👀 «Жаңа тренд». Жұрт Шерзат Полат ісіне қатысты үнсіз қалған әртістер мен блогерлерден жаппай бас тартып жатыр

Бұл тренд TikTok әлеуметтік желісінде пайда болған. Трендтің мақсаты — Шерзат Полат ісіне қатысты үндемеген танымал адамдарға тіркелмеу.

«Халықтың басына күн туып, адам өмірі бір ішімдікпен есептеліп жатқанда үнсіз қалып, гив, курс сатуға келгенде «халқым» дейтін блогерлердің бізге керегі жоқ!», — деп жазды бір қолданушы.

Бұл тренд TikTok әлеуметтік желісінде жылдам таралды. Жастар ата-анасының Instagram парақшасы арқылы да блогерлерді кәнсілдеп жатыр.

Кей қолданушылар жаңа трендтің жақсы әсер етіп жатқанын жазып жатыр. Басты себеп — блогерлер мен әртістер Шерзат Полат ісіне қатысты үн қата бастаған.

Telegram ~ Instagram ~ WhatsApp