Орта дәліз (Орта Транскаспий халықаралық көлік дәлізі) — Қытай мен Еуропа арасындағы жүк тасымалының Қазақстан арқылы өтетін балама бағыты. Бұл дәліз жүк тасымалын жылдам әрі қауіпсіз жүргізуге мүмкіндік береді, осылайша Қазақстанның логистикалық және сауда әлеуетін арттырып, экономикаға инвестициялар мен жаңа жұмыс орындарын әкеледі.

Жүк және жолаушы ағынын көбейту, сондай-ақ заңды миграцияны бақылау үшін заманауи өткізу пункттері мен тексеру кешендерін салу қажет. Бұл шаралар контрабанда мен тыйым салынған заттарды бақылауда, сонымен қатар шекарадан өтетін адамдардың құжаттары мен жеке басын тексеруде автоматтандыру мен цифрландыру үдерістерін енгізуді талап етеді. Мұның барлығы шекаралық бақылауды сапалы әрі тиімді жүргізуге мүмкіндік береді.

Жоспар бойынша 25-ке жуық тексеру кешендері (ИДК) автомобильдік өткізу пункттерінде салынуы тиіс. Осыған орай, Қорғаста орналасқан және мемлекеттік-жеке меншік әріптестік (ГЧП) арқылы салынған тексеру кешенінің тәжірибесі табысты деп саналады.