«Сен маған көрінбей жүре аласың ба?»

Пайғамбар (ﷺ) өзінің көкесін өлтірген Уахшидің тәубесін қабылдады. Ешкім де тәубенің есігін біреудің бетіне жаба алмайды, тіпті ол пайғамбар болса да!

Бірақ адамның жүрегі өзіне тиесілі, ал жарасы тек өзіне ғана тиесілі. Сол себепті Пайғамбар оған: «Сен маған көрінбей жүре аласың ба?»– деді.

Кешіру – қабілетке байланысты,
бірақ кейде жараның ауырлығы кешіруге мүмкіндік бермейді.

Біз оларды кешіре аламыз, бірақ олардың жүзіне қарау бізге қиын. Өйткені оларды көрген сайын, арқамызға қадалған қанжардың ащы дәмі есімізге түседі.

Суды қайтадан өз арнасына қайтаруды қаламайтын адам міндетті түрде өшпенді емес. Кейбір адамдар жараның тереңдігінен біледі: егер су өз арнасына қайта оралса, ол таза болмай, лай болып қалады.

Жараның қасиеті бар – оны құрметтеңіз!

©️Әдһам Шарқауи
(Хафизуһалла)