Сөз маржаны

Л И М И Т
(Бердақ шайырға уқсатыў)

Алдыңғыдан ҳәзир жаман,
Не боп кетти мына заман,
Қыстан шықсақ есен-аман,
Бес жүз кубтан келди лимит.

Суўытып кетти үйлер, там,
Атпай кетти қурығыр таң,
Ыссы қәлер бул шийрин жан,
Бес жүз кубтан келди лимит.

Маған ҳеш гәп ошағым бар,
Отын салсам лаўлап жанар,
Әттең, жорам Алланазар,
Оған қыйын болды лимит.

Ол жорамның ошағы жоқ,
Электр қосыўға қымбат тоқ,
Бирақ өзи шустрый, шоқ,
Албыратты оны лимит.

Үйинде көп бала-шаға,
Дер: котёлды ашса аға,
Пул таўсылған жаға-жаға,
Бәле болды мына лимит.

Ашса котёл, ақшасы аз,
Күйдирип тур ток пенен газ,
Келеғойса тезирек жаз,
Қутылады сеннен лимит.

Счётчиги де турар қуўып,
Бөлмелери салқын, суўық,
Басына сондай күн туўып,
Себепшисең соған лимит.

Сол жорама болды қыйын,
Және той, мереке, жыйын,
Жыйнамады соқыр тийин,
Жеткермеди оған лимит.

Ел сайлаған депутатлар,
Халқың сорлы жылар, датлар,
Толсадағы группа, чатлар,
Өзгермеди сирә лимит.

Сағынбай Қурбанов
Хожели районы

https://t.me/Soz_marjani

Жуўас келин.

Базаргүл бул шаңараққа үлкен арзыў үмитлер менен келин болды.Күйеўи оқымыслы,өзи де орта арнаўлы оқыў орнын питкерип атыр.Енеси келинге келген күннен қатал болды.Қазанға салатуғын затларды өлшеп береди,ҳәр басқан адымын өлшеп отырады..Күйеўи бар бийликти анасына берип қойды.Базаргүл таза келин болғанлықтан қарсылық көрсетпеди .Оның үстине атасы да майда ,қыйқым адам еди.Айлығын тыйын -тыйынына шекем санап алады.Келин сонда да шаңарақтың аўызбиршилигин ойлап сабыр етип жасады.Еки қыз перзентти дүньяға келтирди.Енди оны" ул туўмайсаң ",деген сылтаў менен кемсите баслады.Оның сабырлылығын,сыйлағанын басқаша түсинди.Жуўас келин атанды.Бир күни бахытсызлық жүз берди.Үлкен қызы шомылыўға барған жерде суўға кетип қайтыс болды.Бул Базаргүл ушын үлкен дәрт болды.Бул бахытсыз ҳәдийседе де оны айыплады.
Қызыңа қарамағансаң,қадағаламағансаң,-деп азап берди.Бул гәплер барлығынан асып түсти.Қайсы ана өз перзентине жаманлықты раўа көреди.Базаргүл азып тозып кетти.Ҳәмме нәрсени ишине салып,делбедей болып қалды.Енди оны "жилли"келинге шығарды.Ақыры ол кишкене қызын алып төркинине кетип қалды.Анасы да оған:
-Қызым неше жыл азапта жасадың.Бунда бизиң де айыбымыз бар."Шыққан қыз шийден тысқары "деп сениң турмысыңа араласпадық.Енди ол үйге қайтып бармайсаң,-деди.
Күйеўи бир-еки мәрте келип хабар алды.Бирақ Базаргүл барыўды қәлемеди.
Көп узамай күйеўи үйленип кетти.Бул келин тилге жүйрик екен.Ата-енесиниң бетинен алып, оларды сөйлетпеди."Алдыңғының сазасын,кейинги берер жазасын"дегениндей буларды тырп еттирмей қойды.Бир жылдан кейин уллы болды.Бирақ ол майып болып туўылды.Бармаған шыпакери,көрсетпеген тәўиби қалмады.Қорасындағы малы да,тапқан-тутқаны да соған кетип атыр.Бирақ нәтийже жоқ.Адамлар болса:
-Әнекей қудай буларға көрсетип атыр.Алдыңғы келинине қанша азап берип еди,-дести.
Базаргүл төркинине келгеннен кейин бираз өзине келди.Жумысқа шықты.Ол да өз теңин тапты.Күйеўи де,ата-енеси де адамгершиликли,парасатлы адамлар.Перзентли болды.Қызы да ержетип киятыр.Базаргүл бахытлы болыўға ылайық ҳаял..Оған қарап: Илайым келешегиң айдын болсын.Ҳеш қашан ғам -тәшўиш шекпегейсең дегиң келеди.

Жумамбетова Қурбангүл

https://t.me/Soz_marjani

АНАЖАНЫМЫЗҒА ГУЛ🌹 АЛМАСАҚТА,
ТЕЛЕФОНЫМЫЗҒА📱 ПУЛ💵 САЛАТЫН ЗАМАН БОЛДЫ .
(Ашшы болсада хақыйқатлық)


Н..ХОЖАЛЕПЕСОВ.

https://t.me/Soz_marjani

📲 Телефон

Азайды ҳал сорасыў,
Сағынысып ушрасыў,
Қалдығо хабарласыў,
Телефон услағанлы.

Барыпта келмес болды,
Қысқарып узақ жолы,
Бәрине келди оңлы,
Телефон устағанлы.

Туспейди сирә қолдан,
Басқасы кетти ядтан,
Айрылған бар ар уяттан,
Телефон услағанлы.

Усладық таң сәҳәрлеп,
Ойынлары мый зәҳәрлеп,
Қалғанбыз биймәллеп,
Телефон услағанлы.

Кунде  сол  тунде  де,
Ермек  болды  көрмеге,
Қамалдық бир бөлмеге,
Телефон услағанлы.

Талайды таныс қылды,
Талайын алыс қылды,
Бир талай шанс болды,
Телефон устағанлы.

✍Нурназар Хожалепесов.

https://t.me/Soz_marjani