Салық есебін тапсыру мерзімі 1 күнге ұзартылды

Иә, қазір декларация тапсырып үлгеру керек деп жанталасқандардың қарасы көп. Әдетте, мұндай міндетті шаруаны соңғы күндерге алып қалғанды жақсы көретін халықпыз...

Негізі, салық есебін тапсырып болу керек соңғы күн – әр жылдың 15 қыркүйегі болатын. Биыл ол дата жексенбі күнге келіп тұр.

Осыған орай Алматы қаласы бойынша Мемлекеттік кірістер департаментінің баспасөз қызметі соңғы күн демалысқа немесе мереке күніне сәйкес келсе, мерзім автоматты түрде келесі жұмыс күніне ауыстырылатынын еске салып отыр.

Ол біздің қазіргі жағдайда – 16 қыркүйек. Бұл өзгеріс 250.00 және 270.00 формаларына қатар жүреді.

Салықты қай құралмен тапсыруға болады?

Әрине, бұның бәрі онлайн бітетін іс. Сіз бен біз үшін қолайлы бірнеше электрондық сервис бар.

Сайттан мыналар:

📌 «Салық төлеушінің кабинеті» (cabinet.kgd.gov.kz);
📌 «Электрондық үкімет» порталы (egov.kz);

Мобильді қосымшалар:

📌 «е-Salyq Azamat»;
📌 «eGov mobile»;
📌 және екінші деңгейлі банктердің мобильді қосымшалары.

Уақытында берілмеген есептің «жазасы» қандай?

❗ Декларацияны уақытында ұсынбасаңыз, алғашында салық органы тарапынан ескерту беріледі.

❗ Бұл олқылық бір жыл ішінде қайталанатын болса, айыппұл арқалайсыз. 15 АЕК, бұл – 51 750 теңге.

❗ Егер жеке тұлға бұрын ескерту алған болса, айыппұл соммасы одан әрі ескертусіз салынады.

https://t.me/qarzhylyq_sauat