Library ENU

МЫҢЖЫЛДЫҚТАР ЖЫРШЫСЫ

18 желтоқсан күні ЕҰУ ғыльми кітапханасында ақын, жазушы, драматург, жыршы-жырау, манасшы, әдебиет пен өнер зертеушісі, аудармашы, балалар жазушысы, ҚР еңбек сіңірген қайраткері Баянғали Әлімжановтың 70 жылдық мерейтойына арналған «Мыңжылдықтар жыршысы» атты әдеби-танымдық кеш өтті.

Шараға университетіміздің ғальм-ұстаздары мен студенттер қатысты.
Кеш шымылдығын академик Дихан Қамзабекұлы ашты.
Университетіміздің профессоры Амантай Шәріп ректордың арнайы сәлемін жеткізіп, «Күлтегін» медальін табыстады. Қазақстанның еңбек сіңірген қайраткері, әнші - Сүлеймен Ибрагимов әннен тарту жасап, ғалымдар Баянғали Әлімжановпен бірге кешкен естеліктерін еске алды.

Жазушы келген қонақтармен
ашық сұхбат құрып, студенттер оның шығармашылығынан өлең оқыды.
Баянғали Әлімжанов ғылыми кітапхана қорына 30 томдық шығармалар жинағын және басқа да бірнеше кітаптарын сыйға тартты. Профессор С. Негимов Баянғали Әлімжановтың көп қырлылығын тілге тиек етіп, оның әдебиет пен өнердің қай сатысында болсын ойып тұрып орын алған қарымды қаламгер, жалынды жыршы екенін атап өтті.
Кеш соңында ғылыми кітапхана директоры Б.Оразалиев қаламгерді мерейтойымен құттықтап, шығармашылық табыс тіледі.

@enugumilyov_official
@erlan_sydykov_rector
@jambyl_tilep
@jastarruhy_enu

#ғылымикітапхана #баянғалиәлімжанов70жыл

Бүгін 13 желтоқсан «Egemen Qazaqstan» газетіне 105 жыл толып отыр. Ғасырлық тарихы бар республикалық бұл басылым алғаш рет өз оқырмандарының қолына «Ұшқын» деген атпен 1919 жылғы 17 желтоқсанда тиді. Содан бері бұл газетте әр жылдары Бернияз Күлеев, Смағұл Сәдуақасов, Жүсіпбек Аймауытов, Мұхтар Әуезов, Бейімбет Майлин, Сәкен Сейфуллин, Тұрар Рысқұлов, Ораз Жандосов, Ғабит Мүсірепов, Шерхан Мұртаза, Әбіш Кекілбаев сынды ұлтымыздың біртуар азаматтары қызмет атқарды. Газет өз тарихында «Ұшқыннан» кейін «Еңбек туы», «Еңбекшіл қазақ», «Еңбекші қазақ», кейіннен «Социалды Қазақстан», «Социалистік Қазақстан» атауымен жарыққа шықты. Еліміз егемендік алған тұста аты «Егеменді Қазақстан», ал 1993 жылы «Егемен Қазақстан» болып өзгерді.

Газеттің бүгінгі санында Дихан Қамзабекұлының «Байсалды белес» атты мақаласы жарық көрді. Бұл мақалада «Egemen Qazaqstan» газетінің 105 жылдық белесі жайында, жалпы ұлт баспасөзі, журналистика бастауы, сабақтастығы туралы ой қозғайды.
Тарихы тереңде жатқан бұл газетті ғылыми кітапханамыздың сайтынан немесе ақпараттық библиография бөлімінің мерзімді басылымдар залынан күнделікті жаңа санымен танысып, қажетті ақпаратты таба аласыздар!

@enugumilyov_official
@erlan_sydykov_rector
@egemenkz
@jambyl_tilep

#егеменқазақстан105 #ғылымикітапхана

Кітапханадағы факультет күндері

Университетіміздің оқытушы-ғалымдары үшін 9 - 13 желтоқсан аралығында өткізілген «Факультет күні» апталығында кітапхананың баспа және электрондық ресурстары мен олардың мүмкіндіктері, білім беру бағдарламаларын қамтамасыз етілуі және ғылыми-зерттеу жұмыстарына қолдау қызметі жайында кеңінен ақпарат берілді.

Бұл шараға қатысушылар оқу процесін дамытуға қажетті кітапхананың инновациялық технологияларымен танысты, бір терезеден іздеу жүйесі, онлайн оқу ресурстарымен видонұсқаулықтар, виртуалды көрмелер және басқа да цифрлық қызметтер туралы ақпарат алды.

Дәстүрлі түрде өтетін «Факультет күні» білім беру орнының маңызды оқиғаларының бірі. Әсіресе студенттер мен оқытушылар қауымдастығы үшін ерекше мәнге ие.
Шара барысында әр факультетке бекітілген пән кітапханашылары ЕҰУ ғалымдарының еңбектері мен жаңадан қорға түскен оқулықтардан кітап көрмесін ұйымдастырды. Дәстүрлі шара кітапхана мен факультет арасындағы байланысты нығайтып, ғылым мен білімді дамытуда айрықша үлес қосып келеді.

@enugumilyov_official
@erlan_sydykov_rector
@jambyl_tilep
@jastarruhy_enu

📌Ғылыми кітапханада Қазақстан Республикасының тәуелсіздік күніне арналған "Тәуелсіздік – тербеткен бесігімді" атты іс-шара өтті.
Шара тәуелсіздіктің маңызын, еліміздің баға жетпес құндылықтарын дәріптеу мақсатында ұйымдастырылды.
Кештің шымылдығын ғылыми кітапхана директоры Бақытжан Әсетілдәұлы ашып, келген қонақтар мен қатысушыларды тәуелсіздік мерекесімен құттықтады.
📍BookenClub оқырмандар клубының ұйымдастыруымен өткен іс-шара барысында көрермендерге ұлттық өнеріміздің қайталанбас туындылары ұсынылып, жүректі тебірентер әндер мен жырлар орындалды. Еуразия Ұлттық университетінің түлектері Арманбек Жакейхан мен Абзал Мақаш ән салып, Жастар рухы Ақпараттық технологиялар факультетінің студенті әуезді күймен жалғады. Сонымен қатар Жаратылыстану ғылымдары факультетінің студенттері де “Мен қазақтың баласы” әнімен тыңдармандарға ерекше көңіл күй мен рух сыйлады. Осы тұста кітапхана директорының орынбасары Жанар Бекайдарқызы тыңдармандарды әсем әнімен тербеп, кітапхана қызметкері Мөлдір Бегленбетова өз өлеңін оқырмандарға ұсынды. Әрбір қатысушы Қазақстанның жарқын болашағы мен азаттықтың асқақ рухын сезініп, рухани байып қайтты.
Бірлік пен патриотизмге толы бұл кеш әр жүрекке елімізге деген махаббат пен мақтаныш ұялатты. Тәуелсіздігіміз мәңгі болғай!

#libraryenu #enu

📌Ғылыми кітапхананың №13 оқу залынан Заң факультетінің білім алушылары үшін «Болашақ прокурор» кеңістігі ашылды.
Жиынға университеттің академиялық мәселелер жөніндегі проректоры А. Бейсенбай, заң факультетінің деканы Б. Сматлаев, бас прокуратураның кадрлық жұмыс департаменті бастығының орынбасары А. Ілияс, Астана қаласы прокуратурасының басқарма бастығы А. Аймағанова қатысты. Университет омбудсмені Н. Шапекова өзінің жүрек жарды тілегін өлеңмен жеткізді. Ғылыми кітапхана директоры Б. Оразалиев қазіргі құқықтық мәселелер өзекті болып тұрған кезеңде біз тек өз құқықығымызды біліп қана қоймай, сонымен бірге сот төрелігі жүйесінің қалай жұмыс істейтінін түсіну де өте маңызды. «Болашақ прокурор» кеңістігі осы маңызды мамандыққа алғашқы қадамдар жасауға көмектеседі. Бұл құқық саласында жұмыс істеуді мақсат еткендер үшін және елдің құқықтық жүйесі туралы білімдерін тереңдеткісі келетіндер үшін құнды ресурс, деп қорытындылады.

📍Келген қонақтар мен университеттің білім алушылары арасында еркін сұрақ-жауап пен пікір алмасулар болды. Шара соңында келушілер атқарылып жатқан игі істерге ризашылықтарын білдіріп, кітапхананың басшылығына алғыс айтты.
Біздің мақсатымыз жас ұрпаққа құқықтық сауаттылықты дамытуға және прокуратурада, адвокатурада немесе басқа да құқық қорғау органдарындағы қызметті мақсат еткен жастарға ізденіске мүмкіндік беріп, жағдай жасау. Кітапханаға келіп «Болашақ прокурор» кеңістігімен танысып, әділет әлемін ашыңыз!

#libraryenu #enu