге мұқтаждығын өз мүддеңізге пайдаланбаңыз. Бизнесте әу бастан-ақ атыңызға кір келмеуін ойлауыңыз керек, бүлінген атақ-абыройыңызды қайтару оңай болмайды.

🇷🇺 Текст на русском языке выше ⬆️