Біздің қоғамымыздың басты құндылығы – құрылыс компаниялары немесе кірпіштер емес, адам.

Құрылыс саласында жұмыс істеген екі жас жігіт ауыр жарақат алып, мүгедек болып қалды. Құрбан болған отбасыларымен кездесіп, ішкі істер органдары, еңбек инспекциясы, прокуратура және мемлекеттік кірістер комитетінің өкілдерімен бірлесіп, шешім табуға тырыстық.

Екі оқиға бойынша қылмыстық іс қозғалғанымен, іс алға жылжымай отыр. Зардап шеккендер заң бойынша тиісті әділ өтемақы мен компенсация ала алмай отыр. Бұл оқиғалар құрылыс компанияларының жауапсыздығын және жұмысшылардың құқықтарының қорғалмауын көрсетеді.

Құрылыс компаниялары ресми еңбек шарттарын жасамай, жалақыларды карталарға төлеу арқылы салықтар мен әлеуметтік аударымдарды төлемейді, бұл жұмысшылардың болашағына қауіп төндіреді.Құрылыс компаниялары барлық қажетті шығындарды төлеуге міндетті немесе өз лицензиясымен жауап беретін болады.